បញ្ជូន​ជនជាតិបារាំងម្នាក់​ទៅអគ្គនាយកដ្ឋានអន្តោប្រវេសន៍​និង​ស្នើសុំ​គោលការណ៍​បណ្ដេញចេញ

បុរសជនជាតិបារាំងដែលសមត្ថកិច្ចចាប់ខ្លួននៅខណ្ឌជ្រោយចង្វារកាលពី​ថ្ងៃទី​២៣ ខែកុម្ភៈ ឆ្នាំ​២០២១​កន្លងទៅ ក្នុងករណី​ប្រើប្រាស់សារធាតុញៀន និងរក្សាទុកអាវុធខុសច្បាប់ ត្រូវបាន​កម្លាំង សមត្ថកិច្ចបញ្ជូនទៅអគ្គនាយកដ្ឋានអន្តោប្រវេសន៍ និងស្នើសុំគោលការណ៍ថ្នាក់ដឹកនាំដើម្បី​បណ្តេញ ចេញពីប្រទេសកម្ពុជា​។

ជនជាតិបារាំងដែលឃាត់ខ្លួនឈ្មោះ BAUDRY SEBASTIEN ភេទ ប្រុស អាយុ៤៣ឆ្នាំ កាន់លិខិត​ឆ្លងដែនលេខ 16AR87569 ស្នាក់នៅក្នុងបុរី សុភមង្គល ផ្ទះជួលលេខ H12B ផ្លូវជាតិ លេខ៦ សង្កាត់ ជ្រោយចង្វារ ខណ្ឌជ្រោយចង្វារ ។

គួររំលឹកថា កាលពីថ្ងៃ ២៣ ខែកុម្ភៈ ឆ្នាំ២០២១ វេលាម៉ោង១១និង៥០នាទី ដោយមានការអនុញ្ញាត ពី ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ការិយា​ល័យស៊ើបអង្កេតនិងអនុវត្តនីតិវិធី ផែនការងារអន្តោប្រវេសន៍ ដឹកនាំដោយលោកឧត្តមសេនីយ៍ ទោ ទិត វិសិដ្ឋ ស្នងការរង ទទួលផែនការងារអន្តោប្រវេសន៍ និងលោកនាយការិយាល័យស៊ើបអង្កេត និងអនុវត្តនីតិវិធីបានសហការជាមួយកម្លាំងមូលដ្ឋាននៃអធិការដ្ឋាននគរបាលខណ្ឌជ្រោយចង្វារ បានធ្វើការឃាត់ខ្លួនជនជាតិបារាំងម្នាក់ពីបទ ស្នាក់នៅខុសច្បាប់ ប្រើប្រាស់ដោយខុសច្បាប់ នូវ សារធាតុ ញៀន រក្សាទុកអាវុធ ដោយខុសច្បាប់ និងបំផ្លិចបំផ្លាញទ្រព្យអ្នកដ៏ទៃ ដកហូតសម្ភារៈ ផ្លែ ព្រួញដែក កាំបិត កន្ត្រៃ ញញួរ កាំភ្លើងវែង – ខ្លី ជ័រ និងកញ្ជាក្រៀម០៣កញ្ចប់ តូច។

ឆ្លងតាមលទ្ធផលពិនិត្យឃើញជនបរទេសរូបនេះ បានចូលមកព្រះរាជាណាចក្រកម្ពុជាចំនួន៤ លើក ចុងក្រោយនៅថ្ងៃទី៤ ខែវិច្ឆិកា ឆ្នាំ២០១៩ តាមច្រកទ្វារ អាកាសយានដ្ឋានអន្តរជាតិភ្នំពេញ គោល​បំ​ណងធ្វើការ ក៏បន្ដការស្នាក់នៅដោយខុសច្បាប់រហូតមកដល់សព្វថ្ងៃ ។ ជនបរទេស រូបនេះ អាចមានបញ្ហាដោយសារការប្រើប្រាស់ដោយខុសច្បាប់នូវសារធាតុញៀន ទើបបណ្តាលឱ្យធ្វើការ បំភ្លេច បំផ្លាញទ្រព្យអ្នកដ៏ទៃមិនបាន បំពេញកាតព្វកិច្ច បន្តទិដ្ឋាការស្នាក់នៅនិងមិនមាន ការ​សហការ ល្អជាមួយសមត្ថកិច្ច។

រហូតដល់ថ្ងៃទី២៦ខែកុម្ភៈ ឆ្នាំ២០២១ វេលាម៉ោង០៩និង៣០នាទី ដោយមានការអនុញ្ញាតពីឯកឧត្តម អគ្គស្នងការរង និងជាស្នងការនគរបាលរាជធានីភ្នំពេញ ការិយាល័យស៊ើបអង្កេតនិ អនុវត្តនីតិវិធី ផែនការងារអន្តោប្រវេសន៍ បានបញ្ជូនជនបរទេសខាងលើទៅអគ្គនាយកដ្ឋានអន្តោប្រវេសន៍ ដើម្បី អនុវត្តនីតិវិធីបន្ត៕

អត្ថបទ ​៖ សុខុម​