ព័ត៌មានជាតិ
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
កាលពីថ្ងៃទី១៧ ខែមិថុនា ឆ្នាំ២០២៤ មានករណីគួរឱ្យរន្ធត់បានកើតឡើង ដោយបុរសម្នាក់មានងារជាឧកញ៉ា បានចូលទៅក្នុងផ្ទះជនរងគ្រោះបាញ់សម្លាប់ទាំងកណ្តាលថ្ងៃ ធ្វើឱ្យបុរសម្នាក់ និងស្រីម្នាក់ដែលគូដណ្តឹងនឹងគ្នា បានបាត់បង់ជីវិត ខណៈមនុស្សម្នាក់រងរបួស នៅក្នុងបុរីប៉េងហួត ព្រោះជម្លោះបន្តិចបន្តួចទាក់ទងនឹងស្នួលហាលខោអាវ។
![](https://www.kampucheathmey.com/wp-content/uploads/2024/06/image-1051-1024x614.png)
ជនដៃដល់នៃករណីឃាតកម្មនេះ គឺឧកញ៉ា ស្រី ស៊ីណា ហើយលោកបានសារភាពប្រាប់សមត្ថកិច្ចថា ខ្លួនពិតជាបានបាញ់សម្លាប់ជនរងគ្រោះពិតមែន ដោយសារតែទាស់សម្តីគ្នា និងមានកំហឹងលើរឿងខាងលើ មិនអាចគ្រប់គ្រងបានក៏បាញ់ជនរងគ្រោះ និងបាញ់រះធ្វើឱ្យមនុស្សម្នាក់ក្នុងផ្ទះនោះរងរបួសដែរ។ ចំណែក កាំភ្លើងដែលបាញ់នោះ ឧកញ៉ា ស្រី ស៊ីណា បានប្រាប់សមត្ថកិច្ចថា ខ្លួនតែងយកជាប់ខ្លួនជានិច្ច ពេលខឹងខ្លាំង ក៏ដកបាញ់តែម្តង។
![](https://www.kampucheathmey.com/wp-content/uploads/2024/06/image-1053-768x1024.png)
ហេតុអ្វីបានជាជនស៊ីវិល មិនមែនជាសមត្ថកិច្ចបែរជាមានសិទ្ធិប្រើប្រាស់កាំភ្លើងបែបនេះ? តើក្នុងច្បាប់មានចែងសម្រាប់ឱ្យជនស៊ីវិលប្រើប្រាស់អាវុធសេរី ដែរឬទេ?
បើតាមច្បាប់ស្តីពី ការគ្រប់គ្រងអាវុធ គ្រឿងផ្ទុះ និងគ្រាប់រំសេវរបស់កម្ពុជាឆ្នាំ២០០៥ ដែលបានបង្កើតឡើងក្នុងគោលបំណងកំណត់ការគ្រប់គ្រងអាវុធ គ្រឿងផ្ទុះ និងគ្រាប់រំសេវគ្រប់ប្រភេទក្នុងព្រះរាជាណាចក្រកម្ពុជា មិនអនុញ្ញាតឱ្យជនស៊ីវិលប្រើប្រាស់អាវុធដោយសេរីឡើយ។ ក្នុងមាត្រា៤ នៃច្បាប់នេះ បានចែងថា ត្រូវហាមឃាត់ការបំពាក់ ការកាន់កាប់ ការយកតាមខ្លួន ការប្រើប្រាស់ ការទិញ ការលក់ ការធ្វើពាណិជ្ជកម្ម ការនាំចូល ការនាំចេញ ការស្តុកអាវុធ គ្រឿងផ្ទុះ និងគ្រាប់រំសេវគ្រប់ប្រភេទចំពោះជនស៊ីវិលក្នុងព្រះរាជាណាចក្រកម្ពុជា។
![](https://www.kampucheathmey.com/wp-content/uploads/2024/06/image-1052-1024x576.png)
ចំណែកមាត្រា៥ បានចែងថា ជនស៊ីវិលអាចប្រើប្រាស់កាំភ្លើង គ្រាប់បាញ់ និងគ្រឿងផ្ទុះបាន លុះត្រាតែកាំភ្លើង គ្រាប់បាញ់កំណត់សញ្ញា, កាំភ្លើង គ្រាប់បាញ់សម្រាប់សកម្មភាពកីឡា, កាំភ្លើងដែលបាញ់មិនបញ្ចូនក្បាលគ្រាប់ ឬគ្រាប់ប្រាយ, កាំភ្លើងបាញ់បញ្ជូនកាំជ្រួចលម្អ ឬកាំភ្លើងផ្ទុះស្នូរគ្មានក្បាលគ្រាប់សម្រាប់សម្តែងសិល្បៈ, គ្រឿងផ្ទុះសម្រាប់បម្រើសេវាកម្មសាធារណៈ និងវិស្វកម្មស៊ីវិល ឬសម្រាប់ផ្ទុះលម្អ។
រីឯ មាត្រា២០ បានចែងច្បាស់ថា ជនណាដែលបំពាក់អាវុធតាមខ្លួន កាន់កាប់ ប្រើប្រាស់អាវុធគ្រឿងផ្ទុះ និងគ្រាប់រំសេវគ្រប់ប្រភេទដោយគ្មានការអនុញ្ញាត គឺត្រូវផ្តន្ទាទោសដាក់ពន្ធនាគារពី៦ខែ ដល់២ឆ្នាំ និងពិន័យជាទឹកប្រាក់ ៥០ម៉ឺនរៀល ដល់២លានរៀល ដោយពុំទាន់គិតពីបទល្មើសព្រហ្មទណ្ឌផ្សេងទៀតនោះទេ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ