ព័ត៌មានជាតិ
ខែឧសភាខ្យល់កន្ត្រាក់ និងផ្គររន្ទះបណ្តាលឲ្យមនុស្សស្លាប់ និងរបួសជិត៦០នាក់ ប៉ះពាល់ផ្ទះជិត២ពាន់ខ្នង
នៅក្នុងខែឧសភា ឆ្នាំ២០២៤នេះ ខ្យល់កន្ត្រាក់ និងផ្គររន្ទះបានបណ្តាលឱ្យមនុស្សស្លាប់ និងរងរបួសប្រមាណជិត៦០នាក់និងប៉ះពាល់ផ្ទះប្រជាពលរដ្ឋជិត២ពាន់ខ្នង ព្រមទាំងហេដ្ឋារចនាសម្ព័ន្ធមួយចំនួនទៀត។
លោក សុទ្ធគឹម កុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយមានប្រសាសន៍នៅព្រឹកថ្ងៃទី១០មិថុនានេះថា ខែឧសភា ឆ្នាំ២០២៤នេះ ខ្យល់កន្ត្រាក់បានកើតឡើងចំនួន៨៩លើក ទៅលើរាជធានីខេត្តចំនួន២៣ បណ្តាលឱ្យផ្ទះរលំ និងខូចខាតធ្ងន់ធ្ងរ ២៤១ខ្នង, របើកដំបូល និងខូចមធ្យម ១៦៤២ខ្នង របើកដំបូលសាលារៀន ១៥ អគាររដ្ឋបាល២ខ្នងសាលាឆាន់និងសាលាឆទាន៣កន្លែង ដួលរលំគ្រោងអគាររោងចក្រ២ខ្នង ឃ្លាំងស្តុកទំនិញ ១កន្លែង រោងចញ្ចឹមមាន់១កន្លែងខូចខាតដើមស្វាយចន្ទីរ ៧,៦ហិកតា រលំដើមឈើ២៩ដើម រលំលើរថយន្ត១គ្រឿង បង្គោលភ្លើង១ដើមនិងម៉ូតូកង់បី១គ្រឿង។ ដោយឡែកគ្រោះថ្នាក់រន្ទះបាញ់បានកើតឡើងចំនួន៥៥លើក នៅតាមបណ្តាខេត្តចំនួន១៨បណ្តាលឱ្យមនុស្សស្លាប់៣០នាក់ ស្រី៣នាក់ របួស២៨នាក់ ងាប់គោក្របី២០ក្បាល និងខូចខាតផ្ទះ១៤ខ្នង។
លោកបានបញ្ជាក់ថា តួលេខនេះបើធៀបទៅនឹង៤ខែឆ្នាំ២០២៤កន្លងទៅឃើញថា មានការកើនឡើងគួរឱ្យកត់សម្គាល់ដោយ៤ខែឆ្នាំនេះខ្យល់កន្ត្រាក់ និងរន្ទះបាញ់បានកើតឡើងចំនួន៥៣លើក ក្នុងនោះខ្យល់កន្ត្រាក់មាន៤៨លើកបណ្តាលឱ្យរលំផ្ទះ៧៥ខ្នងរបើកដំបូលផ្ទះ៦១៣ខ្នងសាលារៀន១២ខ្នងតូបផ្សារ៤តូបអគារដ្ឋបាល៣និងរបួសមនុស្ស២នាក់ខណៈរន្ទះបាញ់បានកើតឡើងចំនួន៥លើកបណ្តាលឱ្យមនុស្សស្លាប់៣នាក់និងងាប់គោ៦ក្បាល។
យោងតាមក្រសួងធនធានទឹកនិងឧត្តុនិយមបានឱ្យដឹងថាចាប់ពីថ្ងៃទី១០ដល់ថ្ងៃទី១២ ខែមិថុនាឆ្នាំ២០២៤កម្ពុជាអាចមានភ្ញៀងផ្គររន្ទះនិងខ្យល់កន្ត្រាក់គ្រប់ដណ្តប់លើផ្ទៃដីតំបន់វាលទំនាប១៥០% តំបន់ខ្ព់រាប២០%និងតំបន់មាត់សមុទ្រ២៥%៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan