ព័ត៌មានជាតិ
ក្រសួងអប់រំ ពង្រឹងយន្តការជួយគាំទ្រ សាលាមធ្យមសិក្សាធនធាន ក្លាយជាសាលារៀនគំរូ
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា បានអញ្ជើញដឹកនាំកិច្ចស្ដីពី ការបំពេញការងាររបស់សាលាធនធាន និងការចុះគាំទ្រសាលាធនធានរបស់គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDP-2) ដោយមានការចូលរួមពីថ្នាក់ដឹកនាំ ក្រសួង ថ្នាក់ដឹកនាំ គម្រោងទីប្រឹក្សាគម្រោង និងមន្ត្រីជំនាញពាក់ព័ន្ធ នៅថ្ងៃទី០៣ ខែមិថុនា ឆ្នាំ២០២៤ នេះ។
![](https://www.kampucheathmey.com/wp-content/uploads/2024/06/447216467_856961563123935_1863334577809091283_n-1024x575.jpg)
កិច្ចប្រជុំនេះមានគោលបំណង ដើម្បីពង្រឹងយន្តការក្នុងការចុះជួយគាំទ្រ និងវាយតម្លៃសាលាមធ្យមសិក្សាធនធាន ឱ្យក្លាយជាសាលារៀនគំរូ។ បណ្ឌិតសភាចារ្យ ឧបនាយករដ្ឋមន្ត្រី បានកោតសរសើរដល់ថ្នាក់ដឹកនាំ និងមន្ត្រីអនុវត្តគម្រោង ដែលបានខិតខំប្រឹងប្រែងចូលរួមក្នុងការកែលម្អលទ្ធផលសិក្សារបស់សិស្ស តាមរយៈការអនុវត្តស្តង់ដាសាលារៀនគំរូដោយទទួលបានលទ្ធផលល្អ។
![](https://www.kampucheathmey.com/wp-content/uploads/2024/06/446805864_856961573123934_4344593935541478549_n-1024x575.jpg)
ក្នុងឆ្នាំសិក្សាកន្លងមកនេះ ក្រោមការគាំទ្ររបស់គម្រោង វិទ្យាល័យធនធានចំនួន១៨ និងវិទ្យាល័យបណ្ដាញចំនួន៥ បានជាប់ពានរង្វាន់ស្តង់ដាសាលារៀនគំរូ ហើយវិទ្យាល័យចំនួន៧ និងវិទ្យាល័យបណ្ដាញចំនួន៣ ទទួលបានបណ្ណសរសើរលើកទឹកចិត្ត។
![](https://www.kampucheathmey.com/wp-content/uploads/2024/06/447051877_856961619790596_1702177806627621386_n-1024x538.jpg)
ឆ្លៀតក្នុងឱកាសនោះ បណ្ឌិតសភាចារ្យ ឧបនាយករដ្ឋមន្ត្រីបានផ្តល់អនុសាសន៍ក្នុងការជួយគាំទ្រសាលាមធ្យមសិក្សាធនធាន ឱ្យជាប់ស្តង់ដាសាលារៀនគំរូ បានចំនួនច្រើនបន្ថែមទៀត តាមរយៈ ១. ការរៀបចំឯកសារសង្ខេបមេរៀន ការបង្រៀនបន្ថែមម៉ោង ការបំប៉នសិស្ស សម្រាប់ត្រៀមប្រឡងមធ្យមសិក្សាទុតិយភូមិ ២. ការរៀបចំប្រព័ន្ធលើកទឹកចិត្តនាយកនិងគ្រូបង្រៀន ៣. រៀបចំក្រុមការងារចុះជួយគាំទ្រជាប្រចាំ និង ៤. ការចងសម្ព័ន្ធមេត្រីភាពរវាងសាលារៀនដើម្បីជួយគ្នា។
![](https://www.kampucheathmey.com/wp-content/uploads/2024/06/446804192_856961553123936_7898255711084877968_n-1024x503.jpg)
គួរបញ្ជាក់ថា គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ គឺជាផ្នែកមួយ នៃការគាំទ្ររបស់ធនាគារអភិវឌ្ឍន៍អាស៊ី (ADB) ទៅលើការអប់រំនៅមធ្យមសិក្សាទុតិយភូមិ និងការកសាងបន្ថែមលើចំណុចខ្វះខាតរបស់គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិជំហានទី១។ គម្រោងនេះ ត្រូវអនុវត្តរយៈពេល ៦ ឆ្នាំ គិតចាប់ពីខែធ្នូ ឆ្នាំ២០១៨ ដល់ខែធ្នូ ឆ្នាំ២០២៤ ដើម្បីបង្កើននូវប្រសិទ្ធភាព នៃការអប់រំនៅមធ្យមសិក្សាទុតិយភូមិ៕
![](https://www.kampucheathmey.com/wp-content/uploads/2024/06/447249693_856961636457261_983540175544127272_n-1024x634.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ