ព័ត៌មានជាតិ

ស្ថាបនិកក្រុមហ៊ុនអចលនទ្រព្យឃុន សឿគ្រុប ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ា

បានផុស

៤ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

លោកសឿ សុវណ្ណ ស្ថាបនិកនិងប្រធានក្រុមប្រឹក្សាភិបាលក្រុមហ៊ុនអចលនទ្រព្យ ឃុនសឿរៀលធី និងឃុនសឿគ្រុប ខូអិលធីឌី ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ាហើយ កាលពីថ្ងៃទី២៣ ខែកុម្ភៈ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ាសឿ សុវណ្ណ ត្រូវបានប្រភពមួយទម្លាយឲ្យដឹងថា គឺជាអ្នកជំនួញអចលនទ្រព្យល្បីឈ្មោះម្នាក់ ដោយលោកមានក្រុមហ៊ុនជាច្រើននៅក្នុងដៃ ដូចជាក្រុមហ៊ុនអចលនទ្រព្យឃុនសឿរៀលធី ដែលរកស៊ីលើគម្រោងឡូតិ៍និងផ្ទះល្វែង។ ឃុនសឿគ្រុប ខូអិលធីឌី និងក្រុមហ៊ុនសាងសង់យូនីប៊ីលខនស្ត្រាក់សិន ដែលទទួលម៉ៅការសាងសង់នូវគម្រោងអគារគ្រប់ប្រភេទ។ ក្រៅពីក្រុមហ៊ុនទាំង២នេះ តាមប្រភពដដែលបានទម្លាយថា លោកឧកញ៉ានៅមានមុខជំនួញជាច្រើនទៀតផងដែរ។

ក្រៅពីជំនាញខាងរកស៊ី លោកឧកញ៉ា ដែលមានកំណើតនៅក្នុងរាជធានីភ្នំពេញរូបនេះ ក៏ជាថ្នាក់ដឹកនាំម្នាក់ ដែលមានជំនាញគ្រប់គ្រងមនុស្សធ្វើឲ្យបុគ្គលិកគោរពស្រលាញ់លោកជាខ្លាំង។

ទន្ទឹមនោះដែរ លោកឧកញ៉ាក៏ធ្លាប់បានជួយដល់សង្គមជាច្រើនកន្លងមកដែរ ទើបនាំឲ្យលោកត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ ផ្ដល់គោរមងារជាឧកញ៉ាបែបនេះ៕