ព័ត៌មានជាតិ
អគ្គមេបញ្ជាការ បញ្ជាឱ្យកម្លាំងយោធាចូលរួមការពារព្រៃឈើនៅតំបន់អភិរក្សឱ្យខាងតែបាន
អគ្គមេបញ្ជាការកងយោធពលខេមរភូមិន្ទ បានបញ្ជាឱ្យកម្លាំងយោធាត្រូវតែអនុវត្តឱ្យបានដាច់ខាតនូវបទបញ្ជារបស់ប្រមុខរាជរដ្ឋាភិបាល ដើម្បីចូលរួមការពារព្រៃឈើនៅតំបន់អភិរក្សទូទាំងប្រទេសឱ្យខាងតែបាន។
![](https://www.kampucheathmey.com/wp-content/uploads/2024/06/image-489-1024x683.png)
លោកនាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ បានបញ្ជាក់ថា ក្រៅពីតួនាទីស្នូលជាកងទ័ព យោធិនគ្រប់រូបត្រូវចូលរួមការកែទម្រង់កងយោធពលខេមរភូមិន្ទឱ្យបានស្មើមុខស្មើមាត់ជាមួយបណ្ដាប្រទេសផ្សេងៗទាំងក្នុងតំបន់ និងពិភពលោក ថែមទាំងចូលរួមការបង្ក្រាបបទល្មើសផ្សេងៗមានជាអាទិ៍ បទល្មើសកាប់ទន្ទ្រានព្រៃឈើតំបន់អភិរក្ស ជាដើម។
ពាក់ព័ន្ធជាមួយបទល្មើសកាប់ទន្ទ្រានព្រៃឈើនៅតំបន់អភិរក្សនេះ នាយឧត្ដមសេនីយ៍អគ្គមេបញ្ជាការ បានបញ្ជាឱ្យកម្លាំងប្រដាប់អាវុធនៃយោធភូមិភាគ អនុវត្តឱ្យបានដាច់ខាតបទបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បី ការពារព្រៃឈើនៅតំបន់អភិរក្សទូទាំងប្រទេសឱ្យខាងតែបាន។ លោកអគ្គមេបញ្ជាការ ក៏បានប្រកាសប្រគល់ភារកិច្ចសំខាន់ៗមួយចំនួនដល់កម្លាំងយោធា ដោយត្រូវសហការជាមួយសមត្ថកិច្ចពាក់ព័ន្ធ និងអាជ្ញាធរដែនដីឈានដល់ការប្រើប្រាស់កម្លាំងសរុបដើម្បីរកដំណោះស្រាយបញ្ចប់បញ្ហា ធ្វើសកម្មភាពល្បាតនៅតំបន់ដែលមានការសង្ស័យ និងហ្វឹកហ្វឺនដល់យោធិនចុះអនុវត្តនៅតាមភូមិសាស្ត្រជាក់ស្ដែង។
![](https://www.kampucheathmey.com/wp-content/uploads/2024/06/image-490-1024x683.png)
ការលើកឡើងរបស់លោកនាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ ក្នុងឱកាសដែលលោកអញ្ជើញចុះសួរសុខទុក្ខ និងនាំយកថវិកា សម្ភារៈបំពាក់ គ្រឿងឧបភោគ បរិភោគ ជាអំណោយរបស់សម្ដេចធិបតី និងលោកជំទាវបណ្ឌិត ឧបត្ថម្ភដល់កម្លាំងប្រដាប់អាវុធដែលកំពុងបំពេញបេសកកម្មទប់ស្កាត់ បង្ក្រាបបទល្មើសទន្ទ្រាន យកដីរដ្ឋ និងការកាប់បំផ្លាញព្រៃឈើធម្មជាតិក្នុងតំបន់អភិរក្សនៅទិសយោធភូមិភាគទី៥។
ពិធីសំណេះសំណាលនេះ បានធ្វើឡើងកាលពីរសៀលថ្ងៃទី៨ ខែមិថុនា ឆ្នាំ២០២៤ ដោយមានការចូលរួមអមដំណើរពីនាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង មេបញ្ជាការកងទ័ពជើងគោក និងនាយកស្ថាប័នចំណុះអគ្គបញ្ជាការដ្ឋាន។
![](https://www.kampucheathmey.com/wp-content/uploads/2024/06/image-491-1024x683.png)
លោកនាយឧត្តមសេនីយ៍អគ្គមេបញ្ជាការ បានថ្លែងកោតសរសើរ និងវាយតម្លៃខ្ពស់ចំពោះស្មារតីតស៊ូ លះបង់កម្លាំងកាយចិត្ត និងជម្នះគ្រប់ឧបសគ្គ ប្រកបដោយវីរភាពអង់អាចក្លាហានរបស់នាយទាហាន ពលទាហាន កម្លាំងកងរាជអាវុធហត្ថ នគរបាលជាតិ នៅទិសយោធភូមិភាគទី៥ ក្នុងបុព្វហេតុការពារជាតិ សុខសន្តិភាព ស្ថិរភាព និងសណ្តាប់ធ្នាប់ធ្នាប់សង្គម៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ