ព័ត៌មានជាតិ

ស្រ្ត័របីរីនៅភ្នំបូកគោ អាចលក់មួយគីឡូបានជាង ២៥ ដុល្លារ

បានផុស

១១ ខែ មុន

នៅ

ថ្ងៃសុក្រ ៣១ ឧសភា ២០២៤

ដោយ

ស្រ្ត័របីរីដែលជាដំណាំត្រូវការអាកាសធាតុត្រជាក់ត្រូវបានដាំដុះនៅលើផ្ទៃដីជាង ១ ហិកតា នៅលើកំពូលភ្នំបូកគោ។ ផ្លែឈើលោកខាងលិចនេះមានវិតាមីនសេខ្ពស់ ជំនួយដល់សុខភាព ហើយមានតម្រូវការខ្ពស់នៅលើទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើភ្នំបូកគោដែលមានអាកាសធាតុត្រជាក់ពេញមួយឆ្នាំ ត្រូវបានអ្នកជំនាញកូរ៉េបានសាកល្បងយកដំណាំលោកខាងលិចនេះ មកដាំនិងក៏កំពុងហុចផលជាទីគាប់ចិត្តដែរ។

លោក ឆី ហូរ អ្នកមើលការខុសត្រូវ និងជាមគ្គុទ្ទេសក៍នៅចម្ការស្រ្ត័របីរីនៅកសិដ្ឋានភ្នំបូកគោបានឲ្យដឹងថា ដំណាំស្រ្ត័បរ័រីនេះ កសិដ្ឋានរបស់លោកទើបតែសាកល្បងដាំបានតែមួយឆ្នាំនោះទេ។ ដំណាំបស្ចិមប្រទេសនេះរើសភូមិសាស្ត្របន្តិច ដែលត្រូវការតំបន់ដែលមានអាកាសធាតុត្រជាក់ និងសំណើម ហើយក៏ត្រូវចិត្តទុកដាក់លើការថែទាំឲ្យដិតដល់ផងដែរ។

ខណៈដំណាំស្រ្ត័របីរីមានតម្រូវការនិងតម្លៃខ្ពស់លក់លើទីផ្សារ ស្រ្ត័បរីដែលដាំដុះនៅលើភ្នំបូកគោអាចលក់បានមួយគីឡូដល់ទៅ ២៥ ដុល្លារ។ តម្លៃនេះបើធៀបស្រ្ត័របីរីនាំចូលថោកជាង ២០ ភាគរយ។ នេះបើតាមលោក ឆី ហូរ។

ស្រ្ត័ប័ររីនៅកសិដ្ឋានភ្នំបូកគោអាចផ្តល់ផលប្រចាំថ្ងៃបានជាង ១៥ ទៅ ២០ គីឡូក្រាមក្នុងមួយថ្ងៃ។

លោក ឆី ហូរ បានបញ្ជាក់ថា ស្រ្ត័បរីមានវិតាមីនសេច្រើនជាងផ្លែប៉ោមនិងក្រូចទៅទៀត។ ប្រើប្រៀបធៀបផ្លែប៉ោម ស្រ្ត័ប័ររីមានវីតាមីនសេច្រើនជាង ១០ ដង និងល្អសម្រាប់ស្រ្តីមានផ្ទៃពោះ។

បើតាមលោក ឆី ហួរ អតិថិជនដែលត្រូវការ អាចមកទិញនៅកសិដ្ឋានផ្ទាល់ ឬនៅតាមហាងមួយចំនួននៅភ្នំពេញ៕