ព័ត៌មានជាតិ

ខឹងម្ចាស់ហាងមិនចាក់បទចម្រៀងឲ្យស្ដាប់ទាញកែវបោកប្រាវ

បានផុស

៤ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

បុរសម្នាក់ចូលទៅផឹកស៊ីក្នុងហាងមួយកន្លែង កុម្ម៉ង់បទចម្រៀងម្ចាស់ហាងមិនបាន ផ្ទុះកំហឹងទាញកែវ ទាញចានបោកប្រាវខ្ទាតអំបែងត្រូវនារីបុគ្គលិកហាងរងរបួសដេ៣ថ្នេរ ត្រូវនារីរងគ្រោះប្ដឹងទាសំណង១០០០ដូល្លារ។

ករណីនេះបានកើតឡើងនៅចំណុចក្នុងភោជនីយដ្ឋាន ទីក្រុង អាន់ឆ័រ មានទីតាំងក្នុងដីឡូត៍លេខ២៩ ផ្លូវលេខ២៦១ ក្រុមទី៣២ ភូមិ១១ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនបង្កឈ្មោះ ជួប សុខជ័រ ហៅ ជ័រ អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវបេតុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ចំណែកនារីរងគ្រោះឈ្មោះ កាន សុផាត អាយុ២៥ឆ្នាំ បុគ្គលិក ភោជនីយដ្ឋាន ទីក្រុង អាន់ឆ័រ ស្នាក់នៅផ្ទះជួលលេខ២៥២ ផ្លូវលេខ២៦១ ក្រុមទី២៧ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ រងរបួសដេ៣ថ្នេក្រោមភ្នែក។

ក្រោយពីបង្កហេតុ កម្លាំងសមត្ថកិច្ចមូលដ្ឋានចុះដល់ទីតាំងកើតហេតុ ឃាត់ខ្លួនជនបង្កយកមកសួរនាំ និងធ្វើការសម្របសម្រួលជាមួយជនរងគ្រោះ ដោយមិនមានប្រាក់សងនារីរងគ្រោះ ទើបជនរងគ្រោះឲ្យសមត្ថកិច្ចធ្វើការតាមផ្លូវច្បាប់៕

អត្ថបទ ៖ សុខុម