ព័ត៌មានជាតិ
សុរិយាដីខេត្តសៀមរាប សម្រុកចុះដីធ្លីជាប្រព័ន្ធជូនពលរដ្ឋមួយថ្ងៃបានជាង ២ ពាន់ក្បាលដី
បើតាមការអះអាងពីមន្រ្តីមន្ទីររៀបចំដែនដីនគរូបនីយកម្ម និងសំណង់ខេត្តសៀមរាបបានបញ្ជាក់ឲ្យកម្ពុជាថ្មីដឹងថា ក្នុងមួយថ្ងៃមន្រ្តីជំនាញសុរិយាដីខេត្តបានចុះវាស់វែងដីធ្លីជូនប្រជាពលរដ្ឋបានជាង ២ ពាន់ក្បាលដី។
លោក ហ៊ី សាយ ប្រធានមន្ទីររៀបចំដែនដី នគរូបនីយកម្មនិងសំណង់ខេត្តសៀមរាប
លោក ហ៊ី សាយ ប្រធានមន្ទីររៀបចំដែនដី នគរូបនីយកម្មនិងសំណង់ខេត្តសៀមរាបបានប្រាប់កម្ពុជាថ្មីថា ដំណើរការចុះវាស់វែងដីធ្លីជាប្រព័ន្ធជូនប្រជាពលរដ្ឋកំពុងអនុវត្តព្រមៗគ្នាតាមបណ្តាក្រុងស្រុកទូទាំងខេត្ត។
បច្ចុប្បន្នក្រុមការងារបានអនុវត្តការងារចុះបញ្ជីដីធ្លីលក្ខណៈជាប្រព័ន្ធនៅទូទាំង ១៣ ក្រុងស្រុក។ ជាលទ្ធផលក្រុមការងារវាស់វែងនិងប្រមូលទិន្នន័យសម្រេចជារួមក្នុង ១ ថ្ងៃ លើសពី ២ ពាន់ក្បាលដី។
ប្រធានមន្ទីររៀបចំដែនដីខេត្តសៀមរាបបានបន្តថា ដំណើរការចុះវាស់វែងធ្វើបានលឿន ហើយរហូតពេលនេះមានភាពរលូនមិនមានបញ្ហាអីនោះទេ។
«យើងមានក្រុមការងារគ្រប់ស្រុកទាំងអស់ ប៉ុន្តែយើងធ្វើម្តងមួយឃុំម្តងមួយឃុំ»។ លោក ហ៊ី សាយ បញ្ជាក់បន្ថែម។
ក្រុងរុនតាឯកតេជោសែនជាក្រុងថ្មីមួយទៀត ដែលទើបតែបង្កើតឡើងតាមអនុក្រឹត្យរបស់រដ្ឋាភិបាល ដែលកាត់យកឃុំចំនួនពីរមកបង្កើតក្រុងថ្មី មានឃុំរុនតាឯកដែលកាត់ចេញពីស្រុកបន្ទាយស្រី និងឃុំបល្ល័ង្ក ដែលកាត់ចេញពីស្រុកប្រាសាទបាគង។
លោកស្រី ឡែម ណាត ចៅសង្កាត់បល្ល័ង្កបានឲ្យកម្ពុជាថ្មីដឹងថា ក្នុងសង្កាត់បល្ល័ង្គមានភូមិចំនួន ៩ ក្នុងនោះមានភូមិ ធ្លកកំបុត គោកឬស្សី តាកុយ ព្រុំកុដ្ឋ ត្រាច ក្រពើ ពពេល ស្នាសង្គ្រាម ស្នារតេជោ ៣១៧ និងមានប្រជាពលរដ្ឋរស់នៅសរុបប្រមាណ ២ ០០០ គ្រួសារ។
លោកស្រីថា នៅក្នុងចំណោមសង្កាត់ចំនួនពីរនៅក្នុងក្រុងរុនតាឯកតេជោសែន នៅសល់តែសង្កាត់បល្ល័ង្គដែលមន្រ្តីមិនទាន់ចុះវាស់វែងដីធ្លីជាប្រព័ន្ធជូនប្រជាពលរដ្ឋនៅឡើយ។ ប៉ុន្តែបើតាមការជូនដំណឹង មន្រ្តីជំនាញនឹងចាប់ផ្ដើមចុះវាស់វែងដីធ្លីជាប្រព័ន្ធជូនប្រជាពលរដ្ឋក្នុងពេលឆាប់ៗនេះ។
លោកស្រី ឡែម ណាត ដែលទើបជាប់ជាចៅសង្កាត់បល្ល័ង្គថ្មីផងនោះ ក៏អំពាវនាវដល់បងប្អូនប្រជាពលរដ្ឋដែលមានដីធ្លីនៅក្នុងភូមិសាស្រ្តសង្កាត់បល្ល័ង្កត្រៀមឯកសារពាក់ព័ន្ធ ដើម្បីចុះបញ្ជីដីធ្លីជាប្រព័ន្ធនៅពេលបើកយុទ្ធនាការនៅពេលខាងមុខ។
រាជរដ្ឋាភិបាលកម្ពុជា នីតិកាលទី ៧ បានដាក់ចេញនូវយុទ្ធសាស្ត្របញ្ចកោណដំណាក់កាលទី ១ ដែលក្នុងនោះរួមបញ្ចូល ការធ្វើកំណែទម្រង់ដីធ្លី និងនគរូបនីយកម្មឱ្យកាន់តែស៊ីជម្រៅ ជាមួយនឹងការបង្កើតឱ្យមាននូវគោលនយោបាយដីធ្លី ៣ ចំណុចរួមមាន ការចុះបញ្ជីដីធ្លីមានលក្ខណៈជាប្រព័ន្ធ ការដោះស្រាយវិវាទដីធ្លីក្រៅប្រព័ន្ធតុលាការ និងការផ្ដល់សេវារដ្ឋបាលដីធ្លីជូនប្រជាពលរដ្ឋប្រកបដោយតម្លាភាព និងប្រសិទ្ធភាពខ្ពស់ សំដៅលើកកម្ពស់កម្រិតជីវភាពរស់នៅរបស់ប្រជាពលរដ្ឋ។
ការងារចុះបញ្ជីដីធ្លីបន្តផ្តល់បណ្ណកម្មសិទ្ធិដល់ប្រជាជនឱ្យបានលឿន ដើម្បីជាមូលដ្ឋានប្រភពសេដ្ឋកិច្ច និងសុវត្ថិភាពនៃការកាន់កាប់ដីធ្លី ដែលជាអាទិភាពទី៥ នៃទិសដៅអាទិភាពគោលនយោបាយ ១៥ ចំណុច ដែលក្រសួងរៀបចំដែនដី នគរូបនីយកម្ម និងសំណង់ ដាក់ចេញផ្អែកទៅលើអាទិភាពនៃយុទ្ធសាស្រ្តបញ្ចកោណក្នុងបញ្ចកោណទី៤ មុំទី៤។
ក្រសួងរៀបចំដែនដី នគរូបនីយកម្ម និងសំណង់ ដែលមានលោក សាយ សំអាល់ ជារដ្ឋមន្រ្តី បានអំពាវនាវដល់គណៈអភិបាលខេត្ត ក្រុមប្រឹក្សាខេត្ត អាជ្ញាធរមូលដ្ឋាន ភូមិ ឃុំ ស្រុក និងអ្នកស្ម័គ្រចិត្ត ចូលរួមប្រើប្រាស់កម្លាំងសរុប ពន្លឿនការងារចុះបញ្ជីដីធ្លីក្នុងភូមិសាស្ត្រឱ្យមានប្រសិទ្ធភាព និងទទួលបានជោគជ័យតាមការគ្រោងទុក សំដៅផ្តល់ផលប្រយោជន៍ជូនប្រជាពលរដ្ឋ ធានាបាននូវសុវត្ថិភាពក្នុងការកាន់កាប់ដីធ្លីស្របច្បាប់៕
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ