ព័ត៌មានជាតិ
ឧត្តមសេនីយ៍ឯក ហ៊ុន ម៉ានិត៖ ជាអ្នកការពារជាតិ ដាច់ខាតត្រូវប្រឆាំងជាមួយនឹងគ្រឿងញៀន
ក្នុងនាមជាអ្នកការពារជាតិ និងការពារសុវត្ថិភាពជូនប្រជាជន ដាច់ខាតត្រូវតែប្រឆាំងជាមួយនឹងគ្រឿងញៀន កុំពាក់ព័ន្ធ ឱ្យសោះជាមួយគ្រឿងញៀន។ នេះជាសារក្រើនរម្លឹករបស់ឧត្តមសេនីយ៍ឯក ហ៊ុន ម៉ានិត មេបញ្ជាការរងកងទ័ពជើងគោក ទៅកាន់កងកម្លាំងប្រដាប់អាវុធ នៃយោធភូមិទី២ នៅបញ្ជាការដ្ឋានតំបន់ប្រតិបត្តិការសឹករងខេត្តកំពង់ចាម។
![](https://www.kampucheathmey.com/wp-content/uploads/2024/06/image-869-1024x683.png)
ឧត្តមសេនីយ៍ឯក ហ៊ុន ម៉ានិត មេបញ្ជាការរងកងទ័ពជើងគោក និងជាអគ្គនាយកនៃអគ្គនាយកដ្ឋានស្រាវជ្រាវចារកិច្ច នៃក្រសួងការពារជាតិ បានសម្ដែងនូវការអរគុណដល់កងកម្លាំងប្រដាប់អាវុធទាំងអស់ ដែលបានបំពេញការងារ និងភារកិច្ចរបស់ខ្លួនប្រកបដោយទំនួលខុសត្រូវខ្ពស់ ដើម្បីសុខសុវត្ថិភាពប្រជាជាន និងថែរក្សាការពារសុខសន្តិភាពយ៉ាងគត់មុត ជូនជាតិមាតុភូមិ។
តែដោយស្ថិតក្នុងដំណាក់កាលនៃយុទ្ធនាការប្រយុទ្ធប្រឆាំងគ្រឿងញៀន ដែលបានប្រកាសដាក់ចេញយ៉ាងម៉ឺងម៉ាត់របស់ប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត ជាពិសេសការចាត់វិធានក្ដៅចំពោះកងកម្លាំងប្រដាប់អាវុធ ដែលពាក់ព័ន្ធនឹងគ្រឿងញៀនេះ ឧត្តមសេនីយ៍ឯក ហ៊ុន ម៉ានិត បានក្រើនរម្លឹកដល់កងទ័ពទាំងអស់ថា ក្នុងនាមជាអ្នកការពារជាតិ ថែរក្សាសុខសន្តិភាព និងសុវត្ថិភាពប្រជាជន ដាច់ខាតត្រូវប្រឆាំងជាមួយគ្រឿងញៀន។
![](https://www.kampucheathmey.com/wp-content/uploads/2024/06/image-870.png)
ឧត្តមសេនីយ៍ឯក ហ៊ុន ម៉ានិត បានសង្កត់ធ្ងន់ថា ជាកងកម្លាំងប្រដាប់អាវុធ សូមគោរពឯកសណ្ឋាន តួនាទី ភារកិច្ច និងវិន័យរបស់ខ្លួន ហើយជាពិសេសជៀសឱ្យឆ្ងាយពីគ្រឿងញៀន ព្រោះគ្រឿងញៀន នឹងបំផ្លាញដល់សង្គមជាតិទាំងមូល ប្រសិនបើមិនរួមគ្នាទប់ស្កាត់គ្រប់រូបភាព រួមទាំងការប្រើប្រាស់ទេនោះ។
លើសពីនេះ ឧត្តមសេនីយ៍ឯក មេបញ្ជាការរងកងទ័ពជើងគោក ក៏បានគូសរំលេចពីការប្ដេជ្ញាចិត្តរបស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដោយសម្ដេចធិបតី ហ៊ុន ម៉ាណែត ជានាយករដ្ឋមន្ត្រី នឹងបន្តធ្វើកំណែទម្រង់កាន់ តែស៊ីជម្រៅ តាមអភិក្រមទាំង៥ របស់សម្ដេចតេជោ ហ៊ុន សែន អតីតនាយករដ្ឋមន្ត្រី គឺ «ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់» ដើម្បីពង្រឹងអភិបាលកិច្ចល្អ ប្រឆាំងអំពើពុករលួយ និងធានាការអភិវឌ្ឍដោយចីរភាពនៅកម្ពុជាកាន់រីកចម្រើនជឿនលឿន៕
![](https://www.kampucheathmey.com/wp-content/uploads/2024/06/image-871.png)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ