ព័ត៌មានជាតិ
អាជ្ញាធរក្រុងព្រះសីហនុ ផ្អាកការដ្ឋានសាងសង់របស់ក្រុមហ៊ុនឯកជន ក្រោយចាក់ដីចូលសមុទ្រ
អាជ្ញាធរក្រុងព្រះសីហនុ សម្រេចផ្អាកការដ្ឋានសាងសង់ជាបណ្តោះអាសន្ន នូវអាងតន្ត្រីបាញ់ទឹក និងរបាំងការពាររលកសមុទ្ររបស់ក្រុមឯកជនមួយ ក្រោយពិនិត្យឃើញថា ក្រុមហ៊ុននេះពុំទាន់មានលិខិតអនុញ្ញាតសាងសង់តាមផ្លូវច្បាប់ និងខ្វះកិច្ចសហការពីអាជ្ញាធរពាក់ព័ន្ធ។
![](https://www.kampucheathmey.com/wp-content/uploads/2024/06/photo_2024-06-12_09-35-05-1024x768.jpg)
ការសម្រេចផ្អាកនេះ បន្ទាប់ពីលោក អ៊ី សុខឡេង អភិបាលរងខេត្តព្រះសីហនុ កាលពីព្រឹកថ្ងៃទី១០ ខែមិថុនា ឆ្នាំ២០២៤ បានដឹកនាំក្រុមការងារចម្រុះខេត្ត ចុះពិនិត្យទីតាំងសាងសង់អាងតន្ត្រីបាញ់ទឹក និងរបាំងការពាររលកសមុទ្រ របស់ក្រុមហ៊ុនយូណាន ជីងចេង ខូអិលធីឌី ដែលមានទីតាំងស្ថិតនៅតាមបណ្តោយឆ្នេរអូរត្រេះ ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ។
![](https://www.kampucheathmey.com/wp-content/uploads/2024/06/photo_2024-06-12_09-35-04-2-1024x768.jpg)
បន្ទាប់ពីបានពិនិត្យ និងពិភាក្សាគ្នារួចមក លោក អ៊ី សុខឡេង ដែលជាប្រធានការងារនេះ បានធ្វើការបូកសរុប និងសម្រេចឱ្យក្រុមហ៊ុនត្រូវផ្អាកការដ្ឋានសាងសង់ជាបណ្តោះសិន និងតម្រូវឱ្យក្រុមហ៊ុននេះត្រូវកាយដីដែលបានចាក់លើឆ្នេរសមុទ្រចេញវិញ និងជួសជុលផ្លូវក្រានីតឱ្យបានស្អាតដូចដើមវិញ។
លោកអភិបាលរង ក៏បានណែនាំតម្រង់ទិសដល់ក្រុមហ៊ុនត្រូវមានកិច្ចសហការពីមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ក្នុងការកំណត់និយាមកាទីតាំងឱ្យបានច្បាស់លាស់ និងត្រូវស្នើសុំគោលការណ៍ប្រើប្រាស់ដីសាធារណៈពីរាជរដ្ឋាភិបាល។ លោកបញ្ជាក់ថា៖«ក្រុមហ៊ុនត្រូវសិក្សាគម្រោងប្លង់អាងតន្ត្រីបាញ់ទឹក និងរបាំងការពាររលកសមុទ្រឱ្យបានច្បាស់លាស់ ត្រឹមត្រូវតាមលក្ខណៈបច្ចេកទេស និងអត្តសញ្ញាណល្អឯកសម្រាប់ខេត្តព្រះសីហនុ និងត្រូវសិក្សាពីផលប៉ះពាល់បរិស្ថានឱ្យបានហ្មត់ចត់»។
![](https://www.kampucheathmey.com/wp-content/uploads/2024/06/photo_2024-06-12_09-35-04-3-1024x535.jpg)
បើតាមលោក អ៊ី សុខឡេង ក្រុមហ៊ុនខាងលើនេះ ពុំទាន់មានលិខិតអនុញ្ញាតសាងសង់ និងលិខិតអនុញ្ញាតបើកការដ្ឋាន ពីក្រសួងរៀបចំដែនដី នគរូបនីយកម្ម និងសំណង់ នៅឡើយទេ ខណៈលោកក្រើនរំឭកក្រុមហ៊ុននេះ ត្រូវសហការជាមួយអាជ្ញាធរ និងមន្ទីរជំនាញពាក់ព័ន្ធ ក្នុងការអនុវត្តគម្រោងឱ្យស្របតាមនីតិវិធី និងលិខិតបទដ្ឋានគតិយុត្តដែលមានចែងជាធរមាន៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៤ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច១ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៨ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានអន្ដរជាតិ១ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៧ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២៣ ម៉ោង ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៦ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន