ព័ត៌មានជាតិ
តំណាងកម្មករនិយោជិត៥ម៉ឺននាក់ព្រមានតវ៉ាទ្រង់ទ្រាយធំដើម្បីស្នើសុំបិទការិយាល័យអង្គការសង់ត្រាល់នៅកម្ពុជា
សហជីពតំណាងកម្មករនិយោជិត ៥ម៉ឺននាក់ ព្រមានធ្វើការតវ៉ាទ្រង់ទ្រាយធំនៅមុខការិយាល័យមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា «សង់ត្រាល់ » និងនៅមុខក្រសួងមហាផ្ទៃ ដើម្បីស្នើសុំបិទការិយាល័យរបស់សង់ត្រាល់ បើអង្គការនេះមិនកែប្រែខ្លឹមសារក្នុងរបាយការណ៍របស់ខ្លួន ដែលបានចេញផ្សាយកាលពីថ្ងៃទី៤ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/DSC07703-1024x668.jpg)
ការព្រមាននេះធ្វើឡើងពេលសហពន្ធ័សហជីពមូលដ្ឋាន ៤០នាក់ ដែលតំណាងកម្មករ និយោជិត ៥ម៉ឺននាក់ នៃ៥០រោងចក្រ បានដាក់លិខិតស្នើសុំទៅការិយាល័យអង្គការសង់ត្រាល់ នៅព្រឹកថ្ងៃទី២០ ខែមិថុនានេះ ដើម្បីឱ្យអង្គការនេះ កែសម្រួលខ្លឹមសារ ក្នុងរបាយការណ៍ដែលបានចេញផ្សាយកាលពីថ្ងៃទី ៤ ខែមិថុនា ឆ្នាំ២០២៤។
លោក អ៊ុន ដារ៉ា អនុប្រធាន និងជាអ្នកនាំពាក្យ សភាសម្ព័ន្ធសហជីពជាតិកម្ពុជា (NACC) ប្រាប់ថា ក្នុងករណីមិនមានកែសម្រួលរបាយការណ៍តាមការស្នើសុំទេ សហជីពមូលដ្ឋាន ដែលមានសមាជិក ៥ម៉ឺននាក់ មកពី៥០រោងចក្រ នឹងសរសេរលិខិតទៅម្ចាស់ជំនួយ និងក្រសួងមហារផ្ទៃ ដើម្បីធ្វើការពិនិត្យពីការអនុលោមភាព នៃលក្ខន្តិកៈរបស់ សង់ត្រាល់ និងការអនុលោមភាពច្បាប់នានានៅកម្ពុជា ហើយចុងក្រោយ និងប្រមូលផ្ដុំកម្មករ និយោជិត ដើម្បីធ្វើការតវ៉ាទ្រង់ទ្រាយធំនៅមុខ ការិយាល័យ សង់ត្រាល់ និងក្រសួងមហាផ្ទៃ ដើម្បីស្នើសុំឲ្យបិទការិយាល័យ របស់សង់ត្រាល់តែម្តង។
![](https://www.kampucheathmey.com/wp-content/uploads/2024/06/DSC07705-1024x683.jpg)
លោកថា របាយការណ៍របស់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ «សង់ត្រាល់ » កំពុងបង្កើតភាពវឹកវរ បង្កឱ្យមានបញ្ហាញុះញង់ ធ្វើឱ្យមានសង្គ្រាមរវាងសហជីព និងសហជីពកើតឡើង និងកំពុងបំភាន់ព័ត៌មានធ្វើឱ្យអ្នកវិនិយោគភ័យខ្លាច។ របាយការណ៍របស់សង់ត្រាល់ មិនឆ្លុះបញ្ចាំងការពិត និងគ្មានមូលដ្ឋានច្បាស់លាស់ ធ្វើឱ្យប៉ះពាល់ដល់ស្ថិរភាពការងារ និងផលប្រយោជន៍រួមរបស់កម្មករ និយោជិតនៅកម្ពុជាទាំងមូល។
![](https://www.kampucheathmey.com/wp-content/uploads/2024/06/DSC07709-1024x666.jpg)
លោក អ៊ុន ដារ៉ា បន្តថា ខ្លឹមសារនៃរបាយការណ៍របស់អង្គការសង់ត្រាល់ បានធ្វើឱ្យមានការយល់ច្រឡំថា សិទ្ធិសេរីភាពសហជីពនៅកម្ពុជាកំពុងមានការរើសអើង។ មិនតែប៉ុណ្ណោះ របាយការណ៍នោះ មានចេតនាធ្វើឱ្យអ្នកបញ្ជាទិញផ្លាស់ប្តូរចេញពីកម្ពុជា ព្រោះយល់ច្រឡំថានៅកម្ពុជាបាត់បង់សេរីភាព និងត្រូវបានបំភ័យដល់កម្មករ និយោជិត។
![](https://www.kampucheathmey.com/wp-content/uploads/2024/06/DSC07710-1024x683.jpg)
លោកបញ្ជាក់ថា «យើងខ្ញុំទាំងអស់គ្នាជាតំណាងកម្មករ-និយោជិត មានការព្រួយបារម្មណ៍យ៉ាងខ្លាំងពីផលប៉ះពាល់ដល់ស្ថិរភាពការងារ និងផលប្រយោជន៍របស់កម្មករ ទើបយើងខ្ញុំស្នើសុំដោយទទូចដល់លោកនាយក សង់ត្រាល់ ដើម្បីធ្វើការកែសម្រួលរបាយការណ៍របស់ខ្លួនឡើងវិញ ដោយបង្ហាញនូវសមិទ្ឋិផលវិជ្ជមានជាច្រើន ដែលជាវឌ្ឍនភាពលក្ខខណ្ឌការងាររួមរបស់កម្មករនិយោជិត និងសហជីពនៅកម្ពុជា»។
![](https://www.kampucheathmey.com/wp-content/uploads/2024/06/DSC07714-1024x679.jpg)
អ្នកនាំពាក្យ សភាសម្ព័ន្ធសហជីពជាតិកម្ពុជា ស្នើសុំឱ្យអង្គការសង់ត្រាល់កែរសម្រួលខ្លឹមសារក្នុងរបាយការណ៍កាលពីថ្ងៃទី ៤ ខែមិថុនា ជាបន្ទាន់ ព្រោះខ្លឹមសារនោះ ផ្ទុយទាំងស្រុងទៅនឹងសភាពជាក់ស្តែង និងមិនរំលេចទាល់តែសោះ នូវសមិទ្ឋិផលវិជ្ជមានជាច្រើន ដែលជាវឌ្ឍនភាពលក្ខខណ្ឌការងារ រួមរបស់កម្មករនិយោជិត និងសហជីពនៅកម្ពុជា៕
![](https://www.kampucheathmey.com/wp-content/uploads/2024/06/DSC07720-1024x720.jpg)
![](https://www.kampucheathmey.com/wp-content/uploads/2024/06/DSC07725-1024x768.jpg)
![](https://www.kampucheathmey.com/wp-content/uploads/2024/06/DSC07727-1024x647.jpg)
![](https://www.kampucheathmey.com/wp-content/uploads/2024/06/DSC07729-1024x633.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ