ព័ត៌មានជាតិ
៥ ខែ ប.ស.ស ចំណាយជាង ៨ ពាន់ ៤ រយលានរៀល ដល់សមាជិក សម្រាប់ការព្យាបាលជំងឺ និងអត្ថប្រយោជន៍ផ្សេងៗ
ក្នុងរយៈពេល ៥ ខែ ឆ្នាំ ២០២៤ នេះ បេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ បានចំណាយថវិកាប្រមាណជាង ៨ ពាន់ ៤ រយលានរៀល ដល់សមាជិក ប.ស.ស ជាង ៧ ពាន់នាក់ សម្រាប់ការព្យាបាលជំងឺ និងអត្ថប្រយោជន៍ផ្សេងៗ ទៀត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ កាលពីថ្ងៃទី ០៨ មិថុនា ម្សិលមិញថា ចាប់ពីខែមករា រហូតដល់ខែឧសភា ឆ្នាំ ២០២៤ នេះ ប.ស.ស បានផ្តល់សេចក្តីសម្រេចតាវកាលិកហានិភ័យការងារ ដល់កម្មករ-និយោជិត ជាសមាជិក ប.ស.ស ចំនួន ៧២៤៨ នាក់ ដែលបានរងហានិភ័យការងារ រួមមានគ្រោះថ្នាក់ការងារអំឡុងពេលបំពេញការងារ និងគ្រោះថ្នាក់ពេលធ្វើដំណើរទៅមកកន្លែងការងារ ដោយបានចំណាយថវិកាសរុបចំនួនជាង ៨ ៤០៦ លានរៀល ក្នុងការចំណាយថ្លៃព្យាបាល រួមទាំងតាវកាលិកជាសាច់ប្រាក់ជាអត្ថប្រយោជន៍ផ្សេងៗ ទៀត។
លោកបានបន្តថា ក្នុងចំណោមពួកគេទាំងនោះមានសមាជិក ប.ស.ស ចំនួន ៥៦៤ នាក់ ស្រី ២២៧ នាក់ បានស្នើសុំវាយតម្លៃពីការបាត់បង់សមត្ថភាពអចិន្ត្រៃយ៍ ហើយទទួលបានធនលាភបាត់បង់សមត្ថភាពការងារអចិន្ត្រៃយ៍ (ប្រាក់ឧបត្ថម្ភជារៀងរាល់ខែករណីបាត់បង់សមត្ថភាពចាប់ពី ២០ ភាគរយឡើង)។
លោក កត្តា អ៊ន បានបន្តទៀតថា ចំពោះបញ្ហានេះដែរ ប.ស.ស បាននិងកំពុងជំរុញការផ្សព្វផ្សាយអប់រំឱ្យពួកគេយល់ដឹងអំពីអត្ថប្រយោជន៍របបសន្តិសុខសង្គម ពិសេសយន្តការបង្ការហានិភ័យការងារ ដូចជាផ្សព្វផ្សាយអំពីសុវត្ថិភាពចរាចរណ៍ក្នុងការដឹកជញ្ជូន និងការធ្វើដំណើររបស់កម្មករ-និយោជិត លក្ខខណ្ឌអនាម័យសុវត្ថិភាពការងារ វិធានការទប់ស្កាត់ករណីសន្លប់របស់កម្មករ-និយោជិត ការអនុវត្តរបបសន្តិសុខសង្គមផ្នែកហានិភ័យការងារ វិជ្ជាសង្គ្រោះបឋម និងផ្សព្វផ្សាយពីការទប់ស្កាត់ករណីបង្ការអគ្គិភ័យនៅកន្លែងធ្វើការ ជាដើម។
គួរបញ្ជាក់ថា គិតមកត្រឹមឆ្នាំ ២០២៣ កម្ពុជា មានរោងចក្រ សហគ្រាស ចំនួន ៤០ ៩៧៥ សហគ្រាស និងមានកម្មករ-និយោជិត សរុបចំនួន ១ ៧១៥ ០២៩ នាក់ ក្នុងនោះស្រី ១ ០៣៩ ៦៩៩ នាក់។ ក្នុងនោះ រោងចក្រ សហគ្រាសវិស័យកាត់ដេរ មានចំនួន ១ ៤៩៩ សហគ្រាស និងកម្មករ-និយោជិត ចំនួន ៨៨៦ ៣៥៥ នាក់ ស្រី ៦៧៣ ៧៣៦ នាក់៕
អត្ថបទ ៖ សំអឿន
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ