ព័ត៌មានជាតិ
លោក ប៉ែន បូណា ថា ព័ត៌មានក្លែងក្លាយជាមេរោគបំពុលសង្គមដ៏គ្រោះថ្នាក់ ដែលត្រូវបន្សាប
ក្រុមប្រឆាំងជ្រុលនិយម និងបណ្តាញឃោសនារបស់គេពីក្រៅស្រុកមួយចំនួន បាននិងកំពុងប្រើប្រាស់ព័ត៌មានក្លែងក្លាយ បំផ្លើសបំភ្លៃ ញុះញង់គ្រប់បែបយ៉ាង ជាអាវុធយុទ្ធសាស្ត្រ ដែលជាមេរោគបំពុលសង្គមដ៏គ្រោះថ្នាក់។ ប៉ុន្តែ ទាំងអស់គ្នាគឺជាវ៉ាក់សាំងការពារ និងបន្សាបមេរោគទាំងនោះតាមរយៈសកម្មភាពបុរេសកម្ម បញ្ចេញព័ត៌មានពិតដែលរាជរដ្ឋាភិបាលបានខិតខំធ្វើ ដើម្បីប្រទេសជាតិ និងប្រជាពលរដ្ឋ។
![](https://www.kampucheathmey.com/wp-content/uploads/2024/06/image-1100-1024x682.png)
នេះជាការលើកឡើងរបស់លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ក្នុងឱកាសដែលលោកចូលរួមជាអធិបតី និងជាវាគ្មិនក្នុងពិធីបើកវគ្គបណ្តុះបណ្តាលស្តីពី «ប្រសិទ្ធភាពនៃការងារព័ត៌មាននិងនាំពាក្យ» ជូនដល់មន្ត្រីព័ត៌មាន និងអ្នកនាំពាក្យនៃរដ្ឋបាលខេត្តកណ្តាល នាថ្ងៃទី២០ ខែមិថុនា ឆ្នាំ ២០២៤។
លោក ប៉ែន បូណា សង្កត់ធ្ងន់ថា រាជរដ្ឋាភិបាលគណបក្សប្រជាជនកម្ពុជា បានលះបង់គ្រប់បែបយ៉ាង ដើម្បីប្រទេសជាតិនិងប្រជាជនដោយដាក់ជីវិតជាដើមទុន ដើម្បីទាមទារសិទ្ធិរស់រានមានជីវិតរបស់ប្រជាពលរដ្ឋខ្មែរ និងបានកសាងប្រទេស ពីគំនរផេះផង់រហូតសម្រេចបានសមិទ្ធផលធំធេងមិនធ្លាប់មានពីមុន។ លោក បន្តថា រាជរដ្ឋាភិបាល នីតិកាលទី៧ ដឹកនាំដោយសម្តេចធិបតី ហ៊ុន ម៉ាណែត កំពុងឈានឆ្ពោះទៅសម្រេចចក្ខុវិស័យកម្ពុជាឆ្នាំ២០៥០ ក្លាយជាប្រទេសមានចំណូលខ្ពស់ ដើម្បីលើកស្ទួយមោទនភាពនិងសេចក្តីថ្លៃថ្នូររបស់ប្រជាពលរដ្ឋខ្មែរ។ ដូច្នេះ ទាំងអស់គ្នាមិនអនុញ្ញាតឱ្យអ្នកណាមកកាឡៃការពិត និងរារាំងដំណើរឆ្ពោះទៅមុខរបស់រាជរដ្ឋាភិបាលបានឡើយ។
![](https://www.kampucheathmey.com/wp-content/uploads/2024/06/image-1101-1024x682.png)
ជាអធិបតីក្នុងពិធីនេះដែរ លោក ឌឹម បូរ៉ា អភិបាលរងខេត្តកណ្ដាល បានថ្លែងអំណរគុណដល់លោក ប៉ែន បូណា ដែលបានចំណាយពេលវេលាដ៏មានតម្លៃក្នុងការចូលរួមជាវាគ្មិនក្នុងវគ្គបណ្តុះបណ្តាលមន្ត្រីព័ត៌មាន និងអ្នកនាំពាក្យសម្រាប់រដ្ឋបាលខេត្ត ស្រុក ក្រុង និងឃុំ សង្កាត់ ទូទាំងខេត្តកណ្តាល។ លោកបានចាត់ទុកការងារនេះ ពិតជាមានសារសំខាន់សម្រាប់រដ្ឋបាលខេត្តទាំងមូល។
លោកអភិបាលរង បានគូសបញ្ជាក់ថា បើទោះបីជានៅក្នុងដំណើរការនៃការគ្រប់គ្រងដឹកនាំរបស់រដ្ឋបាលខេត្ត ក្រុង ស្រុក ឃុំ សង្កាត់ ក៏ដូចជាតាមមន្ទីរ អង្គភាពជំនាញនានាក្នុងខេត្ត ទទួលបានសមិទ្ធផលគួរជាទីមោទនៈ ព្រមទាំងការអភិវឌ្ឍរីកដុះដាលលើគ្រប់វិស័យពីមួយថ្ងៃទៅមួយថ្ងៃក្តី ក៏នៅមានបញ្ហាមួយចំនួន ដែលតែងតែកើតមានឡើងបណ្តាលមកពីភាពខ្វះចន្លោះនៃការគ្រប់គ្រងព័ត៌មាន ជាហេតុនាំឱ្យពលរដ្ឋទូទៅខ្វះព័ត៌មាន ខណៈការបន្សាបព័ត៌មានក្លែងក្លាយ ព័ត៌មានឆបោក និងព័ត៌មានញុះញង់ផ្សេងៗរបស់អង្គភាពនៅមានកម្រិតនៅឡើយ។
![](https://www.kampucheathmey.com/wp-content/uploads/2024/06/image-1102-1024x683.png)
អាស្រ័យហេតុនេះ តាមរយៈវគ្គបណ្តុះបណ្តាលតម្រង់ទិសនៅថ្ងៃនេះ នឹងជួយពង្រឹងការងារគ្រប់គ្រងព័ត៌មាន និងនាំពាក្យ របស់រដ្ឋបាលខេត្ត មន្ទីរ អង្គភាព រដ្ឋបាលក្រុង ស្រុក និងឃុំ សង្កាត់ កាន់តែមានប្រសិទ្ធភាព ដើម្បីចូលរួមចំណែកអនុវត្តនូវយុទ្ធសាស្ត្របញ្ចកោណ-ដំណាក់កាលទី១ របស់រាជារដ្ឋាភិបាលឱ្យទទួលបានជោគជ័យតាមផែនការគ្រោងទុក។ ការនេះជាការបញ្ជាក់បន្ថែមរបស់លោក ឌឹម បូរ៉ា៕
![](https://www.kampucheathmey.com/wp-content/uploads/2024/06/image-1103-1024x577.png)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ