ព័ត៌មានជាតិ
កម្ពុជា និងស្ថានទូតឥណ្ឌា រៀបចំទិវាយោគៈអន្តរជាតិលើកទី១០ នៅព្រលានជល់ដំរីខេត្តសៀមរាប
នៅព្រឹកថ្ងៃទី២១ ខែមិថុនា ឆ្នាំ២០២៤ ក្រសួងទេសចរណ៍កម្ពុជា សហការជាមួយស្ថានទូត នៃសាធារណរដ្ឋឥណ្ឌាប្រចាំនៅព្រះរាជាណាចក្រកម្ពុជា និងស្ថាប័នពាក់ព័ន្ធបានរៀបចំ “ទិវាយោគៈអន្តរជាតិលើកទី១០” ដែលធ្វើឡើងនៅទីលានជល់ដំរី ខេត្តសៀមរាប។

ព្រឹត្តិការណ៍ធ្វើលំហាត់ប្រាណសមាធិ ទាំងផ្លូវកាយ ផ្លូវចិត្ត សម្រួលចលនាសាច់ដុំ និងចលនាសរសៃឈាមសម្រាប់សុខុមាលភាពរាងកាយ និងរួមចំណែកផ្សព្វផ្សាយពីសក្តានុពលទេសចរណ៍សំខាន់ៗនិងវប្បធម៌ដ៏ល្អឯក របស់កម្ពុជាទៅកាន់ទេសចរអន្តរជាតិ ជាពិសេសទេសចរឥណ្ឌា ក៏ដូចជាបង្កើនកិច្ចសហប្រតិបត្តិការកម្ពុជា-ឥណ្ឌាឱ្យកាន់តែរឹងមាំថែមទៀតព្រមទាំងចូលរួមគាំទ្រយុទ្ធនាការផ្សព្វផ្សាយ “ឆ្នាំទេសចរណ៍កម្ពុជា-ឥណ្ឌាលើកទី១២០២៤” និងយុទ្ធនាការ “ទស្សនាសៀមរាប ឆ្នាំ២០២៤” ស្របតាមគំនិតផ្តួចផ្តើមយុទ្ធសាស្ត្រ “បង្កើន៥ និងអភិវឌ្ឍ៣” របស់ក្រសួងទេសចរណ៍។

លោកស្រី Devyani Khobragade ឯកអគ្គរដ្ឋទូតសាធារណរដ្ឋឥណ្ឌាប្រចាំនៅព្រះរាជាណាចក្រកម្ពុជា បានមានប្រសាសន៍ថា សម្រាប់ទិវាយោគៈក្នុងឆ្នាំ២០២៤នេះ រៀបចំឡើង ក្រោមប្រធានបទ “យោគៈសម្រាប់ខ្លួនឯងយោគៈសម្រាប់សង្គមជាតិ”។ លោកស្រីបន្តថា ការជ្រើសរើសប្រធានបទនេះ គឺដោយសារតែយោគៈ ជាផ្នែកសំខាន់មួយក្នុងការផ្សព្វផ្សាយពីសារសន្តិភាពនៅក្នុងសង្គមជាតិរបស់ពួកយើង និងក្នុងពិភពលោកជារួម។ លោកស្រី ឯកអគ្គរដ្ឋទូត លើកឡើងបន្ថែមថា ការហាត់យោគៈ ក្រៅពីផ្ដល់ផលវិជ្ជមាន លើរូបរាងកាយការហាត់យោគៈ ក៏ផ្ដល់ជាអត្ថប្រយោជន៍ សម្រាប់ផ្លូវចិត្តផងដែរ។ លោកស្រីពិតជាសប្បាយចិត្ត នៅពេលដែលប្រជាជនកម្ពុជាកាន់តែច្រើនចាប់ផ្ដើមហ្វឹកហាត់យោគៈ។

ចំណែក លោក ហ៊ុល សីលា អនុរដ្ឋលេខាធិការក្រសួងទេសចរណ៍ បានលើកឡើងដែរថា កន្លងទៅ ក្រសួងទេសចរណ៍ បានសហការជាមួយស្ថានទូតឥណ្ឌាប្រចាំកម្ពុជា រៀបចំទិវាយោគៈអន្តរជាតិចំនួន ៩លើករួចមកហើយនៅតាមគោលដៅទេសចរណ៍សំខាន់ៗរបស់កម្ពុជា។ ការរៀបចំទាំងនេះ បានទាក់ទាញឱ្យមានការចូលរួមជាច្រើនពីសាធារណជន ភ្ញៀវទេចរជាតិ និងអន្តរជាតិផងដែរ។ លោកបន្តថា ការរៀបចំទិវាយោគៈនៅថ្ងៃនេះ ក៏មានសារៈសំខាន់ក្នុងការជំរុញផ្សព្វផ្សាយសក្ដានុពលទេសចរណ៍កម្ពុជា លើកឆាកអន្តរជាតិ ក៏ដូចជាការពង្រឹងកិច្ចសហប្រតិបត្តិការកម្ពុជា-ឥណ្ឌា តាមរយៈការលើកកម្ពស់ទំនាក់ទំនង សង្គម វប្បធម៌ សេដ្ឋកិច្ច រវាងប្រជាជន និងប្រជាជន ព្រមទាំងអបអរសាទរការហោះហើរត្រង់លើកដំបូងរបស់ក្រុមហ៊ុនអាកាសចរណ៍ពីភ្នំពេញ ទៅញូដេលី និងពីញូដេលី មកភ្នំពេញវិញ៕
ដោយ៖ ជុន កុសល

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ