ព័ត៌មានជាតិ
រោងចក្រសហគ្រាសជាង ១០០ បំពាក់ប្រព័ន្ធតាមដានគុណភាពទឹក បញ្ចៀសបង្ហូរទឹកកខ្វក់ចូលទន្លេ
រោងចក្រសហគ្រាសចំនួន ១០០ បានគាំទ្រនិងសន្យាបំពាក់ប្រព័ន្ធតាមដានគុណភាពទឹកស្វ័យប្រវត្តិ ដើម្បីបញ្ចៀសការបង្ហូរសំណល់រាវកខ្វក់ចេញពីរោងចក្រចូលទៅប្រភពទឹកមានទន្លេ ស្ទឹង បឹងបួ ដែលបង្កផលប៉ះពាល់ដល់បរិស្ថាន។
![](https://www.kampucheathmey.com/wp-content/uploads/2024/06/416147099_681872894134199_5090994743405603120_n-1024x682.jpg)
លោក អ៊ាង សុផល្លែត រដ្ឋមន្ត្រីក្រសួងបរិស្ថានបានគូសបញ្ជាក់ថា រោងចក្រសហគ្រាសដែលងាយបង្កហានិភ័យ បានគាំទ្រគម្រោងបំពាក់ប្រព័ន្ធតាមដានគុណភាពទឹក ដើម្បីចូលរួមអនុវត្តវិធានការបរិស្ថានដែលជាផ្នែកមួយនៃយុទ្ធនាការសម្អាតទន្លេ ដោយមានការលើកទឹកចិត្តពីក្រសួងបរិស្ថាន។
លោករដ្ឋមន្រ្តីបានឲ្យដឹងថា បើតាមសិក្សា មានរោងចក្រសហគ្រាសដែលងាយបង្កហានិភ័យមិនតិចជាង ១០០០ ទេ ដែលមានការបង្ហូរសំណល់រាវមានសាធាតតុពុលចូលទៅទន្លេ ស្ទឹងបឹងបួព្រែក។
![](https://www.kampucheathmey.com/wp-content/uploads/2024/06/416739293_1504134737047272_8399698600134468097_n-1024x682.jpg)
យ៉ាងណាមិញ ទាក់ទងដំណើរការបំពាក់ប្រព័ន្ធតាមដានគុណភាពទឹកនេះ លោករដ្ឋមន្ត្រីបានគូសបញ្ជាក់ថា ត្រូវសិក្សាបច្ចេកទេសឲ្យបានហ្មត់ចត់ ធ្វើយ៉ាងណាឲ្យការចំណាយតិចបំផុតនិងមានប្រសិទ្ធិភាពខ្ពស់។
បើតាមលោករដ្ឋមន្ត្រី ដំណើរការតេស្តសាកល្បងឧបករណ៍បំពាក់ប្រព័ន្ធតាមដានគុណភាពទឹកស្វ័យប្រវត្តិ បានបញ្ចប់ដោយជោគជ័យ និងចាប់ផ្ដើមបំពាក់តាមបណ្ដារោងចក្រសហគ្រាសនានាជាបន្តបន្ទាប់នៅពេលឆាប់ៗខាងមុខនេះ។
ក្រោមគំនិតផ្តួចផ្តើមពីរដ្ឋមន្រ្តីក្រសួងបរិស្ថាន ការបំពាក់ឧបករណ៍តាមដានគុណភាពទឹកស្វ័យប្រវត្តិនេះ នឹងជួយសម្រួលដល់ក្រុមការងារជំនាញ ដោយមិនទាមទារឱ្យមានការចុះអធិការកិច្ចជាប្រចាំនៅតាមរោងចក្រសហគ្រាសទៀតនោះទេ ខណៈម្ចាស់រោងចក្រក៏មិនចាំបាច់ធ្វើរបាយការណ៍ជាប្រចាំជូនដល់ក្រសួងតាមតម្រូវការនីតិវិធីទៀតនោះដែរ៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ