ព័ត៌មានជាតិ
សម្ដេចធិបតីគាំទ្រលើការផ្ដល់ធាតុចូលរបស់បណ្ដាគណបក្សនៃឧត្ដមក្រុមប្រឹក្សាពិគ្រោះ និងផ្តល់យោបល់
សម្ដេចធិបតី ហ៊ុន ម៉ាណែត បញ្ជាក់យ៉ាងច្បាស់ចំពោះការគាំទ្រលើការផ្ដល់ធាតុចូល ទស្សនទាន និងការបំពេញភារកិច្ចរបស់បណ្ដាប្រតិភូគណបក្សនៃឧត្ដមក្រុមប្រឹក្សាពិគ្រោះ និងផ្តល់យោបល់។ នេះបើតាមលោក ឈឹម ផលវរុណ ប្រធានលេខាធិការដ្ឋានឧត្តមក្រុមប្រឹក្សាពិគ្រោះ និងផ្ដល់យោបល់។
លោក ឈឹម ផលវរុណ ថ្លែងឱ្យដឹងដូច្នេះថា៖ «សម្ដេចប្រមុខរាជរដ្ឋាភិបាល បានបញ្ជាក់ច្បាស់ចំពោះការគាំទ្រប្រតិភូរបស់គណបក្សនីមួយៗ ហើយនិងការបំពេញភារកិច្ចរបស់ប្រតិភូគណបក្សនីមួយៗ ដែលមានចែងនៅក្នុងព្រះរាជក្រឹត្យ គឺបានផ្ដល់នូវធាតុចូលជាច្រើន»។
ថ្លែងក្នុងសន្និសីទសារព័ត៌មាន ក្រោយបញ្ចប់កិច្ចប្រជុំប្រចាំឆមាសរបស់ឧត្តមក្រុមប្រឹក្សាពិគ្រោះ និងផ្ដល់យោបល់ ក្រោមអធិបតីភាពដឹកនាំរបស់សម្ដចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាព្រឹកថ្ងៃទី២៤ ខែឧសភា ឆ្នាំ២០២៤នេះ លោក ឈឹម ផលវរុណ ក៏បានបញ្ជាក់ឱ្យដឹងពីការបំភ្លឺរបស់សម្ដេចធិបតីប្រមុខរាជរដ្ឋាភិបាល ពាក់ព័ន្ធគោលនយោបាយរបស់រាជរដ្ឋាភិបាលដែលបានដាក់ចេញ ច្បាប់ដែលកំពុងតែគិតគូ និងការអនុវត្តច្បាប់ដែលកំពុងដំណើរការជាមួយនឹងកំណែទម្រង់របស់រាជរដ្ឋាភិបាល ជាពិសេសកិច្ចការកំណែទម្រង់ស្ថាប័នជាតិឱ្យមានជាលក្ខណៈជាអភិបាលកិច្ចល្អ។
បើតាមប្រធានលេខាធិការដ្ឋានរូបនេះ រាល់បញ្ហាប្រទាំងប្រទើសមួយចំនួនដែលប្រតិភូគណបក្សនីមួយៗនៃឧត្តមក្រុមប្រឹក្សាពិគ្រោះ និងផ្ដល់យោបល់ លើកឡើងជាធាតុចូលដល់រាជរដ្ឋាភិបាល គឺត្រូវការពេលវេលានៃការសិក្សាស្រាវជ្រាវ ដើម្បីរកឱ្យឃើញភាពជាក់លាក់ និងប្រាកដប្រជានៃបញ្ហាទាំងនោះ ដែលក្នុងគោលបំណងមួយ គឺការចូលរួមជួយដល់កិច្ចការជាតិ សំដៅឱ្យមានការអភិវឌ្ឍប្រកបដោយប្រសិទ្ធភាព និងចីរភាព។
ដូច្នេះហើយ សម្ដេចធិបតី ចាត់ទុកការចូលរួមរបស់ប្រតិភូគណបក្សទាំង២៩នេះ គឺជាការបំពេញបន្ថែមនូវជ្រុងណាដែលខ្វះខាត ហើយជាទស្សនៈវិស័យបំពេញបន្ថែមនូវអ្វីដែលអនុវត្តជាក់ស្ដែងនៅក្នុងសង្គមជាតិ៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា