ព័ត៌មានជាតិ
លោក ហ្សង់ ហ្វ្រង់ស័រតាន់៖ កម្ពុជា អាចនឹងរៀនពីគំរូអភិវឌ្ឍន៍របស់សិង្ហបុរី តែមិនចម្លងទាំងស្រុង
លោក ហ្សង់ ហ្វ្រង់ស័រតាន់ រដ្ឋមន្ត្រីប្រតិភូអមនាយករដ្ឋមន្ត្រី បានថ្លែងថា កម្ពុជា អាចនឹងរៀនពីគំរូនៃភាពជោគជ័យលើការអភិវឌ្ឍសេដ្ឋកិច្ចរបស់សិង្ហបុរី តែកម្ពុជាមិនចម្លងគំរូអភិវឌ្ឍន៍សេដ្ឋកិច្ចទាំងស្រុងឡើយ ព្រោះសិង្ហបុរី និងកម្ពុជា មានភាពខុសគ្នាច្រើន។ លោករដ្ឋមន្ត្រីប្រតិភូអមនាយករដ្ឋមន្ត្រី ថ្លែងបែបនេះ ក្នុងសន្និសីទសារព័ត៌មានស្ដីពីលទ្ធផលនៃដំណើរទស្សនកិច្ចផ្លូវការរបស់សម្ដេចធិបតី ទៅកាន់ប្រទេសសិង្ហបុរី ដែលរៀបចំឡើងនៅអាកាសយានដ្ឋានអន្តរជាតិ នាល្ងាចថ្ងៃទី១៩ ខែមិថុនា ឆ្នាំ២០២៤នេះ។
លោក ហ្សង់ ហ្វ្រង់ស័រតាន់ ថ្លែងសង្កត់ធ្ងន់ដូច្នេះថា« កម្ពុជាក្រោមការដឹកនាំរបស់សម្ដេចធិបតី ហ៊ុន ម៉ាណែត ចាប់អារម្មណ៍ ជាការពិត ច្បាស់ជាចាប់អារម្មណ៍ ច្បាស់ជាចង់រៀនសូត្រជុំវិញគំរូអភិវឌ្ឍន៍នៃសាំងហ្គាពូ(សិង្ហបុរី) ប៉ុន្តែគ្មានបំណងចង់ធ្វើតាមសាំងហ្គាពូ១០០ភាគរយ គ្មានបំណងចង់ធ្វើតម្រាប់តាមសាំងហ្គាពូនោះទេ ពីព្រោះកម្ពុជាជាកម្ពុជា សិង្ហបុរីជាសិង្ហបុរី ប្រជាជនកម្ពុជាជាប្រជាជនកម្ពុជា ប្រជាជនសិង្ហបុរីជាប្រជាជនសិង្ហបុរី វប្បធម៌ ប្រវត្តិសាស្ត្រ ផ្នត់គំនិតរបស់ប្រជាជនសិង្ហបុរី មិនដូចគ្នាទាល់តែសោះនឹងវប្បធម៌ អរិយធម៌ និងប្រវត្តិសាស្ត្រនៃប្រទេសកម្ពុជា»។
តាមលោក ហ្សង់ ហ្រ្វង់ស័រតាន់ កម្ពុជា អាចសិក្សាពីចំណុចខ្លាំងរបស់សិង្ហបុរី ឬប្រទេសផ្សេងទៀត ហើយអនុវត្តន៍តាម។ លោក ក៏បានរម្លឹកពីអ្វីដែលសម្ដេចធិបតី ធ្លាប់លើកឡើងថា កម្ពុជា ត្រូវជៀសវាងយកគម្រូតាមប្រទេសណាមួយ១០០ភាគរយ ឬ២០០ភាគរយ តែត្រូវយកចំណុចខ្លាំងមកសិក្សា ហើយអនុវត្តន៍តាម។
ជាមួយគ្នានេះ លោករដ្ឋមន្ត្រីប្រតិភូអមនាយករដ្ឋមន្ត្រី បានក្រើនរម្លឹកថា «ប្រជាជនខ្មែរយើងគួររៀនសូត្រ គួរយល់ដឹងថាសន្តិភាព និងស្ថិរភាពនយោបាយ គឺជាកត្តាគន្លឹះសម្រាប់ការអភិវឌ្ឍសេដ្ឋកិច្ច»។
ក្នុងន័យនេះ លោកបានគូសរំលេចថា ចាប់តាំងពីឆ្នាំ១៩៦៥មក ប្រទេសសិង្ហបុរី គឺពេញដោយសន្តិភាព គ្មានឡើយសង្គ្រាម ហើយមិនដែលស្គាល់ មិនដែលជួបប្រទះវិបត្តិអស្ថិរភាពនយោបាយឡើយ ហេតុនេះហើយសិង្ហបុរីខ្លាំង៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ