ព័ត៌មានជាតិ
ពលការិនីមកពីប្រទេសអារ៉ាប៊ីសាអូឌីត រីករាយពេលក្រសួងប្រាប់ពីឱកាសការងាររាប់ម៉ឺនកន្លែង និងការសិក្សាជំនាញបច្ចេកទេស វិជ្ជាជីវៈ ដោយឥតគិតថ្លៃ
ភ្នំពេញ ៖ ក្រុមពលការិនី ដែលទើបត្រឡប់មកពីប្រទេសអារ៉ាប៊ីសាអូឌីត បានសម្តែងក្តីរីករាយក្រៃលែង នៅពេលក្រសួងការងារ និងបណ្តុះបណ្តាលវិជ្ជាជីវៈ បានបង្ហាញឱកាសការងារជាង៥ម៉ឺនកន្លែង និងឱកាសសិក្សារៀនសូត្រជំនាញបច្ចេកទេសវិជ្ជាជីវៈជូនពួកគាត់ដោយឥតគិតថ្លៃ។
ក្រុមពលការិនីដែលទើបបានត្រឡប់មកដល់មាតុប្រទេសវិញ កាលពីថ្ងៃទី២ ខែមិថុនា ឆ្នាំ២០២៤ បានបង្ហាញអារម្មណ៍សប្បាយចិត្ត និងកក់ក្ដៅ ព្រោះមានការយកចិត្តទុកដាក់ពីរាជរដ្ឋាភិបាល តាមរយៈក្រសួងការងារនិងបណ្តុះបណ្តាលវិជ្ជាជីវៈ។ ជាពិសេស ពួកគាត់បានទទួលការណែនាំនូវឱកាសការងារល្អៗ ដោយមិនចាំបាច់ឲ្យពួកគាត់ពិបាកក្នុងការស្វែងរកការងារធ្វើនោះទេ ហើយថែមទាំងផ្សព្វផ្សាយពីឱកាសសិក្សាជំនាញបច្ចេកទេសជូនពួកគាត់ ដោយមិនគិតថ្លៃថែមទៀត។
ពលការិនី ខា សុខៃ បាននិយាយថា «ខ្ញុំមានតែអរគុណហើយរំភើបខ្លាំង។ ខ្ញុំចង់រកការងារធ្វើដោយសារចង់មានលុយមើលជំងឺម៉ាក់ ដោយសារឥលូវម៉ាក់កើតជំងឺទឹកនោមផ្អែមខ្វះខាតលុយ»។ សុខៃ បន្ថែមថា «ក្នុងចិត្តខ្ញុំចង់ធ្វើការសាឡន ព្រោះដោយខ្ញុំចូលចិត្តសាឡន ណាមួយក៏ចង់រៀនចង់ចេះដែរ។ កាលខ្ញុំនៅក្មេងអត់ដែលរៀនទេរហូតដល់ឥលូវ អ៊ីចឹងខ្ញុំនឹងជ្រើសរើសរៀនខាងសាឡន ព្រោះខ្ញុំចូលចិត្ត»។
ចំណែក ពលការិនី ផង សុភី បានប្រាប់ថា «ខ្ញុំចាប់អារម្មណ៍ជំនាញខាងកសិកម្ម ប៉ុន្តែខ្ញុំចាស់ហើយចង់ធ្វើការជាង ព្រោះមានម្ដាយចាស់ និងកូនតូចត្រូវចិញ្ចឹម។ ដូច្នេះខ្ញុំត្រូវធ្វើការដើម្បីរកលុយ»។
ដោយឡែក ពលការិនី ញ៉េប សុភា បានគូសបញ្ជាក់ថា «ខ្ញុំគិតថាល្អខ្លាំងមែនទែន ព្រោះកន្លងមកមិនមែន ខ្ញុំមិនចង់រៀនទេ តែមកពីអត់មានលុយ ហើយធ្វើតែការងារឲ្យគេ។ ខ្ញុំចាប់អារម្មណ៍ការងារកាត់ដេរ ប្រហែលរើសជំនាញកាត់ដេរ»។
ជាមួយគ្នានោះ ក្រុមពលការិនី បានអរគុណរាជរដ្ឋាភិបាល ដែលមិនត្រឹមតែសម្របសម្រួល យកចិត្តទុកដាក់ពួកគាត់ឲ្យបានត្រឡប់មកស្រុកកំណើតវិញដោយសុវត្ថិភាពនោះទេ គឺថែមទាំងផ្សព្វផ្សាយពីឱកាសការងារ និងការសិក្សាជំនាញបច្ចេកទេសដល់ពួកគាត់ ដោយឥតថ្លៃហើយ និងទទួលបានប្រាក់ឧបត្ថម្ភថែមទៀត។
សូមជម្រាបថា អគ្គនាយកដ្ឋានអប់រំបណ្ដុះបណ្ដាលបច្ចេកទេស និងវិជ្ជាជីវៈ និងទីភ្នាក់ងារជាតិមុខរបរ និងការងារ នៃក្រសួងការងារ និងបណ្ដុះបណ្ដាលវិជ្ជាជីវៈ បានផ្សព្វផ្សាយពីឱកាសការងារក្នុងស្រុកជាង៥ម៉ឺន កន្លែង ព្រមទាំងការសិក្សាជំនាញបច្ចេកទេស ដល់ពលការិនីចំនួន ៦នាក់ ដែលទើបនឹងត្រឡប់មកពីប្រទេសអារ៉ាប៊ីសាអូឌីត កាលពីថ្ងៃទី២ ខែមិថុនា ឆ្នាំ២០២៤ ដើម្បីឲ្យក្រុមពលការិនី មានការងារធ្វើពិតប្រាកដ មានជំនាញមួយពិតប្រាដក រកចំណូលបានសមរម្យសម្រាប់ចិញ្ចឹមជីវិត និងផ្គត់ផ្គង់គ្រួសារ៕
ដល់រដូវសត្វក្រៀល បន្លាស់ទីមកដល់អន្លង់ព្រីង ខណៈសត្វកម្រទម្លាប់ដេកជាប់ដី ក្លាយជាទស្សនីយភាពទាក់ទាញទេសចរឆ្ងាយជិតមកទស្សនា
អភិបាលរងខេត្តកណ្ដាល ផ្ដាំអាជ្ញាធរជាប់ព្រំដែន រឹតបន្តឹងលើជនបរទេសដែលលួចជ្រៀតចូលខុសច្បាប់
គម្រោងប្រព័ន្ធធារាសាស្រ្តដ៏ធំ ស្រោចស្រពលើផ្ទៃដីបង្កបង្កើនផល៣០ម៉ឺនហិកតា សម្រេចបាន ១០%
ផ្កាអង្គារសិល្ប៍ឆ្នាំនេះ ឡើងថ្លៃព្រោះ ផ្កាចេញមិនទាន់ ខណៈផ្កាដទៃសម្បូរដូចរាល់ឆ្នាំ
គណបក្សប្រជាជនកម្ពុជា បើកសន្និបាតបោះឆ្នោតជ្រើសតាំងបំពេញបន្ថែមសមាជិកគណៈអចិន្ត្រៃយ៍
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ស្រូវប្រាំងមួយចំនួនក្នុងខេត្តបន្ទាយមានជ័យ ប្រឈមការខូចខាត ព្រោះខ្វះទឹកស្រោចស្រព
អេស៊ីលីដាទទួលបានការបញ្ជាទិញសញ្ញាបណ្ណជាង៨៥លានដុល្លារនៃការធ្វើបរិវិសកម្មដំណាក់ទី១
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ៣ ម៉ោង agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ២៤ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ agoយោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត