ព័ត៌មានជាតិ
កម្ពុជា-ចិន ប្តេជ្ញារួមគ្នាទប់ស្កាត់ល្បែងអនឡាញ និងប្រយុទ្ធប្រឆាំងឧក្រិដ្ឋកម្មឆ្លងដែន
កម្ពុជា-ចិន តាមរយៈអគ្គស្នងការដ្ឋាននគរបាលជាតិ និងក្រសួងសន្តិសុខសាធារណៈចិន បានគូសបញ្ជាក់ជាថ្មីពីការប្តេជ្ញារួមគ្នាក្នុងការទប់ស្កាត់ល្បែងអនឡាញខុសច្បាប់ និងប្រយុទ្ធប្រឆាំងឧក្រិដ្ឋកម្មឆ្លងដែន ក៏ដូចជាការកសាងសមត្ថភាពកងកម្លាំងនគរបាល។
ការបង្ហាញឆន្ទៈនេះ ធ្វើឡើងនៅក្នុងជំនួបពិភាក្សាការងារដាច់ដោយឡែកពីគ្នារវាងភាគីចិនតំណាងដោយលោក វ៉ាង យ៉ុង (WANG YONG) អគ្គនាយកស្ដីទី នៃអគ្គនាយកដ្ឋានសហប្រតិបត្តិការអន្តរជាតិ ក្រសួងសន្តិសុខសាធារណៈចិន និងជាប្រធាននគរបាលអន្តរជាតិប៉េកាំង ជាមួយ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរង កាលពីថ្ងៃទី១៩ ខែមិថុនា ឆ្នាំ ២០២៤។
នៅក្នុងជំនួបនេះ គណៈប្រតិភូក្រសួងសន្តិសុខសាធារណៈ នៃសាធារណរដ្ឋប្រជាមានិតចិន មានគោលបំណង អនុវត្តទៅតាមផែនការសហប្រតិបត្តិការរបស់ក្រសួងមហាផ្ទៃកម្ពុជា និងក្រសួងសន្តិសុខចិន និងដើម្បីពិភាក្សាផ្លាស់ប្តូរយោបល់បំពេញបន្ថែមលើដំណើរការ នៃកិច្ចសហប្រតិបត្តិការអនុវត្តច្បាប់ រួមគ្នាទប់ស្កាត់ និងប្រយុទ្ធប្រឆាំងឧក្រិដ្ឋកម្មឆ្លងដែន ពិសេសកិច្ចសហការប្រយុទ្ធប្រឆាំងបទល្មើសនានា ក៏ដូចជាការកសាងសមត្ថភាពកងកម្លាំងនគរបាល ។
ក្នុងឱកាសនោះលោក វ៉ាង យ៉ុង បានស្នើកម្ពុជាដើម្បីបង្កើនកិច្ចសហប្រតិបត្តការឱ្យកាន់តែជិតស្និទក្នុងការរួមគ្នាប្រយុទ្ធប្រឆាំងបទល្មើសឆ្លងដែន ជាពិសេសបទល្មើសល្បែងអនឡាញ និងបង្កើនកិច្ចសហការផ្លាស់ប្តូរព័ត៌មានស្រាវជ្រាវស្វែងរកមុខសញ្ញាដែលរត់គេចខ្លួន។
ជាការឆ្លើយតប លោក ស ថេត បានថ្លែងអំណរគុណចំពោះការជួយជ្រោមជ្រែងរបស់រដ្ឋាភិបាល និងប្រជាជនចិន ក្នុងពេលកន្លងមក ខណៈលោកបានលើកទឹកចិត្តដល់ភាគីទាំងពីរធ្វើការពិនិត្យ និងពិភាក្សាគ្នាឱ្យបានល្អិតល្អន់នៅក្នុងជំនួបក្រុមការងារបច្ចេកទេសជំនាញ៕
អត្ថបទ៖ ឡាយ សាមាន
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី