ព័ត៌មានជាតិ
អគ្គមេបញ្ជាការ ថា កងយោធពលខេមរភូមិន្ទត្រូវតែធ្វើទំនើបកម្មទាំងមនុស្ស និងសម្ភារៈ
ដើម្បីពង្រឹងខឿនការពារជាតិ ទាមទារឱ្យកងយោធពលខេមរភូមិន្ទត្រូវតែធ្វើទំនើបកម្មឱ្យស៊ីជម្រៅទាំងទំនើបកម្មមនុស្ស និងសម្ភារៈ។ នាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ បានបញ្ជាក់បែបនេះនៅចំពោះមុខនិស្សិតនាយទាហានទ័ពជើងគោក ក្នុងពិធីបិទវគ្គហ្វឹកហ្វឺន នាព្រឹកថ្ងៃទី១៣ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/image-699-1024x683.png)
នាយឧត្តមសេនីយ៍ វង្ស ពិសេន បានបញ្ជាក់បន្ថែមថា រាជរដ្ឋាភិបាលក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានយកចិត្តទុកដាក់ខ្ពស់ដល់ការធ្វើកំណែទម្រង់កងយោធពលខេមរភូមិន្ទ ដើម្បីប្រែក្លាយជាកងកម្លាំងទំនើប រៀបរយ មានវិជ្ជាជីវៈ ឆ្លើយតបបានគ្រប់ស្ថានការណ៍ក្នុងបរិបទការអភិវឌ្ឍបច្ចេកវិជ្ជាទំនើប និងស្ថានការណ៍ស្មុគស្មាញរបស់ពិភពលោកបច្ចុប្បន្ន។
លោកនាយឧត្តមសេនីយ៍ អគ្គមេបញ្ជាការ បានលើកឡើងពីកិច្ចការមួយចំនួន ដែលសម្តេចធិបតីបានដាក់ចេញសម្រាប់ពង្រឹងវិស័យការពារជាតិ រួមមាន៖ ទំនើបកម្មលើហេដ្ឋារចនាសម្ព័ន្ធ ទំនើបកម្មលើគ្រឿងបំពាក់ និងទំនើបកម្មលើការងារហ្វឹកហ្វឺន ដើម្បីឱ្យស្របទៅនឹងសភាពការណ៍ពិភពលោក និងតំបន់ដែលកំពុងវិវឌ្ឍន៍ឥតឈប់ឈរ ទាំងយុទ្ធវិធី និងបច្ចេកវិទ្យា ហើយទាមទារឱ្យយោធពលខេមរភូមិន្ទត្រូវតែទំនើប គឺ«ទំនើបទាំងមនុស្ស និងសម្ភារ»។
![](https://www.kampucheathmey.com/wp-content/uploads/2024/06/image-700-1024x683.png)
ស្ថិតក្នុងអធិបតីភាពនៃពិធីបិទវគ្គនេះ លោកអគ្គមេបញ្ជាការទ័ពរូបនេះ ក៏បានផ្តាំផ្ញើដល់ស្ថាប័នហ្វឹកហ្វឺន និងជំនាញពាក់ព័ន្ធ ត្រូវសហការរៀបចំឯកសារបង្រៀន និងកម្មវិធីហ្វឹកហ្វឺនឱ្យទំនើបទាន់សម័យ មានលក្ខណៈយុទ្ធសាស្ត្រ ស្របតាមបច្ចេកវិទ្យាយោធាបច្ចុប្បន្ន ដើម្បីធានាគុណភាព សមត្ថភាព ទាំងចំណេះដឹង និងចំណេះធ្វើ ស្របជាមួយយុទ្ធោបករណ៍ សម្ភារៈ គ្រឿងបំពាក់ មធ្យោបាយថ្មីៗ ដែលបានបំពាក់។
ជាមួយនឹងការងារហ្វឹកហ្វឺន ត្រូវដើរទន្ទឹមជាមួយការងារអប់រំចិត្តសាស្ត្រ ដើម្បីអប់រំណែនាំបានស៊ីជម្រៅដល់យោធិនគ្រប់រូប ឱ្យក្លាយជាកម្លាំងស្នូលដ៏រឹងមាំបំផុតរបស់ជាតិ ឆន្ទៈមោះមុត គោរពវិន័យ ស្មោះស្ម័គ្រការពារដាច់ខាតរាជរដ្ឋាភិបាលស្របច្បាប់ ការពាររាល់សមិទ្ធផលជាតិ និងសន្តិភាពឱ្យខាងតែបាន ទោះក្នុងតម្លៃណាក៏ដោយ។ នេះជាការណែនាំបន្ថែមរបស់លោកនាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ។
![](https://www.kampucheathmey.com/wp-content/uploads/2024/06/image-702-1024x683.png)
នៅចំពោះមុខនិស្សិតនាយទាហានទ័ពជើងគោក លោកអគ្គមេបញ្ជាការ ក៏បានគូសរំលេចនូវតម្លៃសុខសន្តិភាព ស្ថិរភាពនយោបាយ និងការអភិវឌ្ឍ ដែលរកបានដោយលំបាកដោយថ្នាក់ដឹកនាំជំនាន់មុន ជាពិសេសសម្ដេចតេជោ ហ៊ុន សែន តែម្ដង ដែលបានយកជីវិតធ្វើដើមទុន ដើម្បីតស៊ូរំដោះប្រជាជនកម្ពុជាចេញពីរបបប្រល័យពូជសាសន៍ ប៉ុល ពត ហើយសម្ដេចបានដាក់ចេញនូវនយោបាយឈ្នះឈ្នះ ដើម្បីពន្លត់ភ្លើងសង្គ្រាមទាំងស្រុង នាំសង្គមកម្ពុជាបានស្គាល់ពន្លឺសន្តិភាពពេញផ្ទៃប្រទេស ក្នុងនោះកងទ័ព ក៏មានការរីកចម្រើនបន្តបន្ទាប់ ស្មើមុខស្មើមាត់ដូចបណ្តាប្រទេសក្នុងតំបន់ និងពិភពលោក។
សុខសន្តិភាព ស្ថិរភាពនយោបាយ និងការអភិវឌ្ឍ ត្រូវបន្តរក្សា និងធានាបានយ៉ាងគត់មត់ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដែលបានចេញដំណើរយ៉ាងស្វាហាប់ប្រកបដោយថាមពលក្លៀវក្លា មានចក្ខុវិស័យវែងឆ្ងាយ ច្បាស់លាស់ សម្រាប់អាណត្តិទី៧នេះ៕
![](https://www.kampucheathmey.com/wp-content/uploads/2024/06/image-703-1024x683.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១៤ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សេដ្ឋកិច្ច៨ ម៉ោង ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១ សប្តាហ៍ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ