ព័ត៌មានជាតិ
រដ្ឋមន្ត្រីអប់រំ ណែនាំឲ្យមានការរៀបចំការប្រឡងបញ្ចប់ថ្នាក់ទី៦ ដើម្បីវាស់សមត្ថភាពសិស្សមុនចូលអនុវិទ្យាល័យ
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡា បានណែនាំឱ្យមន្ទីរអប់រំយុវជននិងកីឡា សហការជាមួយនាយកដ្ឋានបឋមសិក្សារៀបចំឱ្យមានការអនុវត្តតេស្តស្តង់ដាប្រចាំឆ្នាំ ជាពិសេសការប្រឡងបញ្ចប់នៅថ្នាក់ទី៦ដើម្បីវាស់សមត្ថភាពសិស្សមុនចូលរៀននៅកម្រិតអនុវិទ្យាល័យ។
នៅក្នុងដំណើរទស្សនកិច្ចនៅវិទ្យាល័យ ហ៊ុន សែន ពាមរក៍ ខេត្តព្រៃវែង ដើម្បីគាំទ្រការអនុវត្តស្តង់ដាសាលារៀនគំរូកាលពីរសៀលថ្ងៃទី១៩មិថុនា លោកឧបនាយករដ្ឋមន្ត្រីបានមានប្រសាសន៍ថា ការប្រឡងថ្នាក់ទី៦ គឺជាគោលនយោបាយថ្មីរបស់ក្រសួង ដើម្បីពង្រឹងមូលដ្ឋានគ្រឹះពីក្រោមមក និងវាស់កម្រិតចំណេះដឹងខាងផ្នែកអំណាន គណិត វិទ្យាសាស្រ្ត និងភាសាបរទេស។
លោកឧបនាយករដ្ឋមន្ត្រីបានបន្តថា ក្នុងការកែទម្រង់វិស័យអប់រំ ក្រសួងបានពង្រឹងគុណភាពអប់រំតាមរយៈការពង្រឹងការប្រឡងសញ្ញាបត្រមធ្យមសិក្សាទុតិយភូមិនៅឆ្នាំ២០១៤ និងបានពង្រីកការចូលរៀននៅមត្តេយ្យ និងបង្កើតមត្តេយ្យសិក្សាសហគមន៍ដែលត្រូវសម្រេចបានជាសាលាស្តង់ដា។ ក្នុងនោះនៅកម្រិតបឋមសិក្សា ក្រសួងបានដាក់ឱ្យអនុវត្តនៅកញ្ចប់អំណានដំបូង និងគណិតវិទ្យាដំបូង និងការបណ្តុះបណ្តាលគ្រូផងដែរ។ មន្ទីរអប់រំក៏ត្រូវបន្តសហការជាមួយនាយកដ្ឋានបឋមសិក្សា បង្កើនម៉ោងបន្ថែមអនុវត្តឱ្យបានពេញលេញនូវកញ្ចប់អំណានដំបូង និងគណិតវិទ្យាដំបូងចាប់តាំងពីថ្នាក់ទី១ ដល់ថ្នាក់ទី៦។
លោកឧនាយករដ្ឋមន្ត្រីស្នើឱ្យមន្ទីរសហការគ្នាជាមួយនាយកដ្ឋានបឋមសិក្សាដើម្បីចុះពិនិត្យតាមដានការអនុវត្ត ក៏ដូចរៀបចំឱ្យមានការអនុវត្តតេស្តស្តង់ដាប្រចាំឆ្នាំ ជាពិសេសការប្រឡងបញ្ចប់នៅថ្នាក់ទី៦ព្រោះថាការប្រឡងថ្នាក់ទី៦
គឺជាគោលនយោបាយថ្មីរបស់ក្រសួង ដើម្បីពង្រឹងមូលដ្ឋានគ្រឹះពីក្រោមមក និងវាស់កម្រិតចំណេះដឹងខាងផ្នែកអំណាន គណិត វិទ្យាសាស្រ្ត និងភាសាបរទេស។ ចំណែកនៅមធ្យមសិក្សា សាលាត្រូវធ្វើតេស្តដើមឆ្នាំរៀបចំផែនការសម្រាប់បំប៉នសិស្សខ្សោយជាប្រចាំ លើការអាន និងសរសេរ គណិតវិទ្យា និងមុខវិទ្យាសំខាន់ៗផ្សេងទៀត។ ប្រសិនបើតេស្តស្តង់ដាត្រូវចំណាយថវិកាច្រើន មិនចាំបាច់ធ្វើប្រចាំខែទេ អាចធ្វើប្រចាំត្រីមាស តែត្រូវមានផែនការបំប៉នសិស្សខ្សោយឱ្យបានច្បាស់លាស់៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២០ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ២ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ