ព័ត៌មានជាតិ
ឥណ្ឌូណេស៊ីគ្រោងទិញក្រុមហ៊ុនផលិតអង្ករ និង រោងម៉ាស៊ិនកិនស្រូវនៅកម្ពុជា ដើម្បីរក្សាសន្តិសុខស្បៀងក្នុងប្រទេសខ្លួន
ក្រុមហ៊ុនរដ្ឋ Bulog របស់ប្រទេសឥណ្ឌូណេស៊ីមានផែនការក្នុងការទិញយកក្រុមហ៊ុននាំចេញអង្ករ និងរោងម៉ាស៊ីនកិនស្រូវនៅកម្ពុជា ដើម្បីធានានូវសន្តិសុខស្បៀងក្នុងស្រុក ខណៈដែរបញ្ហាប្រែប្រួលអាកាសធាតុកំពុងយ៉ាយីខ្លាំងដល់វិស័យកសិកម្មរបស់ខ្លួន។ នេះបើយោងតាមរដ្ឋមន្ត្រីក្រសួងកសិកម្មរបស់ឥណ្ឌូណេស៊ី លោក Andi Amran Sulaiman ។
![](https://www.kampucheathmey.com/wp-content/uploads/2024/06/Rice-3-1024x614.jpg)
សារព័ត៌មានរបស់ឥណ្ឌូនេស៊ី ANTARAបានដកស្រង់សម្តីរបស់លោក Sulaimanថា៖ «មិនមានបញ្ហាអ្វីជាមួយនឹងផែនការរបស់ Bulog នោះទេ។ អ្វីដែលសំខាន់បំផុតនៅពេលនេះ គឺការបង្កើនសក្តានុពលរបស់យើង ដើម្បីជំរុញសេដ្ឋកិច្ចក្នុងស្រុក»។
លោក Sulaiman បានសង្កត់ធ្ងន់ថា ការទិញក្រុមហ៊ុនផលិតណាមួយនោះគួរតែធ្វើឡើងស្របទៅនឹងកិច្ចខិតខំប្រឹងប្រែង ដើម្បីបង្កើនធនធានអាហារក្នុងស្រុក។ ហើយកិច្ចខិតខំប្រឹងប្រែងទាំងនេះរួមមាន ការបង្កើតស្រែថ្មី បង្កើនប្រសិទ្ធភាពដីដែលមានស្រាប់ និងការពង្រឹងប្រព័ន្ធស្រោចទឹក។
លោកបានបន្ថែមថា៖ «ប្រទេសឥណ្ឌូណេស៊ីធ្លាប់បានសម្រេចបានភាពគ្រប់គ្រាន់ដោយខ្លួនឯងលើស្តុកអង្ករដោយគ្មានការនាំចូល។ ទោះបីជាមានការនាំចូលបច្ចុប្បន្នក៏ដោយ តួលេខនេះមិនលើសពី ១០ ភាគរយនោះទេ»។
កាលពីថ្ងៃទី ១២ ខែមិថុនា នាយកប្រតិបត្តិ Bulog លោក Bayu Krisnamurthi មានប្រសាសន៍ថា ក្រុមហ៊ុនរបស់លោកបានត្រៀមខ្លួនរួចជាស្រេចដើម្បីអនុវត្តតាមការណែនាំរបស់រដ្ឋាភិបាល ដើម្បីស្វែងរកសក្តានុពលកិច្ចសហប្រតិបត្តិការជាមួយភាគីផ្សេងៗ ជាពិសេសជាមួយប្រទេសកម្ពុជាលើវិស័យសេដ្ឋកិច្ច និងការវិនិយោគលើម្ហូបអាហារ។
លោកបានបន្ថែមថា Bulog បានសហការជាមួយប្រទេសកម្ពុជារួចហើយតាមរយៈគម្រោអាជីវកម្មទៅអាជីវកម្ម(B2B) និងរដ្ឋាភិបាលទៅរដ្ឋាភិបាល (G2G)ក្នុងឆ្នាំ ២០២៣ និងដើមឆ្នាំ ២០២៤។
![](https://www.kampucheathmey.com/wp-content/uploads/2024/06/Song-Saran-1024x614.jpg)
លោក សុង សារ៉ន ប្រធាននាយកប្រតិបត្តិនៃក្រុមហ៊ុននាំចេញអង្ករនិងរោងម៉ាស៊ិនកិនស្រុកឈានមុខគេមួយនៅកម្ពុជាបានថ្លែងប្រាប់កម្ពុជាថ្មីនៅថ្ងៃនេះថាឧស្សាហកម្មអង្ករកម្ពុជាមានការប្រកួតប្រជែងកាន់តែច្រើន និងសម្បូរទៅដោយស្រូវដែលអាចកែច្នៃ និងនាំចេញផលិតផលសម្រេចបាន។
លោកថាវិនិយោគិនបរទេសមានលទ្ធភាពក្នុងការវិនិយោគ ប្រសិនបើពួកគេកំពុងស្វែងរកការរក្សាបាននូវសន្តិសុខស្បៀង។ លោកថាក្នុងរយៈពេល១០ឆ្នាំចុងក្រោយនេះវិស័យនេះបានទាក់ទាញវិនិយោគិនបរទេសមួយចំនួនដែលភាគច្រើនមកពីសហភាពអឺរ៉ុប និងសិង្ហបុរី។
លោកថា៖«ការវិនិយោគកាន់តែច្រើនលើការកែច្នៃ និងនាំការចេញអង្ករ នឹងផ្តល់អត្ថប្រយោជន៍កាន់តែច្រើនដល់កសិករ និងអ្នកប្រើប្រាស់ និងរួមចំណែកដល់សន្តិសុខស្បៀងក្នុងតំបន់ និងឆាកអន្តរជាតិ ជាពិសេសនាំមកនូវបច្ចេកវិទ្យាស្បៀងអាហារបន្ថែមទៀត ដើម្បីកែលម្អកសិកម្ម និងកែច្នៃផលិតផលបន្ថែមតម្លៃដល់កម្ពុជាផងដែរ»។
![](https://www.kampucheathmey.com/wp-content/uploads/2024/06/Chhay-Bora-1024x614.jpg)
លោក ឆាយ បូរ៉ា ជាអ្នកជំនាញកិច្ចការទំនាក់ទំនងវិស័យឯកជនជាមួយរដ្ឋាភិបាល និងគោលនយោបាយសាធារណៈ និងក្នុងនាមជានាយកគ្រប់គ្រងក្រុមហ៊ុនប្រឹក្សាយុទ្ធសាស្ត្រ BowerGroupAsia (BGA) នៅកម្ពុជា លោកជួយក្រុមហ៊ុនចម្រុះជាតិសាសន៍ក្នុងការគ្រប់គ្រងហានិភ័យ និងចាប់យកឱកាសអាជីវកម្មនិងការវិនិយោគនៅកម្ពុជា។ លោកបានលើកឡើងថាទិន្នន័យទាក់ទងនឹងការទិញយកពីបរទេសរបស់ក្រុមហ៊ុនអង្ករកម្ពុជាមានកម្រិតតិចតួចនៅឡើយ ប៉ុន្តែលោកមើលឃើញពីការចូលរួមគួរឱ្យកត់សម្គាល់ពីអ្នកវិនិយោគចិន ខណៈដែរប្រទេសឥណ្ឌូណេស៊ីក៏បានចាប់អារម្មណ៍លើឧស្សាហកម្មអង្កររបស់កម្ពុជាផងដែរ។
លោកបានថ្លែងថា៖«ទោះបីជាព័ត៌មានលម្អិតអំពីការទិញយករបស់ក្រុមហ៊ុនបរទេសលើវិស័យស្រូវអង្ករនៅកម្ពុជានៅមានចំនួនតិចតួចក្តី ប៉ុន្តែការវិនិយោគបរទេសលើវិស័យនេះចូលរួមចំណែកដល់ការពង្រីក និងការធ្វើទំនើបកម្មនៃឧស្សាហកម្មនេះដែលយើងគ្រប់គ្នាមិនអាចប្រកែកបាន»។
លោកបានគូសបញ្ជាក់ទៀតថា៖«ផែនការទិញយកពីក្រុមហ៊ុនបរទេសមកលើវិស័យនេះយើងគិតថាវានឹងមិនប៉ះពាល់ខ្លាំងដល់ការផ្គត់ផ្គង់ និងពាណិជ្ជកម្មអង្កររបស់កម្ពុជានៅពេលអនាគតទេ។ ផ្ទុយទៅវិញ ផែនការទាំងនេះអាចជួយធ្វើពិពិធកម្ម និងធ្វើទំនើបកម្មឧស្សាហកម្មអង្ករកម្ពុជា ដែលជួយធ្វើឱ្យការផលិតភាពខ្ពស់ ការបង្កើនផលិតកម្មអង្ករដែលមានគុណភាពខ្ពស់ និងបង្កើនការប្រកួតប្រជែងផងដែរ។ ដោយសារភាពសម្បូរបែបនៃដំណាំស្រូវ កម្ពុជានៅតែជាគោលដៅទាក់ទាញសម្រាប់អ្នកវិនិយោគបរទេសដែលចង់បង្កើតប្រតិបត្តិការអង្ករសម្រាប់ការនាំចេញទៅទីផ្សារតំបន់ និង អន្តរជាតិ »។
![](https://www.kampucheathmey.com/wp-content/uploads/2024/06/Rice-1-3.jpg)
កម្ពុជារកចំណូលបានចំនួនជាង៨៦៣,៣៩ លានដុល្លាលានដុល្លារពីការនាំចេញស្រូវនិង អង្ករទៅកាន់ទីផ្សារអន្តរជាតិក្នុងរយៈពេល៤ខែដើមឆ្នាំនេះ។ នេះបើយោងតាមរបាយការណ៍របស់សហព័ន្ធស្រូវអង្ករកម្ពុជា(CRF)។
ក្នុងនោះកម្ពុជាបាននាំចេញអង្ករជាង ២៤៨,០០០ តោនក្នុងរយៈពេល ៤ ខែដំបូងនៃឆ្នាំ ២០២៤ ដោយទទួលបានប្រាក់ចំណូលសរុបចំនួន ១៧០ លានដុល្លារអាមេរិក។ ជាមួយគ្នានេះដែរ កម្ពុជាក៏បានធ្វើការនាំចេញស្រូវជាង ២,៤ លានតោន ឬស្មើនឹង ៦៩៣,៣៩ លានដុល្លារ (ចំនួន៧២%ឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសម្ថកិច្ច)។ សម្រាប់ការនាំចេញអង្ករគឺទៅកាន់ប្រទេស និងតំបន់ចំនួន ៦០ ក្នុងនោះប្រទេសចិននៅតែជាអ្នកទិញដ៏សំខាន់ជាងគេ បន្ទាប់មកគឺនាំទីផ្សារអឺរ៉ុប និង ទីផ្សារ៧ក្នុងតំបន់អាស៊ាន៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ