ព័ត៌មានជាតិ
លោក លី ធុជ ដឹកនាំកិច្ចប្រជុំកំពូលសៀមរាបអង្គរ ស្តីពីពិភពលោកមួយដែលគ្មានមីន នៃអនុសញ្ញាអូតាវ៉ា
ថ្ងៃទី១៨ ខែមិថុនា ឆ្នាំ២០២៤ លោកបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០២៤ បានអញ្ជើញបើកកិច្ចប្រជុំពាក់កណ្តាលអាណត្តិ (Intersessional Meetings) នៃកិច្ចប្រជុំត្រួតពិនិត្យឡើងវិញលើកទី៥ ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន នៃអនុសញ្ញាអូតាវ៉ា។
កិច្ចប្រជុំនេះ មានរយៈពេល៣ថ្ងៃ ចាប់ពីថ្ងៃទី១៨-២០ ខែមិថុនា ឆ្នាំ២០២៤ នៅទីក្រុងហ្សឺណែវ ប្រទេសស្វីស និងមានការចូលរួមពីសមាជិកជារដ្ឋភាគី អង្គការអន្តរជាតិ សង្គមស៊ីវិល និងប្រទេសមិនមែនជារដ្ឋភាគី។
ក្នុងពិធីបើកកិច្ចប្រជុំ លោកបណ្ឌិត លី ធុជ បានថ្លែងថា យើងបានបោះជំហានយ៉ាងសំខាន់ចាប់តាំងពីកិច្ចប្រជុំត្រួតពិនិត្យលើកទី៤ នៅប្រទេសន័រវេសឆ្នាំ២០១៩ ប៉ុន្តែទោះជាយើងខំប្រឹងប្រែងរួមគ្នាក៏ដោយ ក៏ស្រមោលនៃទុក្ខវេទនានៅតែមាន ហើយតំបន់ខ្លះបន្តមានចំនួនអ្នកស្លាប់ និងរបួសកើនឡើងដោយសារគ្រាប់មីនប្រឆាំងមនុស្ស។
លោកបន្តទៀតថា ផ្លូវខាងមុខទាមទារការយកចិត្តទុកដាក់ និងមានឆន្ទៈរួម ក្នុងការលុបបំបាត់បញ្ហាមីនប្រឆាំងមនុស្ស និងផលប៉ះពាល់ដ៏សាហាវរបស់វាទៅលើជីវិតមនុស្ស ខណៈពេលខិតកាន់ជិតដល់កិច្ចប្រជុំកំពូលសៀមរាប-អង្គរ ឬកិច្ចប្រជុំត្រួតពិនិត្យឡើងវិញលើកទី៥ ដែលកម្ពុជាធ្វើជាម្ចាស់ផ្ទះ និងរៀបចំនៅទីក្រុងសៀមរាប ដែលជាកន្លែងប្រកាសគ្មានមីន និងបានកំពុងឈរជាសក្ខីភាពនៃជ័យជំនះចំពោះការប្តេជ្ញាចិត្ត និងការតស៊ូរួមគ្នាក្នុងការលប់បំបាត់ចោលគ្រាប់មីន។
ក្នុងឱកាសនោះ លោកបណ្ឌិត លី ធុជ បានថ្លែងអំណរគុណយ៉ាងជ្រាលជ្រៅជូនចំពោះ សម្តេចធិបតី ហ៊ុន ម៉ាណែត នាយករដ្ឋមន្រ្តី សម្រាប់ការគាំទ្រ និងផ្តល់ការដឹកនាំដោយឥតងាករេ ក្នុងបេសកកម្មនៃការប្តេជ្ញាចិត្តជាសកលដើម្បីពិភពលោកមួយដែលគ្មានមីន។
លោកបណ្ឌិត លី ធុជ បានគូសបញ្ជាក់ថា កិច្ចប្រជុំពាក់កណ្តាលអាណត្តិនេះ គឺជាចំណុចយ៉ាងសំខាន់មួយដែលអនុញ្ញាតិឱ្យយើងធ្វើការឆ្លុះបញ្ចាំងពីសមិទ្ធិផល កំណត់ចំណុចសម្រាប់ការកែលម្អ និងបញ្ជាក់ឡើងវិញនូវការប្តេជ្ញាចិត្តចំពោះគោលការណ៍ និងបទដ្ឋាននៃអនុសញ្ញាអូតាវ៉ា។ ការប្តេជ្ញាចិត្តរួម និងគោលដៅរួមសម្រាប់ពិភពលោកមួយដែលគ្មានមីន កំពុងក្លាយជាការពិត៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ