ព័ត៌មានជាតិ
អាជ្ញាធរអំពាវនាវឲ្យប្រជាពលរដ្ឋជិត ២០០ គ្រួសារ ឈប់ជឿមេខ្យល់រឿងកាប់ព្រៃរានយកដី
នៅក្នុងកិច្ចប្រជុំជាមួយប្រជាពលរដ្ឋនៅភូមិឬទ្ធីសែមជ័យ១ នៅឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែងថ្ងៃទី២១ ខែមិថុនា ឆ្នាំ២០២៤នេះ នាយករងខុទ្ទកាល័យរបស់សម្ដេចធិបតីបានអំពាវនាវឱ្យប្រជាពលរដ្ឋប្រមាណជិត២០០គ្រួសារ ឈប់ជឿតាមការញុះញង់រឿងបញ្ហាដីធ្លី ដោយឈប់កាប់ព្រៃ ដុតរានយកដីបន្តទៅទៀត ហើយត្រូវស្តាប់តាមការណែនាំរបស់អាជ្ញាធរមូលដ្ឋាន។
![](https://www.kampucheathmey.com/wp-content/uploads/2024/06/photo_2024-06-20_08-09-15-1024x676.jpg)
លោក ប៉ាន់ខែម ប៊ុនថន នាយករងខុទ្ទកាល័យនាយករដ្ឋមន្ត្រី និងជាប្រធានដឹកនាំក្រុមបេសកកម្ម ចុះដោះស្រាយបញ្ហាដីធ្លីមានប្រសាសន៍ថា៖ កាលពីថ្ងៃម្សិលមិញ មានឮពាក្យចចាមអារ៉ាមច្រើនណាស់ ប្រយ័ត្នគេឱ្យបងប្អូនលើកគ្នាមកប្រមូលផ្ដុំគ្នាហើយទម្លាក់កំហុសមកលើបងប្អូន ព្រោះមានអ្នកខូចនៅក្នុងហ្នឹង នាំគ្នាបង្កើតបញ្ហា ហើយចង់ដុតឡានគេចោល ករណីនេះប្រយ័ត្នបងប្អូនរងគ្រោះដោយសារគេ។
លោកមានប្រសាន៍បន្តថា៖ ចាប់ពីម៉ោងនេះតទៅក្រុមការងារយើង មានកម្លាំងចុះមកធ្វើការងារ ប្រចាំការតទៅមុខទៀត ក្រែងមានជនខូចណាមួយមកជួបបងប្អូនបង្កើតបញ្ហាហើយទម្លាក់កំហុសលើអាជ្ញាធរ ចំណែកអាជ្ញាធរក៏ នឹងចាត់មន្ត្រីជំនាញចុះមកស្រង់ធ្វើអត្តសញ្ញាណកម្មដល់ផ្ទះ មិនបាច់រំខានបងប្អូនមកទេ។
![](https://www.kampucheathmey.com/wp-content/uploads/2024/06/photo_2024-06-20_08-09-14-1024x576.jpg)
លោក សុះអះម៉ាត់ អាយុ៥៥ឆ្នាំមកពីភូមិឃុំពពេល ស្រុកពញាក្រែក ខេត្តត្បូងឃ្មុំបានគាំទ្រយន្តការដោះស្រាយនេះព្រោះវត្តមានថ្នាក់ដឹកនាំគ្រប់លំដាប់ថ្នាក់បានមកដល់ទីតាំងផ្ទាល់បានធ្វើឱ្យប្រជាពលរដ្ឋយើងមានជំនឿទុកចិត្ត និងជឿជាក់ទៅលើការដឹកនាំដ៏ត្រឹមត្រូវរបស់រាជរដ្ឋាភិបាល។
លោក ធួយ ចាន់ មកពីភូមិ ឃុំកោះខ្ញែរ ស្រុកសំបូរខេត្តក្រចេះ តំណាងឱ្យប្រជាពលរដ្ឋមកចូលរួមក្នុងកិច្ចប្រជុំនេះបានបញ្ចាក់ថា៖ បងប្អូនប្រជាពលរដ្ឋប្តេជ្ញាចូលរួមជាមួយអាជ្ញាធរទាំងអស់គ្នា ដើម្បីទទួលយកដំណោះស្រាយត្រឹមត្រូវដើម្បីធ្វើឱ្យការរស់នៅមានដីធ្លីកាន់កាប់ដោយស្របច្បាប់។
![](https://www.kampucheathmey.com/wp-content/uploads/2024/06/photo_2024-06-20_08-09-15-2-1024x576.jpg)
សូមបញ្ចាក់ថា៖ ទីតាំងដែលប្រជាពលរដ្ឋជិត២០០គ្រួសារបានទៅរស់នៅនេះជាទីតាំងដី ស្ថិតនៅចំណុច ឧបសម្ព័ន្ធ ក្នុងភូមិឬទ្ធីសែនជ័យ១ នៅឃុំអូរស្វាយស្រុកបុរីអូស្វាយសែនជ័យដោយមិនមានការទទួលស្គាល់ពីអាជ្ញារភូមិឃុំឡើយ។
ហើយដីដែលបងប្អូនកំពុងរស់នៅនោះជាដីរបស់ក្រសួងកសិកម្មរុក្ខាប្រមាញ់ និងនេសាទដែលមានប្លង់កាន់កាប់ត្រឹមត្រូវចេញដោយមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តស្ទឹងត្រែងចុះថ្ងៃទី០៤ ខែធ្នូ ឆ្នាំ២០១៧៕
អត្ថបទ៖ ងិនលីម
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ