ព័ត៌មានជាតិ
អ្នកនាំពាក្យ អំពាវនាវកម្មករ-និយោជិត បន្តអនុវត្តវិធានការអនាម័យឱ្យបានខ្ជាប់ខ្ជួន បង្ការឆ្លងជំងឺផ្ដាសាយ និងកូវីដ-១៩
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានធ្វើការអំពាវនាវដល់និយោជក និងកម្មករ-និយោជិតទាំងអស់ ត្រូវយកចិត្តទុកដាក់ថែរក្សាសុខភាពឱ្យបានល្អ ដោយត្រូវបន្តអនុវត្តវិធានការអនាម័យរបស់ក្រសួងសុខាភិបាលឱ្យបានខ្ជាប់ខ្ជួន ដើម្បីបង្ការ និងការពារការឆ្លងរាលដាលជំងឺផ្ដាសាយ និងជំងឺកូវីដ-១៩ ខណៈជំងឺទាំងនេះ កំពុងមានការកើនឡើង។
លោក កត្តា អ៊ន បានមានប្រសាសន៍នៅព្រឹកថ្ងៃទី ១៣ មិថុនា នេះថា ការអំពាវនាវនេះ បន្ទាប់ពីក្រសួងសុខាភិបាល បានប្រកាសពីការកើនឡើងនូវករណីជំងឺផ្តាសាយ និងជំងឺកូវីដ-១៩។ ដូច្នេះនិយោជក និងកម្មករ-និយោជិត ត្រូវអនុវត្តតាមការណែនាំរបស់ក្រសួងសុខាភិបាលឱ្យបានខ្ជាប់ខ្ជួនជាទីបំផុតដូចជាត្រូវអនាម័យទាំងនៅផ្ទះ និងកន្លែងធ្វើការ ត្រូវពាក់ម៉ាស និងចៀសវាងចូលទៅកាន់ទីប្រជុំដែលមានមនុស្សប្រមូលផ្ដុំច្រើនជាដើម។
លោក កត្តា អ៊ន បានបន្តថា ក្នុងករណីមានអាការជំងឺផ្លូវដង្ហើមណាមួយ សូមប្រញាប់ទៅជួបគ្រូពេទ្យជំនាញ ឬធ្វើតេស្តដោយខ្លួនឯង ដើម្បីរកជំងឺកូវីដ-១៩ និងពិគ្រោះយោបល់ជាមួយគ្រូពេទ្យជំនាញ ដើម្បីព្យាបាលឱ្យចំ និងឆាប់ជាសះស្បើយ ចៀសវាងការព្យាបាលមិនត្រឹមត្រូវធ្វើឱ្យមានបញ្ហាសុខភាពខ្លួនឯងដែលអាចចម្លងទៅដល់ក្រុមគ្រួសារ នៅផ្ទះជួល ឬបុគ្គលិកកម្មករ នៅកន្លែងធ្វើការ។
លោក កត្តា អ៊ន បានបន្តទៀតថា «ការអនុវត្តវិធានការតាមការណែនាំរបស់ក្រសួងសុខាភិបាលនេះដើម្បីធានាបាននូវសុខុដុមរមនានៅកន្លែងធ្វើការ ព្រោះថាពេលដែលកម្មករ-និយោជិតមានសុខភាពល្អ នឹងធ្វើឱ្យច្រវាក់ផលិតកម្មការងារបានល្អប្រសើរឡើង។ ប៉ុន្តែប្រសិនបើកម្មករ-និយោជិត មានបញ្ហាសុខភាព នឹងធ្វើឱ្យដំណើរការច្រវាក់ផលិតកម្មការងារថយចុះផងដែរ។ ដូចនេះ ដើម្បីផលប្រយោជន៍ទាំងអស់គ្នា ផលប្រយោជន៍កម្មករ-និយោជិត ផលប្រយោជន៍និយោជក ផលប្រយោជន៍ប្រទេសជាតិ យើងទាំងអស់គ្នា ត្រូវចូលរួមថែរក្សាសុខភាព បង្ការទប់ស្កាត់ជំងឺឆ្លង ក៏ដូចជាជំងឺកូវីដ-១៩»។
យោងតាមសេចក្តីប្រកាសព័ត៌មានរបស់ក្រសួងសុខាភិបាលចុះថ្ងៃទី ១២ ខែមិថុនា ឆ្នាំ ២០២៤ បានប្រកាសពីការកើនឡើងនូវករណីជំងឺផ្តាសាយ និងជំងឺកូវីដ-១៩ នៅរដូវភ្លៀងនេះ។ ការកើនឡើងនូវជំងឺទាំងនេះ ត្រូវបានរកឃើញថា នៅក្នុងអំឡុងខែឧសភា និងដើមខែមិថុនា ឆ្នាំ ២០២៤ ដែលមានលក្ខណៈស្របគ្នាទៅនឹងការកើនឡើងនូវជំងឺទាំងនេះក្នុងបណ្តាប្រទេសជាច្រើន នៅតំបន់អាស៊ីប៉ាស៊ីហ្វិកខាងលិច និងបណ្តាប្រទេសជិតខាងរបស់យើង។
ក្រសួងសុខាភិបាល អំពាវនាវ និងក្រើនរំលឹកដល់ប្រជាពលរដ្ឋ ត្រូវយកចិត្តទុកដាក់ប្រុងប្រយ័ត្នថែរក្សាសុខភាពផ្ទាល់ខ្លួន និងក្រុមគ្រួសារ ដើម្បីបង្ការនូវការឆ្លងរាលដាលនូវជំងឺផ្តាសាយ និងជំងឺកូវីដ-១៩ ជាលក្ខណៈទ្រង់ទ្រាយធំជាយថាហេតុ៕
អត្ថបទ ៖ សំអឿន
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ