ព័ត៌មានជាតិ

អ្នកនាំពាក្យ ៖ អត្រាបញ្ចប់ការសិក្សាកម្រិតបឋមសិក្សាមានជិត ៩០ ភាគរយ ខ្ពស់ជាងមធ្យមសិក្សា

បានផុស

៨ ខែ មុន

នៅ

ថ្ងៃសុក្រ ៧ មិថុនា ២០២៤

ដោយ

អ្នកនាំពាក្យក្រសួងអប់រំ យុវជន និងកីឡា បានឱ្យដឹងថា អត្រាបញ្ចប់ការសិក្សានៅកម្រិតបឋមសិក្សាមានជិត ៩០ ភាគរយ ខ្ពស់ជាងនៅកម្រិតមធ្យមសិក្សាដែលមានត្រឹមជាង ៨០ ភាគរយប៉ុណ្ណោះ។

លោក កាន់ ពុទ្ធី អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ០៧ មិថុនា នេះថា អត្រាបញ្ចប់ការសិក្សានៅបឋមសិក្សាមាន ៨៩,២ ភាគរយ កើន ២,៤ ភាគរយ ប្រុស ៨៦,៣ ភាគរយ កើន ១,០ ភាគរយ ស្រី ៩២,៣ ភាគរយ កើន ២,៩ ភាគរយ ធៀបនឹងឆ្នាំសិក្សា ២០២២-២០២៣។ ចំណែកអត្រាឆ្លងភូមិសិក្សានៅបឋមសិក្សាមាន ៨៦,៦ ភាគរយ កើន ២,៩ ភាគរយ ប្រុស ៨១,៤ ភាគរយ នៅថេរ ស្រី ៨៩,០ ភាគរយ កើន ៣,១ ភាគរយ ធៀបនឹងឆ្នាំសិក្សា ២០២២-២០២៣ ដូចគ្នា។

លោក កាន់ ពុទ្ធី បានបន្តថា ចំណែកអត្រាបញ្ចប់ការសិក្សានៅមធ្យមសិក្សាបឋមភូមិ ៦០,៩៧ ភាគរយ កើន ១,២៧ ភាគរយ ស្រី ៦៦,៣៧ ភាគរយ កើន ១,៨៧ ភាគរយ និងប្រុស ៥៥,៦៩ ភាគរយ កើន ០,៧៩ ភាគរយ ធៀបទៅនឹងឆ្នាំសិក្សា ២០២២-២០២៣ និងអត្រាឆ្លងភូមិសិក្សានៅមធ្យមសិក្សាបឋមភូមិ ៨៦,៦ ភាគរយ កើន ២,៩ ភាគរយ ស្រី ៨៩,០ ភាគរយ កើន ៣,១ ភាគរយ ធៀបទៅនឹងឆ្នាំសិក្សា ២០២២-២០២៣។ ចំពោះអត្រាគង់វង្សនៅមធ្យមសិក្សាបឋមភូមិ ៥៣,៥៥ ភាគរយ កើន ៩,២៥ ភាគរយ ស្រី ៥៥,១០ ភាគរយ កើន ១៥,៥ ភាគរយ និងប្រុស ៥១,៧៦ ភាគរយ កើន ២,១៨ ភាគរយ ធៀបទៅនឹងឆ្នាំសិក្សា ២០២២-២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កាន់ ពុទ្ធី បានបញ្ជាក់ថា កុមារអាយុ ៥ ឆ្នាំ ចូលរៀនមាន ២១៨ ៩៥០ នាក់ កើន ២,៣៩ ភាគរយ ស្រី ១០៨ ២៣៤ នាក់ កើន ២,៥៥ ភាគរយ នៅឆ្នាំសិក្សា ២០២២-២០២៣។ សិស្សបឋមសិក្សាចូលរៀនមាន ២ ២៦៥ ៧៨៣ នាក់ កើន ២,៩៨ ភាគរយ ស្រី ១ ០៨៦ ៨៩២ នាក់ កើន ២,៨៦ ភាគរយ ធៀបទៅនឹងឆ្នាំសិក្សា ២០២២-២០២៣។ ការចូលរៀននៅបឋមសិក្សាសម្រេចបានអត្រាពិត នៃការសិក្សា ៩៩,៦ ភាគរយ កើន ៣,៩ ភាគរយ ធៀបទៅនឹងឆ្នាំសិក្សា ២០២២-២០២៣។ សិស្សមធ្យមសិក្សាបឋមភូមិមាន ៧១១ ១១៣ នាក់ កើន ២,៤៤ ភាគរយ ស្រី ៣៧៨ ២៤៧ នាក់ កើន ៤,៤៩ ភាគរយ ធៀបទៅនឹងឆ្នាំសិក្សា ២០២២-២០២៣។ ការចូលរៀននៅមធ្យមសិក្សាបឋមភូមិសម្រេចបានអត្រារួម នៃការសិក្សា ៦៥,៥ ភាគរយ កើន ០,៧ ភាគរយ ស្រី ៦៩,៩ ភាគរយ កើន ០,៥ ភាគរយ ធៀបទៅនឹងឆ្នាំសិក្សា ២០២២-២០២៣។ សិស្សមធ្យមសិក្សាទុតិយភូមិមាន ៤៣០ ៧៩២ នាក់ កើន ៧,២៦ ភាគរយ ស្រី ២៣៧ ២៩៨ នាក់ កើន ៨,៥៦ ភាគរយ ធៀបទៅនឹងឆ្នាំសិក្សា ២០២២-២០២៣។ ការចូលរៀននៅមធ្យមសិក្សាទុតិយភូមិសម្រេចបានអត្រារួម នៃការសិក្សា ៤៦,៧ ភាគរយ កើន ២,៥ ភាគរយ ស្រី ៥២,៨ ភាគរយ កើន ៣,៦ ភាគរយ ធៀបទៅនឹងឆ្នាំសិក្សា ២០២២-២០២៣៕

អត្ថបទ ៖ សំអឿន