ព័ត៌មានជាតិ
សម្ដេច ហ៊ុន សែន រម្លឹកពីការលះបង់ដ៏មានតម្លៃ២លើករបស់សម្ដេច ដើម្បីរំដោះជាតិ និងសន្តិភាព
សម្ដេចតេជោ ហ៊ុន សែន រម្លឹកថា កាលពី៤៧ឆ្នាំមុន ប្រទេសជាតិកំពុងស្ថិតក្នុងភ្នក់ភ្លើងសង្គ្រាម សម្ដេចបានយកជីវិតធ្វើជាដើមទុន ដើម្បីប្ដូរនឹងការរស់រានមានជីវិតរបស់ប្រជាជនមួយប្រទេស ខណៈពេលនេះ សម្ដេចបានយកអំណាចទៅប្ដូរនឹងសន្តិភាព និងការអភិវឌ្ឍរយៈពេលវែងនៅកម្ពុជា តាមរយៈការផ្ទេរអំណាច។
![](https://www.kampucheathmey.com/wp-content/uploads/2024/06/image-1094-1024x734.png)
នេះជាការលះបង់ដ៏មហិមា និងមានតម្លៃបំផុតរបស់សម្ដេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា ក្នុងឆាកជីវិតរបស់សម្ដេចតេជោ ដើម្បីបុព្វហេតុជាតិ និងប្រជាជនកម្ពុជា។
ក្នុងឱកាសខួប៧៤ឆ្នាំនៃដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត សម្ដេចតេជោ ហ៊ុន សែន បានសម្ដែងក្ដីឈឺចាប់ និងនឹកឃើញដល់ដំណើរដែលសម្ដេចបានជួបប្រទះនៃការចាប់ផ្តើមពីចលនាតស៊ូឈានឆ្ពោះទៅការផ្ដួលរំលំរបបប្រល័យពូជសាសន៍ នៅថ្ងៃទី២០ ខែមិថុនា ឆ្នាំ១៩៧៧។ តាមរយៈសំណេរនៅលើបណ្ដាញសង្គម នាព្រឹកថ្ងៃនេះ សម្ដេចតេជោ បានរៀបរាប់យ៉ាងដូច្នេះថា៖ «ទោះពេលវេលាបានកន្លងហួស រយៈពេល ៤៧ឆ្នាំទៅហើយក្តី តែនៅពេលដែលខ្ញុំនឹកឃើញដល់រឿងរ៉ាវដែលបានជួបប្រទះ កាលពីថ្ងៃ២០ មិថុនា ១៩៧៧ ទឹកភ្នែកខ្ញុំតែងស្រក់ចុះមកជាប់មិនដាច់។ ពិតជាខ្លោចផ្សា និងឈឺចាប់រកពាក្យនិយាយមិនបាន។ យើងមានតែជីវិតប៉ុណ្ណោះធ្វើជាដើមទុនដើម្បីរំដោះជាតិ និងប្រជាជនចេញពីរបបប្រល័យពូជសាសន៍ ប៉ុល ពត»។
![](https://www.kampucheathmey.com/wp-content/uploads/2024/06/image-1093-1024x805.png)
សម្ដេចតេជោ បានចោទជាសំណួរមួយថា «ប្រសិនខ្ញុំស្លាប់នាពេលនោះ តើនឹងមានអ្វីកើតឡើងនាពេល ៤៥ឆ្នាំកន្លងមក នេះ?»។ សម្ដេចតេជោ បានរម្លឹកឡើងវិញនូវការលះបង់ដ៏មានតម្លៃបំផុតក្នុងនាមជាមេដឹកនាំចំនួន ២លើក គឺលើកទី១ សម្ដេចបានយកជីវិតទៅប្តូរយកការរស់រានមានជីវិតរបស់ប្រជាជន យកជីវិតទៅប្តូរយកសន្តិភាពជូនប្រជាជន តាមរយៈនយោបាយឈ្នះ ឈ្នះ។ លើកទី២នេះ គឺសម្ដេចតេជោ យកអំណាចទៅប្តូរជាមួយសន្តិភាព និងការអភិវឌ្ឍរយៈពេលវែងតាមរយៈការផ្ទេរការដឹកនាំពីជំនាន់ចាស់ទៅកាន់ជំនាន់ថ្មី។
ក្នុងន័យនេះ សម្ដេចតេជោ អតីតនាយករដ្ឋមន្ត្រី បានបញ្ជាក់ថា គ្មានជោគជ័យ ឬលទ្ធផលណាមួយដោយគ្មានការបង់ថ្លៃ ឬការលះបង់នោះឡើយ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ