ព័ត៌មានជាតិ
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
បើតាមការគូសបញ្ជាក់ពីមន្ត្រីក្រសួងបរិស្ថានបានឲ្យដឹងថា សត្វព្រៃដែលបាត់វត្តមានចាប់ពី ៣០ ឆ្នាំ ទើបអាចប្រកាសជាផ្លូវការផុតពូជពីដែនជម្រកព្រៃធម្មជាតិ។
លោក ជា សំអាង រដ្ឋលេខាធិការក្រសួងបរិស្ថានបានថ្លែងនៅក្នុងសន្និសីទសារព័ត៌មាន ស្តីពីគម្រោងស្តារសត្វខ្លាធំឡើងវិញក្នុងប្រទេសកម្ពុជាកាលពីម្សិលមិញនេះថា មានពូជសត្វព្រៃមួយចំនួនបានបាត់វត្តមានជាច្រើនឆ្នាំ តែក៏មិនទាន់អាចប្រកាសថាផុតពូជនោះដែរ។
លោក ជា សំអាង រដ្ឋលេខាធិការក្រសួងបរិស្ថាន
«ការប្រកាសទទួលស្គាល់សត្វណាមួយផុតពូជ ត្រូវបាត់វត្តមានជាមធ្យមចាប់ពី ៣០ ឆ្នាំឡើងទៅ»។ លោក ជា សំអាងបញ្ជាក់។
លោកលើកឡើងករណីសត្វរមាស ដែលត្រូវបានប្រកាសទទួលស្គាល់ថាបានផុតពូជពីប្រទេសកម្ពុជា។ ដោយឡែកសត្វគោព្រៃ ដែលក្រោយសង្រ្គាមទោះបីមិនអាចចាប់បានវត្តមាន តែក៏មិនទាន់អាចប្រកាសផុតពូជពីប្រទេសកម្ពុជានោះដែរ ដោយស្ថាប័នពាក់ព័ន្ធនិងមន្រ្តីជំនាញនៅបន្តតាមដាននិងស្រាវជ្រាវតទៅទៀត។
លោកថា សត្វព្រៃមួយចំនួនបានចល័តពីកន្លែងមួយទៅកន្លែងមួយដែលធ្វើឲ្យវត្តមានកាន់តែតិច និងដោយសារការគេចចេញពីមនុស្ស ហើយតាមលក្ខណៈបច្ចេកកទេសត្រូវការស្រាវជ្រាវបន្ថែម។
កាលពីឆ្នាំ ២០១៦ ប្រទេសកម្ពុជាក៏ប្រកាសពីការផុតពូជសត្វខ្លាធំពីដែនជម្រកព្រៃធម្មជាតិ។ យ៉ាងណាមិញ ដោយសារមានការសហការជាមួយរដ្ឋាភិបាលឥណ្ឌា ពូជសត្វកម្រនេះនឹងមានវត្តមានសាជាថ្មី តាមរយៈការអនុវត្តគម្រោងស្តារឡើងវិញសត្វខ្លាធំនៅប្រទេសកម្ពុជា។
តាមរយៈគម្រោងស្តារឡើងវិញសត្វខ្លាធំនៅប្រទេសកម្ពុជា រដ្ឋាភិបាលឥណ្ឌានឹងផ្តល់សត្វខ្លាធំចំនួន ៤ ក្បាល ដែលតាមមន្រ្តីរដ្ឋាភិបាលថានឹងដឹកមកដល់ប្រទេសកម្ពុជាក្នុងពេលឆាប់ៗខាងមុខនេះ។
ការនាំសត្វខ្លាធំមកកាន់ដែនដីព្រៃប្រទេសកម្ពុជា គឺជាដំណើរដ៏វែងឆ្ងាយមួយដែលចំណាយពេលជាច្រើនឆ្នាំ។ នេះបើតាមមន្រ្តីក្រសួងបរិស្ថាន។
រដ្ឋាភិបាលកម្ពុជានិងរដ្ឋាភិបាលឥណ្ឌា បានចុះហត្ថលេខាលើអនុស្សារណៈយោគយល់ដែលមានតំណាងពីក្រសួងបរិស្ថាននៃប្រទេសកម្ពុជា អាជ្ញាធរជាតិអភិរក្សសត្វខ្លាធំនៃប្រទេសឥណ្ឌា វិទ្យាស្ថានសត្វព្រៃនៃប្រទេសឥណ្ឌា រួមនឹងអង្គការសម្ព័ន្ធមិត្តសត្វព្រៃ ក្នុងការធ្វើការរួមគ្នាអនុវត្តគម្រោងស្តារសត្វខ្លាធំនៅក្នុងប្រទេសកម្ពុជា។
ស្ថាបនិកនិងជានាយិកាប្រតិបត្តិអង្គការសម្ព័ន្ធមិត្តសត្វព្រៃ កញ្ញា បណ្ឌិត ស៊ូវណ្ណា ហ្គោនឡេត បានឲ្យដឹងថា ដើម្បីរួមគ្នាការពារខ្លាធំដែលមានវត្តមានសាជាថ្មីនៅក្នុងប្រទេសកម្ពុជា ស្ថាប័នពាក់ព័ន្ធត្រូវមានកិច្ចការងារជាច្រើនដែលត្រូវធ្វើបន្តទៀត។
បើតាមកញ្ញាបណ្ឌិត ស៊ូវណ្ណា ហ្គោនឡេត សត្វខ្លាធំដែលនឹងត្រូវដឹកមកនៅជម្រកថ្មីនៅក្នុងដែនព្រៃធម្មជាតិប្រទេសកម្ពុជា នឹងត្រូវបានការពារយ៉ាងពិសេសដើម្បីធានាបានថាពួកវានឹងអាចបន្សាំការរស់នៅប្រកបដោយភាពសុខុដុមរមនា។
តំបន់ជួរភ្នំក្រវាញប្រទេសកម្ពុជានឹងក្លាយជាផ្ទះថ្មីរបស់សត្វខ្លាធំទាំំង ៤ ក្បាល ដែលរដ្ឋាភិបាលឥណ្ឌាផ្តល់ដល់ប្រទេសកម្ពុជា។ កញ្ញាបណ្ឌិត ស៊ូវណ្ណា ហ្គោនឡេត បានបញ្ជាក់ថា ជួរភ្នំក្រវាញជាតំបន់មានព្រៃក្រាស់ហើយមានលក្ខណៈដូចជាតំបន់ទេសភាព ជាជម្រកសត្វខ្លាធំដែលមានសក្តានុពលអាចរស់នៅរហូតដល់ ១០០ ក្បាល បើធៀបទៅនឹងដង់ស៊ីតេស្រដៀងគ្នានៅក្នុងតំបន់ទេសភាពក្នុងបណ្តាប្រទេសអាស៊ី៕
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល