ព័ត៌មានជាតិ
សហជីពនៅកម្ពុជាគាំទ្រការសម្រេចរបស់តុលារខេត្តកំពង់ស្ពឺ កាត់ទោសប្រធានសហជីពមូលដ្ឋានដែលប្រព្រឹត្តបទល្មើស
ភ្នំពេញ ៖ សហជីពនៅកម្ពុជាគាំទ្រការសម្រេចរបស់តុលាការខេត្តកំពង់ស្ពឺ ដែលបានប្រកាសសាលក្រមកាត់ទោសលោក ជា ចាន់ ប្រធានសហជីពមូលដ្ឋាន នៃក្រុមហ៊ុន វីងស្តារស៊ូ ដែលប្រព្រឹត្តបទល្មើសសមគំនិតលួច។ ការប្រកាសគាំទ្រនេះធ្វើឡើងក្រោយតុលាការខេត្តកំពង់ស្ពឹ បានប្រកាសសាលក្រមនៅព្រឹកថ្ងៃទី២០ ខែមិថុនានេះ។
លោក ហ្វា សាលី ប្រធានសម្ព័ន្ធសហជីពជាតិ ថ្លែងថា លោកគាំទ្រចំពោះការប្រកាសសាលក្រមរបស់តុលាការខេត្តកំពង់ស្ពឺ ដែលបានសម្រេចផ្ដន្ទាទោសលោកជា ចាន់ ដោយត្រឹមត្រូវ និងយុត្តិធម៌។ លោកបានបង្ហាញជំហរ មិនគាំទ្រចំពោះអ្នកជនខិលខូចទាំងឡាយណា ដែលបានប្រព្រឹត្តខុសច្បាប់ក្នុងការលួចទ្រព្យសម្បត្តិអ្នកដទៃ ព្រោះគ្មានជនណាអាចរួចខ្លួនពីសំណាញ់ច្បាប់បានឡើយ។
លោកបញ្ជាក់ថា «ខ្ញុំមិនលើកទឹកចិត្តក្នុងការការពារមេដឹកនាំជាចោរនោះទេ នេះបើសិនរកឃើញពិតប្រាកដមែន ហើយមានភស្តុតាង មានវីដេអូ ហើយគាត់បានសារភាពពិតប្រាកដមែននោះ វាជារឿងដែលយើងត្រូវទទួលខុសត្រូវចំពោះមុខច្បាប់ជាធរមាន អត់អាចប្រើពាក្យយុត្តិធម៌ ឬអយុត្តិធម៌នោះទេ»។
លោក សំ សឿន ប្រធានសហភាពពលកម្មជាតិកម្ពុជា ថ្លែងថា ការប្រកាសសាលក្រមរបស់តុលាការខេត្តកំពង់ស្ពឺ ចំពោះលោកជា ចាន់ អតីតកម្មករ និងជាប្រធានសហជីពនៅរោងចក្រវីងស្តារស៊ូ មិនមែនជាការគំរាមកំហែង បំភិតបំភ័យធ្វើទុក្ខបុកម្និញ ប្រឆាំងជាមួយសិទ្ធិសេរីភាពសហជីពនោះទេ ព្រោះនេះជាករណីព្រហ្មទណ្ឌ ដែលជនល្មើសត្រូវតែទទួលទោសតាមច្បាប់។ លោកបញ្ជាក់ថា ជាមេដឹកនាំសហជីព ក៏ត្រូវតែគោរពច្បាប់ បើធ្វើខុសត្រូវតែទទួលទោស មិនអាចយកតួនាទីជាសហជីពមកបិទបាំងទោសកំហុសរបស់ខ្លួនបានទេ។
លោកថ្លែងថា «យើងខ្ញុំមានការគាំទ្រចំពោះការផ្តន្ទាទោសរបស់សាលាដំបូងខេត្តកំពង់ស្ពឺ ដែលបានផ្តន្ទាទោសទៅលើជនល្មើស ដែលបានប្រព្រឹត្តនូវបទល្មើសលួច ក៏ដូចជាបទល្មើសផ្សេងៗ ដែលផ្ទុយពីច្បាប់។ ខ្ញុំក៏សុំសំណូមពរដល់សហជីពផ្សេងៗទៀតដែរ សូមបំពេញវិជ្ជាជីវៈរបស់ខ្លួនឱ្យស្របតាមច្បាប់ កុំយកសហជីពទៅបិតបាំងទោសកំហុសរបស់ខ្លួន»។
លោក អ៊ុន ដារ៉ា ប្រធានសហភាពកម្ពុជាពន្លឺកម្មករ ថ្លែងថា ការសម្រេចក្តីរបស់តុលាការគឺធ្វើឡើងដោយសំអាងលើអង្គហេតុ និងអង្គច្បាប់ ហេតុនេះការសម្រេចក្តីធ្វើឡើងដោយត្រឹមត្រូវ និងយុត្តិធម៌ បើគ្មានការប្រព្រឹត្តខុស ក៏គ្មានការអនុវត្តច្បាប់នោះដែរ។
លោកបន្ថែមថា សហជីពមួយចំនួន មិនគួរជ្រកក្រោមស្លាកសហជីព ហើយបែរជាយកតួនាទីភារកិច្ចមកប្រើប្រាស់ ហើយចោទប្រកាន់ការសម្រេចរបស់តុលាការ គឺជារឿងអយុត្តិធម៌ ជារឿងធ្វើទុកបុកម្នេញ គំរាមកំហែង យាយីយ៉ាងណានោះ ជារឿងមិនសមទេ។ លោកថា ករណីលោក ជា ចាន់ ដែលតុលាការដាក់ទោសគាត់គឺដាក់ទោសសមគំនិត ពីបទលួច មិនបានដាក់ទោសអ្នកធ្វើការងារជាសហជីពនោះទេ។ លោក ដារ៉ា ស្នើសុំកុំឱ្យយកតួនាទីជាសហជីពទៅប្រព្រឹត្តបទល្មើសតាមតែចិត្ត ហើយនៅពេលមានការអនុវត្តច្បាប់បែរជាស្រែកថាអយុត្តិធម៌។
លោកបញ្ជាក់ថា «សាលក្រមរបស់តុលាការបានសម្រេចទោសទៅលោក ជា ចាន់ ដោយសារតែលោកបានប្រព្រឹត្តបទសមគំនិតអំពើលួច បទសមគំនិតលួចមិនមែនលោកទៅធ្វើការងារសហជីពហើយគេចាប់ទេ ដោយសារតែគាត់ខ្លួនឯងហ្នឹងប្រព្រឹត្តកំហុសដោយខ្លួនឯង គឺបានសមគំនិតជាមួយចោរ អាហ្នឹងបុគ្គលទេ ចឹងយើងកុំយករឿងខ្លួនឯងប្រព្រឹត្តខុសហើយទៅស្រែកថា យើងធ្វើសហជីពត្រូវបានគេគំរាមកំហែង បំភិតបំភ័យ»។
សូមបញ្ជាក់ថា នៅព្រឹកថ្ងៃទី២០ ខែមិថុនានេះ សាលាដំបូងខេត្តកំពង់ស្ពឺ បានចេញសាលក្រម សម្រេចផ្ដន្ទាទោសលោក ជា ចាន់ ឱ្យជាប់ទោសចំនួន១២ខែ ដោយអនុវត្តទោសក្នុងពន្ធនាគារ ចំនួន៦ខែ និងចំនួន៦ខែទៀត អនុវត្តទោសនៅក្រៅឃុំ៕
នៅរាត្រីថ្ងៃសៅរ៍ទី០៨ ខែកុម្ភៈនេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន
លោក ឃួង ស្រេង ៖ សិទ្ធិមនុស្ស ត្រូវបានសម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ
តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល
មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៥ ម៉ោង agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?