ព័ត៌មានជាតិ
ក្រសួងអប់រំតម្រូវឲ្យសាលាធ្វើតេស្តសិស្សគ្រប់កម្រិតថ្នាក់ធ្លាក់មធ្យមភាគប្រចាំឆ្នាំ និងសិស្សគ្មានចំណាត់ថ្នាក់
ក្រសួងអប់រំយុវជននិងកីឡា បានតម្រូវឱ្យសាលារៀននីមួយៗត្រូវរៀបចំធ្វើតេស្តដោយខ្លួនឯងចំពោះសិស្សគ្រប់កម្រិតថ្នាក់ដែលធ្លាក់មធ្យមភាគប្រចាំឆ្នាំ និងសិស្សដែលគ្មានចំណាត់ថ្នាក់។
![](https://www.kampucheathmey.com/wp-content/uploads/2024/06/IMG_20191022_150604_508-1024x682-1.jpg)
លោកស្រី ឃួន វិច្ឆិកា អ្នកនាំពាក្យក្រសួងអប់រំយុវជនិងកីឡា បានមានប្រសាសន៍នៅព្រឹកថ្ងៃទី២១មិថុនានេះថា ការធ្វើតេស្តដើមឆ្នាំ និងចុងឆ្នាំសិក្សានេះដើម្បីឡើងថ្នាក់សម្រាប់សិស្សធ្លាក់មធ្យមភាគប៉ុណ្ណោះ។ ជាក់ស្តែងសាលានីមួយៗបានរៀបចំធ្វើតេស្តដើមឆ្នាំសិក្សាថ្មី (២០២៣-២០២៤) ឡើងវិញចំពោះសិស្សដែលធ្លាក់តេស្តចុងឆ្នាំ នៃឆ្នាំសិក្សា ២០២២-២០២៣ ក្នុងរយៈពេលយ៉ាងយូរ១សប្តាហ៍ ក្រោយថ្ងៃបើកបវេសនកាល ដោយសាលារៀនត្រូវរៀបចំខ្លឹមសារតេស្តរៀបចំធ្វើតេស្តចុងឆ្នាំសិក្សាដែលអាចធ្វើនៅចុងខែកញ្ញា ឬដើមខែតុលា ឆ្នាំ២០២៤ ចំពោះសិស្សគ្រប់កម្រិតថ្នាក់ដែលធ្លាក់មធ្យមភាគប្រចាំឆ្នាំ និងសិស្សដែលគ្មានចំណាត់ថ្នាក់។
លោកស្រីបានបន្តថា ជាមួយគ្នានេះគណៈគ្រប់គ្រងសាលារៀនត្រូវពិភាក្សាជាមួយលោកគ្រូ អ្នកគ្រូ និងគណៈកម្មការគ្រប់គ្រងសាលារៀន ពិនិត្យលទ្ធភាពបំប៉នបន្ថែមដល់សិស្សដែលធ្លាក់ការធ្វើតេស្តចុងឆ្នាំ និងសិស្សរៀនយឺតដទៃទៀតក្នុងអំឡុងពេលវិស្សមកាល។ សាលារៀនត្រូវរៀបចំតេស្តដើមឆ្នាំ និងចុងឆ្នាំដោយខ្លួនឯងព្រមទាំងផ្សព្វផ្សាយដល់លោកគ្រូអ្នកគ្រូ និងមាតាបិតាសិស្សឱ្យដឹងពីការធ្វើតេស្តដើម្បីជំរុញឱ្យមានការសិក្សា បន្ថែមទៀត។
![](https://www.kampucheathmey.com/wp-content/uploads/2024/06/photo_2023-08-23_01-14-00-1-2.jpg)
លោកស្រីបានបន្ថែមថា «ដូចឆ្នាំមុនដែរ ការធ្វើតេស្តចុងឆ្នាំធ្វើតែសម្រាប់សិស្សដែលធ្លាក់មធ្យមភាគប្រចាំឆ្នាំ និងសិស្សដែលគ្មានចំណាត់ថ្នាក់ប៉ុណ្ណោះ ហើយការរៀបចំតេស្តនេះ គឺសាលារៀនជាអ្នករៀបចំដោយខ្លួនឯង»។ លោកស្រីបានបញ្ជាក់ថា ចំពោះសិស្សរៀនត្រួតថ្នាក់រយៈពេលពីរឆ្នាំជាប់គ្នា សាលារៀនត្រូវផ្តល់ឱកាសឱ្យបានឡើងថ្នាក់ទៅរៀននៅថ្នាក់បន្ទាប់ដោយស្វ័យប្រវត្តិក្នុងឆ្នាំសិក្សាទី៣។
![](https://www.kampucheathmey.com/wp-content/uploads/2024/06/IMG_20191022_150559_570-1024x682-1.jpg)
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជននិងកីឡា បានណែនាំឱ្យមន្ទីរអប់រំយុវជននិងកីឡា សហការជាមួយនាយកដ្ឋានបឋមសិក្សារៀបចំឱ្យមានការអនុវត្តតេស្តស្តង់ដាប្រចាំឆ្នាំ ជាពិសេសការប្រឡងបញ្ចប់នៅថ្នាក់ទី៦ដើម្បីវាស់សមត្ថភាពសិស្សមុនចូលរៀននៅកម្រិតអនុវិទ្យាល័យ។ ព្រោះថាការប្រឡងថ្នាក់ទី៦ គឺជាគោលនយោបាយថ្មីរបស់ក្រសួងដើម្បីពង្រឹងមូលដ្ឋានគ្រឹះពីក្រោមមក និងវាស់កម្រិតចំណេះដឹងខាងផ្នែកអំណាន
គណិត វិទ្យាសាស្រ្ត និងភាសាបរទេស៕
អត្ថបទ៖ សំអឿន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ