ព័ត៌មានជាតិ

បង្កើតសួនច្បារតាមប្រឡាយ នៅឧទ្យានឫស្សីត្រឹបដោយដាំដើមត្នោត និងផ្កាឥន្ធនេលលំអ

បានផុស

៣ ខែ មុន

នៅ

ថ្ងៃអង្គារ ១១ មិថុនា ២០២៤

ដោយ

លោកបណ្ឌិត សុខ ទូច ប្រធានរាជបណ្ឌិតសភា បានប្រកាសនឹងដាំដើមត្នោត និងផ្កាឥន្ទនេល នៅតាមដងសងខាងប្រឡាយព្រំឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ដោយនឹងប្រែក្លាយប្រឡាយទៅជាសួនច្បារនាថ្ងៃខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត សុខ ទូច បានមានប្រសាសន៍ថា លោកពិតជាអរគុណដល់ជនរួមជាតិទាំងអស់ ដែលបានចូលរួមថវិកានៅក្នុងការជីកប្រឡាយនៅរាជបណ្ឌិតសភាកម្ពុជាតេជោសែនឫស្សីត្រឹប។

លោកបានអះអាងថា «ក្រៅពីសកម្មភាពនេះ ក៏នឹងមានការដាំដើមត្នោត និងផ្កាឥន្ទនេល រឿងអីដែលយើងត្រូវទៅមើលផ្កានៅប្រទេសដទៃ បើផ្កានៅស្រុកខ្មែរសម្បូរបែបនេះ ដូច្នេះយើងធ្វើនេះដើម្បីបង្កើតសួនច្បារយើងទាំងអស់គ្នា។ មិនតែប៉ុណ្ណោះ នៅរាជបណ្ឌិតសភាតេជោសែនឫស្សីត្រឹប ក៏នឹងមានរៀបចំឱ្យមានចម្កាក់ដូចជាការឆ្លាក់ជារូបអប្សរា គោ ក្របី សេះ នៅទីនេះដើម្បីអាចឱ្យប្រជាពលរដ្ឋដែលរស់នៅទីនេះទទួលបានចំណូលសម្រាប់ផ្គត់ផ្គង់ជីវភាពផងដែរ»។

តាមរយៈសំណេរដដែល លោកបានបន្តថា «ខ្ញុំសូមថ្លែងអំណរគុណដល់បងប្អូនជនរួមជាតិទាំងអស់ ដែលបានចូលរួមក្នុងការជីកប្រឡាយនេះ។ បច្ចុប្បន្ននេះ យើងបានទទួលថវិកាជាប្រាក់រៀលចំនួន ១០០លានរៀល និងប្រាក់ដុល្លារចំនួន ១៥ម៉ឺនដុល្លារ ហើយយើងជីកបានប្រវែង ៥.៥គីឡូម៉ែត្រ ក្នុងរយៈពេលមួយខែ»។

«ខ្ញុំសូមថ្លែងអំណរគុណដល់រដ្ឋបាលព្រៃឈើស្រុកឆែប ដែលបានជួយកូនឈើចំនួន ៣០០០ដើម រួមមាន ផ្កាឥន្ទនេល ចំនួន ១៥៤០ដើម, អូយម៉ូយចំនួន ១០០ដើម , ក្ងោកចំនួន ១០០ដើម, អង្កាញ់ចំនួន ១៣០ដើម, លឿងរាជចំនួន ១៣០ដើម, បេងចំនួន ៣០០ដើម និងគ្រញូងចំនួន ៧០០ដើម»។

សម្រាប់សកម្មភាពដាំកូនឈើម្សិលមិញនេះដែរ គឺមានការចូលរួមពី ថ្នាក់ដឹកនាំមន្ត្រីរាជបណ្ឌិត្យសភាកម្ពុជា, សហគមន៍ និងកងកម្លាំងទាំងបីប្រភេទនៃស្រុកឆែប និងមន្ត្រីស្រុកឆែប ឃុំឆែបមួយ, ឆែបពីរ, រដ្ឋបាលព្រៃឈើឆែប, បរិស្ថាន, គណៈគ្រប់គ្រង បុគ្គលិក និស្សិតសាកលវិទ្យាល័យជាតិគ្រប់គ្រង, លោកគ្រូ អ្នកគ្រូ និងសិស្សាអនុសិស្សអនុវិទ្យាល័យឆែប៕

Related Topics:លោក បណ្ឌិត សុខ ទូច