ព័ត៌មានជាតិ
អាជ្ញាធរ និងពលរដ្ឋស្រុកសេរសាន រួមគ្នាសាងសង់ស្ពានអូរក្តុលឡើងវិញ បន្ទាប់ពីខូចខាតដោយសារភ្លៀងធ្លាក់
ស្ពានជាច្រើនដែលរងខូចខាតក្រោយមានភ្លៀងធ្លាក់ត្រូវបានអាជ្ញាធរស្រុកសេសាន និងប្រជាពលរដ្ឋប្រមូលកម្លាំងគ្នាសាងសង់ជាបន្តបន្ទាប់ដូចជាស្ពានអូរក្តុល សាងសង់តភ្ជាប់ដើម្បីធ្វើចរាចរណ៍ពីឃុំតាឡាតទៅឃុំស្រែគរ ងាយស្រួលក្នុងការធ្វើចរាចរណ៍ឆ្លងកាត់នៅរដូវវស្សា។
![](https://www.kampucheathmey.com/wp-content/uploads/2024/06/photo_2024-06-18_08-48-43-1024x768.jpg)
លោក សុវណ្ណ ពិសេដ្ឋ អភិបាលស្រុកបានបញ្ជាក់ថា ស្ពាននេះពិតជាបានបម្រើផលប្រយោជន៍ដល់ប្រជាពលរដ្ឋរស់នៅតំបន់ដាច់ស្រយាលបានងាយស្រួលចេញចូលទៅទីរួមស្រុក និងទៅដល់ទីរួមខេត្ត ជាពិសេសការដឹកជញ្ជូនកសិផលទៅកាន់ទីផ្សារផងដែរ។ លោកបន្តថា ដើម្បីតភ្ជាប់ផ្នែកចរាចរណ៍នេះយើងរួមកម្លាំងសាគី្គគ្នា ចំណាយទាំងកម្លាំងកាយ កម្លាំងចិត្ត ថវិកា និងពេលវេលា រួមគ្នាសាងសង់ស្ពាននេះ ព្រោះវាក៏ជាមុខព្រួញមួយបានជួយជំរុញសេដ្ឋកិច្ចគ្រួសារកសិករនៅពេលធ្វើផលិតកម្មបាននាំយកទៅលក់នៅទីផ្សារបានឆាប់រហ័សថែមទៀត។
លោកអភិបាលស្រុកក៏បានស្នើឱ្យប្រជាពលរដ្ឋរស់នៅតាមបណ្ដោយផ្លូវនេះ ពេលស្ពានសាងសង់ហើយ ត្រូវជួយមើលថែរព្រោះនៅតាមអូរក្តុលនេះខែវស្សាមានសម្រះឈើទឹកហូរនាំមកជាប់ស្ពាន ចំណែកខែប្រាំងមានភ្លើងឆេះព្រៃមកដល់អាចបង្កឱ្យឆេះស្ពាននេះបាន។
![](https://www.kampucheathmey.com/wp-content/uploads/2024/06/photo_2024-06-18_08-48-48-1024x768.jpg)
លោក ឃីត ភិត តំណាងឱ្យប្រជាពលរដ្ឋនៅក្នុងភូមិ ឃុំតាឡាតបានគាំទ្រ និងនាំគ្នាអនុវត្តបណ្តាំនេះ ព្រោះសមិទ្ធផលនេះបង្ហាញពីជំហរក្នុងការដោះស្រាយបញ្ហាប្រឈមជូនប្រជាពលរដ្ឋបាន។ លោកបញ្ចាក់ទៀតថា នៅតាមបណ្តោយផ្លូវនេះបើគ្មានស្ពាននេះទេ យើងមិនអាចធ្វើដំណើរទាក់ទងគ្នាពីតំបន់មួយទៅតំបន់មួយទៀតបានឡើយ ហើយផលកសិកម្មផលិតបានក៏គ្មានឈ្មួញចូលមកទិញដែរ។
![](https://www.kampucheathmey.com/wp-content/uploads/2024/06/photo_2024-06-18_08-48-50-768x1024.jpg)
លោក ដែង វុធ ប្រជាពលរដ្ឋរស់នៅជិតស្ពាននេះបានប្តេជ្ញាចូលរួមថែរទាំទាំងអស់គ្នាព្រោះស្ពាននៅតាមបណ្តោយផ្លូវនេះ បានបង្កលក្ខណៈងាយស្រួលដល់កូនចៅទៅសាលារៀន ប្រជាពលរដ្ឋទៅទទួលសេវាសាធារណៈនៅសាលាឃុំ ក៏បានឆាប់រហ័សផងដែរ។
សូមបញ្ចាក់ថា ស្ពានឈើឆ្លងកាត់អូរក្តុល នេះមានប្រវែង២៥ម៉ែត្រ ទទឹង៥ម៉ែត្រ ធ្វើពីឈើគ្រាក់ធំៗដើម្បីធានាដល់ការប្រើប្រាស់បានយូរអង្វែង ដែលចាប់ផ្តើមស្ថាបនាឡើងនៅដើមខែមិថុនា និងអាចរួចរាល់នៅខែសីហា ទំរាំដល់ពេលអាជ្ញាធរលើកគម្រោងសាងជាស្ពានជាបេតុងថ្មីជំនួសវិញនៅឆ្នាំក្រោយៗទៀត៕
អត្ថបទ៖ ងិនលីម
![](https://www.kampucheathmey.com/wp-content/uploads/2024/06/photo_2024-06-18_08-48-53-1024x586.jpg)
![](https://www.kampucheathmey.com/wp-content/uploads/2024/06/photo_2024-06-18_08-48-57-1024x564.jpg)
![](https://www.kampucheathmey.com/wp-content/uploads/2024/06/photo_2024-06-18_08-49-00-768x1024.jpg)
![](https://www.kampucheathmey.com/wp-content/uploads/2024/06/photo_2024-06-18_08-49-02-768x1024.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ