ព័ត៌មានជាតិ

ពលរដ្ឋក្នុងស្រុកព្រៃឈរ នៅតែបន្តរបរដាប់ថ្ម ធ្វេីត្បាល់កិនម្សៅ ដើម្បីបន្ថែមប្រាក់កម្រៃផ្គត់ផ្គង់គ្រួសារ

បានផុស

៨ ខែ មុន

នៅ

ថ្ងៃអាទិត្យ ១៦ មិថុនា ២០២៤

ដោយ

ខណៈពេលដែលសម័យកាលឆ្ពោះទៅរកភាពជឿនលឿនយ៉ាងណាក្តី ប្រជាពលរដ្ឋជាច្រេីនគ្រួសារនៅក្នុងភូមិដៃបួន ឃុំជ្រៃវៀន ស្រុកព្រៃឈរ ខេត្តកំពង់ចាម នៅតែបន្តប្រកបមុខរបរតពីដូនតា ក្នុងការដាប់ថ្មច្នៃចេញជាត្បាល់កិនម្សៅ និងត្បាល់បុកគ្រឿង ដើម្បីរកប្រាក់កម្រៃបន្ថែម ក្រៅពីរបរធ្វេីស្រែចម្ការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋជាអ្នកប្រកបមុខរបរដាប់ថ្មតាំងពីជំនាន់ដូនតារបស់ពួកគេមកបានឲ្យដឹងថា បច្ចុប្បន្នការដាប់ថ្មច្នៃជាត្បាល់កិនម្សៅនេះ អ្នកភូមិនៅតែបន្តឆ្លៀត យកពេលវេលាដាប់ថ្មធ្វេីឧបករណ៍ប្រេីប្រាស់មួយនេះ ក្រោយពីរបរធ្វេីស្រែចំការ ដេីម្បីបង្កេីនប្រាក់ចំណូលបន្ថែមទៀត។ លោក ហ៊ល រ៉េត អ្នកភូមិទួលតាកោ បានបញ្ជាក់ទៀតថា ក្នុង១សម្រាប់បានប្រាក់កម្រៃ ចំនួន១៦០០០រៀល ឡេីងទៅ តាមទំហំតូចឬធំ ដោយពួកគេប្រេីប្រាស់ម៉ូទ័រផង ដាប់ដៃផង ដូច្នោះពួកគេអំពាវនាវឲ្យប្រជាជនខ្មែរនិងក្រៅប្រទេសជួយគាំទ្រផលិតត្បាល់ធ្វេីអំពេីថ្មនេះផង។

ទន្ទឹមនឹងនេះដែរ សម្រាប់របរដាប់ថ្មធ្វេីត្បាល់នេះវត្ថុធាតុដេីម ថ្មត្រូវបញ្ជាទិញពីតំបន់ទឹកឆា ឃុំថ្មពូន ស្រុកព្រៃឈរ និងតំបន់ទំនប់តាកុចក្នុងឃុំព្រែកក្របៅ ស្រុកកងមាសមក។ ចំពោះអ្នកស៊ីឈ្នួលខាត់យកមកសម្អាតបន្តត្បាល់បុកគ្រឿងមួយបានតម្លៃ៣០០០រៀល ហេីយដោយក្នុង១ថ្ងៃ ក្នុងមួយគ្រួសារៗអាចធ្វេីបានចាប់ពី៥០ទៅ៦០ត្បាល់។ ហេីយតម្លៃត្បាល់ពេលចេញជារូបរាងត្បាល់កិនម្សៅ ក្នុង១សម្រាប់ តម្លៃអាចលក់បាន២០០០០រៀលឡេីងទៅ និងចំពោះត្បាល់បុកគ្រឿង ក្នុង១សម្រាប់ អាតូចតម្លៃ១២០០០រៀល ផងដែរ៕