ព័ត៌មានជាតិ
រាជដំណាក់ព្រះមហាក្សត្រខ្មែរ លើកំពូលភ្នំបូកគោ រង់ចាំអនុញ្ញាតពីព្រះបរមរាជវាំង ជួសជុលតាមគំរូដើមឡើងវិញ
លោក សាយ សុភក្ត្រា នាយកផ្នែកលក់ និងទីផ្សារក្រុមហ៊ុន សុខា អូតែល បានឱ្យដឹងថា ក្រុមហ៊ុនសុខា អូតែល កំពុងរង់ចាំការឆ្លើយតបពីព្រះបរមរាជវាំង ដើម្បីធ្វើការជួសជុលនិងកែលំអព្រះរាជដំណាក់ស្លាខ្មៅនៅលើកំពូលភ្នំបូកគោឱ្យមានភាពល្អប្រសើរឡើងវិញ។
![](https://www.kampucheathmey.com/wp-content/uploads/2024/06/damnak1-1024x683.jpg)
ឆ្លើយតបសំណួរ «កម្ពុជាថ្មី» ក្នុងដំណើរទស្សនកិច្ចរបស់ក្រុមអ្នកសារព័ត៌មាននៅឧទ្យាជាតិព្រះមុនីវង្សបូកគោកាលពីពេលថ្មីៗនេះ លោក សាយ សុភក្ត្រា បានឱ្យដឹងថា ពាក់ព័ន្ធទៅនឹងគម្រោងកែលំអដំណាក់ស្លាខ្មៅ ដែលស្ថិតនៅរមណីយដ្ឋានឋានសួគ៌បូកគោ កន្លងមកខាងក្រុមហ៊ុនបានក្រាបបង្គំគាល់ទៅខាងព្រះបរមរាជវាំង ដើម្បីសុំការអនុញ្ញាតក្នុងការជួសជុល ប៉ុន្តែរហូតមកដល់ពេលនេះមិនទាន់ទទួលបានការឆ្លើយតបនៅឡើយទេ។
សម្រាប់គម្រោងជួសជុលដំណាក់ស្លាខ្មៅនេះទៀតសោត លោក សាយ សុភក្ត្រា បានអះអាងថា មិនចេះតែធ្វើនោះទេព្រោះទីតាំងនេះជាទីតាំងអតីតព្រះរាជដំណាក់របស់ព្រះមហាក្សត្រ ហេតុដូចនេះត្រូវរង់ចាំការអនុញ្ញាតពីព្រះបរមរាជវាំងជាមុនសិន ទើបក្រុមហ៊ុនហ៊ានជួសជុល។
«ខាងក្រុមហ៊ុនបានក្រាបបង្គំគាល់ទៅខាងព្រះបរមរាជវាំង ដើម្បីសុំការអនុញ្ញាតជួសជុល ប៉ុន្តែនៅមិនទាន់ទទួលបានការឆ្លើយតបមកវិញ ហេតុដូចនេះក៏មិនហ៊ានរៀបចំអ្វីនោះដែរ គ្រាន់តែជួយរៀបចំ ថែរក្សា សម្អាត សំរាម ឱ្យបានស្អាត នៅពេលមានអ្នកទៅទស្សនាតែប៉ុណ្ណោះ។ សម្រាប់ការជួសជុលនេះទៀតសោត ត្រូវធ្វើតាមប្លង់ស្ថាបត្យកម្មដើមដែលមានពីមុនមក»។ លោក សាយ សុភក្ត្រា បញ្ជាក់។
![](https://www.kampucheathmey.com/wp-content/uploads/2024/06/damnak2-1024x683.jpg)
![](https://www.kampucheathmey.com/wp-content/uploads/2024/06/damnak4-1024x683.jpg)
![](https://www.kampucheathmey.com/wp-content/uploads/2024/06/damnak5-1024x683.jpg)
លោក លោក សាយ សុភក្ត្រា បានបន្ថែមថា បច្ចុប្បន្នក្រុមការងារគ្រាន់តែជួយកាត់សម្អាតស្មៅម្ដងម្កាល ក៏ដូចជាសម្អាតសំរាមជុំវិញបរិវេណព្រះរាជដំណាក់តែប៉ុណ្ណោះ ហើយសកម្មភាពផ្សេងលើសពីនេះលុះត្រាតែមានការអនុញ្ញាតពីព្រះបរមរាជវាំង។
លោក សាយ សុភក្ត្រា ក៏សង្ឃឹមដែរថា ព្រះបរមរាជវាំងនឹងយល់ព្រមអនុញ្ញាត ដើម្បីអាចជួសជុលនិងកែលំអដំណាក់ស្លាខ្មៅនេះជូនព្រះរាជវាំងឡើងវិញផងដែរ។
គួរជម្រាបថា ដំណាក់ស្លាខ្មៅមានទីតាំងស្ថិតនៅក្បែររូបសំណាកលោកយាយម៉ៅ ស្ថិតនៅត្រង់គីឡូម៉ែត្រទី ២០ តាមបណ្ដោយផ្លូវឡើងចុះរមណីយដ្ឋានឋានសួគ៌បូកគោ។ ដំណាក់នេះសាងសង់ឡើងពីបាយអរ និងបិទឈើស្លាខ្មៅនៅក្នុងឆ្នាំ១៩៣៦ សម្រាប់ជាព្រះរាជដំណាក់សម្រាកលំហែព្រះកាយរបស់ព្រះបរមរតនកោដ ព្រះបាទនរោត្តម សីហនុ នៅក្នុងសម័យសង្គមរាស្ត្រនិយម។
![](https://www.kampucheathmey.com/wp-content/uploads/2024/06/damnak8-1024x683.jpg)
![](https://www.kampucheathmey.com/wp-content/uploads/2024/06/damnak9-1024x683.jpg)
ដោយសារសង្គ្រាមស៊ីវិលរាប់ទស្សវត្ស ដំណាក់ស្លាខ្មៅរងការខូចខាត និងទុកចោលរហូតមកដល់បច្ចុប្បន្ន។ បើទោះបីជា អាគារដំណាក់ទុកចោលជាឆ្នាំក៏ពិតមែន ប៉ុន្តែអាគារសំណាក់ទាំងមូលនៅមានសភាពរឹងមាំ គ្រាន់តែទ្វារបង្អួចបានបាត់បង់អស់។ ដំណាក់នេះបែរមុខឆ្ពោះមករកផ្លូវ រីឯខាងក្រោយដំណាក់ អាចគយគន់ទេសភាពមាត់ជ្រោះ និងថ្ងៃលិចដ៏អស្ចារ្យ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ