ព័ត៌មានជាតិ

ផ្លូវជាតិលេខ ៣១ សម្រេចសាងសង់បានជិត ៩០% លឿនជាងកិច្ចសន្យាមួយឆ្នាំ

បានផុស

៧ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

គិតត្រឹមថ្ងៃទី២៨ ខែឧសភា ឆ្នាំ២០២៤ នេះ គម្រោងស្ដារ និងលើកកម្រិតគុណភាពផ្លូវជាតិលេខ៣១ សម្រេចវឌ្ឍនភាពការងារសាងសង់បានជិត ៩០% ហើយបើគ្មានការប្រែប្រួលទេអាចនឹងបញ្ចប់មុនកិច្ចសន្យាមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខាន់ ម៉ាណេរ រដ្ឋលេខាធិការ និងជានាយកគម្រោងស្ដារ និងលើកកម្រិតផ្លូវជាតិលេខ៣១ បានឲ្យដឹងថា ពេលនេះ វឌ្ឍនភាពការងារសាងសង់សម្រេចបានប្រមាណជិត ៩០%។ ក្នុងនោះ វឌ្ឍនភាពការងារសាងសង់រួមមាន ១).អ៊ុតកៅស៊ូបេតុង AC ទាំង ២ ស្រទាប់ គ្រោងបញ្ចប់ ១០០% នាពាក់កណ្តាលខែមិថុនា ២). ការងារបំពាក់សម្ភារសុវត្ថិភាពចរាចរណ៍ (គំនូសចរាចរណ៍ ផ្លាកសញ្ញា ផ្លាកបង្ហាញទិសផ្លូវ របារ-Guardrail និងការងារចាំបាច់ផ្សេងៗ ដែលជាសំណូមពរក្រុមការងារ និងប្រជាពលរដ្ឋរស់នៅសងខាងផ្លូវ) គ្រោងបញ្ចប់នៅបំណាច់ខែសីហាខាងមុខ។

គម្រោងស្ដារ និងលើកកម្រិតគុណភាពផ្លូវជាតិលេខ ៣១ មានប្រវែងសរុប ៥៣,៥៤គ.ម (ចាប់ពីបែកគុស ចំណុចប្រសព្វផ្លូវជាតិលេខ៣ រហូតទៅដល់ទីរួមស្រុកកំពង់ត្រាច ចំណុចតភ្ជាប់ផ្លូវជាតិលេខ ៣៣)។

ទាក់ទងគុណភាពកំណាត់ផ្លូវមួយខ្សែនេះដែលសាងសង់លឿងជាងកិច្ចសន្យា ១ ឆ្នាំ លោក ខាន់ ម៉ាណេរ ដែលទទួលបន្ទុកកាន់ការងារត្រួតពិនិត្យគុណភាពផ្លូវជាតិលេខ ៣១ បានលើកឡើងពីការយកចិត្តទុកដាក់ និងធានាបាននូវកម្រិតគុណភាពតាមស្តង់ដារបច្ចេកទេសខ្ពស់៕