ព័ត៌មានជាតិ
អាជ្ញាធរខេត្តកោះកុង ដាក់កំហិតឲ្យអ្នកចាក់ដីរំលោភចូលចំណីសមុទ្រ ត្រូវកាយអាចម៍ដីចេញវិញ ក្នុងរយៈពេល១ខែ
អាជ្ញាធរខេត្តកោះកុង បានដាក់កំហិតដល់អ្នក ដែលបានចាក់ដីរំលោភចូលចំណីសមុទ្រ ត្រូវកាយអាចម៍ដីនោះឡើងវិញឲ្យអស់ក្នុងរយៈពេល១ខែ ដើម្បីចៀសវាងប្រឈមនឹងផ្លូវច្បាប់។
ការដាក់កំហិតនេះ បានធ្វើឡើងបន្ទាប់ពីមានប្រជាពលរដ្ឋមួយចំនួនបានចាក់អាចម៍ដីរំលោភចូលចំណីសមុទ្រ ដែលធ្វើឲ្យប៉ះពាល់ដល់បរិស្ថាននិងសម្រស់ឆ្នេរដ៏ស្រស់ស្អាត។
បើតាម លោក សុខ សុទ្ធី អភិបាលរងខេត្ត ដែលបានអញ្ជើញដឹកនាំកិច្ចប្រជុំ ជាមួយអាជ្ញាធរមូលដ្ឋាន និងមន្ត្រីជំនាញមានសមត្ថកិច្ចពាក់ព័ន្ធកាលពីថ្ងៃទី២៦កុម្ភៈ បានមានប្រសាសន៍ថា ការចាក់អាចម៍ដីរំលោភចូលចំណីសមុទ្រនេះ ស្ថិតនៅចំណុចពយតាឃួន ភូមិព្រែកខ្សាច់ ឃុំព្រែកខ្សាច់ ស្រុកគិរីសាគរ ខេត្តកោះកុង ដោយមានអ្នកជាប់ពាក់ព័ន្ធចំនួន៣នាក់ រួមមានឈ្មោះ ហួត ឃៀន និងឈ្មោះ ហួត ង៉ែត ឈ្មោះ ឈឹម ចាន់ឌី (ប្តីប្រពន្ធ)។ ក្នុងកិច្ចប្រជុំនេះ សាមីខ្លួនទាំងបីនាក់ ក៏បានចូលរួមកិច្ចប្រជុំផងដែរ ហើយបានទទួលស្គាល់កំហុសរបស់ខ្លួន ដែលបានចាក់អាចម៍ដីរំលោភចូលចំណីសមុទ្រ និងបានស្ម័គ្រចិត្តកាយអាចម៍ដីដែលខ្លួនបានចាក់នោះចេញពីចំណីសមុទ្រវិញ។
លោកអភិបាលរងខេត្តនិងមន្ត្រីជំនាញនឹងចុះវាស់វែងដី ដែលចាក់រំលោភចូលចំណីសមុទ្រ ដើម្បីឲ្យសាមីខ្លួនកាយអាចម៍ដីនោះឡើងវិញ ដោយប្រើរយៈពេលយ៉ាងយូរ១ខែ (៣០ថ្ងៃ) ត្រូវកាយអាចម៍ដីនោះឡើងវិញឲ្យអស់។ លោកបានបន្តទៀតថា ចំពោះការកាប់ទន្ទ្រានព្រៃកោងកាង និងសាងសង់ស្ពាន ខ្យុះមាត់ទឹក នៅភូមិព្រែកខ្សាច់ ឃុំព្រែកខ្សាច់ ស្រុកគិរីសាគរ តាមការអះអាងរបស់មន្ត្រីជំនាញ មន្ទីរបរិស្ថាន និងអាជ្ញាធរឃុំ ស្រុក បានបញ្ជាក់ថា រូបភាពកាប់ទន្ទ្រានព្រៃកោងកាង នៅភូមិព្រែកខ្សាច់ ឃុំព្រែកខ្សាច់ ស្រុកគិរីសាគរ ដែលសារព័ត៌មានមួយចំនួនយកមកផ្សព្វផ្សាយក្នុងពេលថ្មីៗនេះ គឺជារួមភាពនៃសកម្មភាពជាងមួយឆ្នាំមុនមកម្ល៉េះ (ឆ្នាំ២០១៩)។ លោកបានបន្តថា ការកាន់ទន្ទ្រានព្រៃកោងកាងនៅចំណុចនេះនាពេលកន្លងទៅ ត្រូវបានក្រុមការងារមន្ទីរបរិស្ថាន សហការជាមួយអាជ្ញាធរមូលដ្ឋាន ចុះធ្វើការបង្ក្រាបទប់ស្កាត់ និងបានធ្វើរបាយការណ៍គោរពជូនទៅក្រសួងបរិស្ថានរួចរាល់ហើយ។ សកម្មភាពដែលចុះបង្ក្រាបនៅពេលនោះ គឺបានធ្វើកិច្ចសន្យាជាមួយប្រជាពលរដ្ឋ ដែលកាប់ទន្ទ្រានព្រៃកោងកាងឲ្យបញ្ឈប់សកម្មភាពរបស់ខ្លួន ហើយក្រុមការងារក៏បានដកដំណាំដែលប្រជាពលរដ្ឋបានដាំដុះក្នុងតំបន់ការពារធម្មជាតិផងដែរ។
លោកបានបន្ថែមថា រីឯការសាងសង់ស្ពាន និងខ្ទម ទើបនឹងមានការសាងសង់ថ្មីៗនេះពិតមែន ប៉ុន្តែការសាងសង់នេះ គឺរដ្ឋបាលឃុំបានសាងសង់ដើម្បីបម្រើផលប្រយោជន៍រួមប៉ុណ្ណោះ មិនមែនជារបស់ឯកជនឡើយ។ ការសង់ស្ពាននេះ គឺសម្រាប់ប្រជាពលរដ្ឋធ្វើជាចំណតឡើងអូរប័របស់ពួកគាត់ និងផ្ទះ (ខ្ទម ខ្យុះ ដែលសារព័ត៌មានចុះផ្សាយ) គឺសម្រាប់ជាស្នាក់ការប៉ុស្តិ៍ និងជាចំណតរថយន្ត។ លោក សុខ សុទ្ធី អភិបាលរងខេត្ត បានណែនាំយ៉ាងម៉ឺងម៉ាត់ ដល់អាជ្ញាធរមូលដ្ឋាន និងមន្ត្រីជំនាញ ត្រូវអនុវត្តតួនាទីភារកិច្ចរបស់ខ្លួនឲ្យបានខ្ជាប់ខ្ជួន និងទប់ស្កាត់ឲ្យបាននូវសកម្មភាពទន្ទ្រានកាន់កាប់ដីរដ្ឋជាបន្តទៀត៕
អត្ថបទ៖ សំអឿន
សូមចុចអាន៖
ការស្ទង់មតិ៖ ពាក់កណ្ដាលនៃក្រុមហ៊ុនអាមេរិកនៅចិន ព្រួយបារម្ភពីជម្លោះពាណិជ្ជកម្ម ខ្ពស់បំផុតក្នុងរយៈពេល ៥ ឆ្នាំ
ត្រឹមរយៈពេល៣ខែ ទាហានកូរ៉េខាងជើង១០០០នាក់ស្លាប់ក្នុងសង្គ្រាមជាមួយអ៊ុយក្រែន
តារាស្រីកូរ៉េប៉ុន្មានរូប ហ៊ានលះបង់កាត់សក់ខ្លីដើម្បីថតភាពយន្ត
កម្ពុជានាំចេញកសិផលប្រមាណ ១២ លានតោន រកចំណូលបានជាង ៥ ពាន់លានដុល្លារ នៅឆ្នាំ ២០២៤
រដ្ឋមន្ត្រីមហាផ្ទៃឱ្យអាជ្ញាធរភ្នំពេញរំដោះចិញ្ចើមផ្លូវ ខណៈនៅតែមានការរំលោភយកធ្វើឱ្យកកស្ទះ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ