ព័ត៌មានជាតិ

សម្ដេចតេជោ ហ៊ុន សែន រម្លឹកឱ្យប្រុងប្រយ័ត្ន fake account/Profile ដែលក្លែងបន្លំដាក់ឈ្មោះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន

បានផុស

៧ ខែ មុន

នៅ

ថ្ងៃសៅរ៍ ១៥ មិថុនា ២០២៤

ដោយ

បើតាមបណ្ដាញទំនាក់ទំនងសង្គមតេឡេក្រាម របស់សម្ដេចតេជោ ហ៊ុន សែន នាយប់ថ្ងៃទី១៥ ខែមិថុនា ឆ្នាំ២០២៤នេះ បានបង្ហោះឱ្យដឹងថា មាន fake account/Profile បានក្លែងបន្លំដាក់ឈ្មោះសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលមានឈ្មោះថា “Bun Rany Hun”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ បានសរសេរក្នុងបណ្ដាញតេឡេក្រាមថា “សូមបងប្អូនប្រយ័ត្ន fake account/Profile ដែលក្លែងបន្លំដាក់ឈ្មោះ សម្តេចកិត្តិព្រឹទ្ធបណ្ឌិត “Bun Rany Hun” ព្រោះឃើញមាន Chat ទៅកាន់អ្នកប្រើប្រាស់មួយចំនួន ជាសារមិនប្រក្រតី… អាចបកប្រែ តាម google translate”។

សម្ដេចតេជោ បានសរសេរបន្តទៀតថា “សម្តេចកិត្តិព្រឹទ្ធបណ្ឌិតមិនមាន facebook account/Profile ផ្ទាល់ខ្លួនផ្លូវការទេ។ សូមបងប្អូនប្រើប្រាស់មានការប្រុងប្រយ័ត្ន និងពិនិត្យឱ្យបានច្បាស់លាស់មុននឹង follow, add friend, send message… កុំចាញ់បោកពួកអ្នកក្លែង (scam) ជាពិសេសប្រើឈ្មោះប្រមុខដឹកនាំប្រទេស, មន្ត្រីធំ ឬឧកញ៉ា ឬ អ្នកដែលមានប្រជាប្រិយភាពក្នុងសង្គម។ បើមិនច្បាស់ទេកុំទាក់ទងឆ្លងឆ្លើយជាមួយ Scammer៕