ព័ត៌មានជាតិ
មេសហជីពនៅកម្ពុជា ៖ របាយការណ៍អង្គការសង់ត្រាល់មិនឆ្លុះបញ្ចាំងពីទិដ្ឋភាពសហជីពជាក់ស្ដែងនៅកម្ពុជាឡើយ
ភ្នំពេញ ៖ មេសហជីពនៅកម្ពុជា បានចាត់ទុករបាយការណ៍របស់អង្គការសង់ត្រាល់ ថាមានភាពលម្អៀងដោយមិនអាចទទួលយកបាន និងមានចរិតបង្កឲ្យមានការភាន់ច្រឡំដែលមិនបានឆ្លុះបញ្ចាំងពីទិដ្ឋភាពសហជីពជាក់ស្ដែងនៅកម្ពុជា។ ការលើកឡើងរបស់មេសហជីពនៅកម្ពុជាបែបនេះ បន្ទាប់អង្គការសង់ត្រាល់ បានចេញរបាយការណ៍មួយស្ដីសេរីភាពសហជីពក្នុងប្រទេសកម្ពុជា កាលពីថ្ងៃ៤ ខែមិថុនា ឆ្នាំ២០២៤។
លោក សំ សឿន ប្រធានសហជីពពលកម្មជាតិកម្ពុជា(NLC) បានគូសបញ្ជាក់ថា របាយការណ៍ដែលបង្ហាញដោយអង្គការសង់ត្រាល់ស្ដីពីសេរីភាពសហជីពក្នុងប្រទេសកម្ពុជា មិនបានឆ្លុះបញ្ចាំងពីទិដ្ឋភាពពិតសម្រាប់ស្ថានភាពសហជីពនៅកម្ពុជាឡើយ។
លោក សំ សឿន បញ្ជាក់ទៀតថា «វាមិនឆ្លុះបញ្ចាំងពីទិដ្ឋភាពនៅកម្ពុជានោះទេ ហើយវិស័យការងារនៅកម្ពុជាកាន់តែប្រសើរឡើង ហើយសិទ្ធិសេរីភាពរបស់សហជីពក៏កាន់តែប្រសើរឡើង ហើយកម្មករនិយោជិតរបស់យើងក៏ទទួលបានលក្ខខណ្ឌការងារកាន់តែប្រសើរ និងសមរម្យទាំងប្រាក់ឈ្នួលនិងលក្ខខណ្ឌផ្សេងៗ»។
លោកបញ្ជាក់ទៀតថា អង្គការសង់ត្រាល់គួរតែធ្វើការស្រាវជ្រាវឲ្យបានច្បាស់ និងលម្អិតជាងនេះ មុននឹងចេញរបាយការណ៍ ដោយមិនត្រូវកំណត់យកតែមតិភាគតិច ហើយសន្និដ្ឋានជារួមឡើយ។
ទន្ទឹមនឹងនេះ លោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករ បានគូសបញ្ជាក់ថា ការលើកឡើងរបស់អង្គការសង់ត្រាល់ គ្មានភាពជាក់ស្តែងដែលអាចឱ្យគ្រប់ភាគីទទួលយកបាន។
លោក អ៊ុន ដារ៉ា បញ្ជាក់ថា «អ្វីដែលលើកឡើងថាបានគាបសង្កត់សិទ្ធិសេរីភាពនោះវាមិនមែនជាការពិត អ៊ីចឹងអ្វីដែលសង់ត្រាល់លើកឡើងខ្ញុំបដិសេធទាំងស្រុងដោយមិនត្រូវយកមួយជ្រុងតូចមកប្រៀបធៀបព្រៃដ៏ធំឡើយ»។
ជាមួយគ្នានេះ សហជីពនៅកម្ពុជា បានរិះគន់របាយការណ៍របស់សង់ត្រាល់ថា គ្មានភាពជាតំណាងដែលអាចទទួលយកបានត្បិតអីសម្ភាសន៍មនុស្សតែ១០រូបហើយវាយតម្លៃស្ថានភាពសហជីពនៅកម្ពុជាទាំងមូល។
សូមបញ្ជាក់ថា បច្ចុប្បន្ន ចំនួនសហជីពនៅកម្ពុជា មានការកើនឡើងពីជាង៣ពាន់នៅឆ្នាំ២០១៦ដល់ជាង៦ពាន់នៅឆ្នាំ២០២៤។ ចំពោះការកើនឡើងនៃសហជីពនៅកម្ពុជាទ្វេដងក្នុងរយៈពេលខ្លីនេះ ត្រូវបានគេមើលឃើញថាកម្ពុជាគឹជាឋានសួគ៌នៃសេរីភាពសហជីពដែលគ្មានការរើសអើង៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ