ឧកញ៉ា ស្រី ស៊ីណា និងបក្ខពួក២នាក់ត្រូវបានបញ្ជូនដល់តុលាការនៅរសៀលថ្ងៃទី១៩មិថុនានេះ

កម្លាំងនគរបាលនាយកដ្ឋាននគរបាលព្រហ្មទណ្ឌបានបញ្ជូនខ្លួនឧកញ៉ា ស្រី ស៊ីណា ដែលបាញ់ប្រហារលើជនរងគ្រោះ៤នាក់នៅបុរីប៉េងហួតបឹងស្នោរ និងបក្ខពួក២នាក់ទៀតមកតុលាការហើយ នៅរសៀលថ្ងៃទី១៩ មិថុនានេះ ដើម្បីអនុវត្តបន្ត។

ជនដៃដល់ឈ្មោះ ស្រី ស៊ីណា ត្រូវបានកម្លាំងសមត្ថកិច្ចឃាត់ខ្លួនបាននៅស្រុកអង្គស្នួល ខេត្តកណ្ដាល បន្ទាប់ពីព្យាយាមបើករថយន្ដគេចខ្លួនក្រោយបើកការបាញ់ប្រហារលើជនរងគ្រោះ៤នាក់ បណ្ដាលឲ្យស្លាប់២នាក់ និងរបួស២នាក់ នៅបុរីប៉េងហួតបឹងស្នោរ ក្នុងសង្កាត់និរោធ ខណ្ឌច្បារអំពៅ កាលពីរសៀលថ្ងៃទី១៧ ខែមិថុនា ឆ្នាំ២០២៤។

នៅថ្ងៃទី១៨មិថុនា ជនដៃដល់ឈ្មោះ ស្រី ស៊ីណា ត្រូវបានបញ្ជូនខ្លួនទៅនាយកដ្ឋាននគរបាលព្រហ្មទណ្ឌអគ្គស្នងការដ្ឋាននគរបាលជាតិ ដើម្បីកសាងសំណុំរឿងអនុវត្តបន្ត៕