Connect with us

ព័ត៌មានជាតិ

នាយិកាអង្គការអុកស្វាម ថា រដ្ឋាភិបាលកម្ពុជាបានធានាយ៉ាងពេញលេញកម្មវិធីគាំពារសង្គមដល់កម្មករនិយោជិត

បានផុស

នៅ

រាជរដ្ឋាភិបាលកម្ពុជា បានធានាយ៉ាងពេញលេញចំពោះប្រជាជនកម្ពុជាក្នុងការទទួលបានកម្មវិធីគាំពារសង្គម ជាពិសេសកម្មវិធីគាំពារសង្គមសម្រាប់កម្មករនិយោជិតក្នុងវិស័យការងារ ពិសេសវិស័យវាយនភ័ណ្ឌកាត់ដេរនៅកម្ពុជា។ នេះជាការលើកឡើងរបស់នាយិកាអង្គការអុកស្វាម លោកស្រី ភាណ សោភ័ណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ភាណ សោភ័ណ នាយិកាអង្គការអុកស្វាម ចាត់ទុកថា កិច្ចគាំពារសង្គមនៅក្នុងប្រទេសកម្ពុជា ជាសសរស្តម្ភស្នូលមួយនៃការងារសមរម្យ ដែលបានរួមបញ្ចូលនូវគោលនយោបាយ និងកម្មវិធីជាតិសំខាន់ៗជាច្រើន ក្នុងន័យដើម្បីកាត់បន្ថយភាពក្រីក្រ និងភាពងាយរងគ្រោះក្នុងចំណោមប្រជាជនកម្ពុជា។ តាមការគូសបញ្ជាក់របស់លោកស្រីនាយិកាអង្គការអុកស្វាម កិច្ចគាំពារសង្គមដែលដាក់ចេញដោយរាជរដ្ឋាភិបាល គឺស្របទៅតាមរដ្ឋធម្មនុញ្ញកម្ពុជា ដែលចែងថា ប្រជាពលរដ្ឋគ្រប់រូប ទទួលបានការគាំពារសង្គម សុវត្ថិភាព និងអត្ថប្រយោជន៍ផ្សេងៗទៀត តាមប្រព័ន្ធសន្តិសុខសង្គមសម្រាប់កម្មករនិយោជិត និងប្រជាពលរដ្ឋ។

ជាការកត់សម្គាល់របស់លោកស្រី ភាណ សោភ័ណ ពាក់ព័ន្ធនឹងអត្ថប្រយោជន៍ដែលកម្មករនិយោជិតទទួលបានពីកម្មវិធីគាំពារសង្គម  នាពេលបច្ចុប្បន្នជាអាទិ៍ ៖ ការថែទាំសុខភាពដោយឥតគិតថ្លៃ ប្រព័ន្ធហានិភ័យការងារ របបប្រាក់សោធន គម្រោងធានារ៉ាប់រងសុខភាពសាធារណៈជាសកល អត្ថប្រយោជន៍មាតុភាព កម្មវិធីផ្ទេរសាច់ប្រាក់សម្រាប់ក្រុមគ្រួសារងាយរងគ្រោះ ជាដើម។ អត្ថប្រយោជន៍ទាំងអស់នេះ បានធានាយ៉ាងគត់មុតសម្រាប់សុខមាលភាព សន្តិសុខប្រាក់ចំណូល និងភាពធនរបស់កម្មករនិយោជិត។ 

លោកស្រីនាយិកាអង្គការអុកស្វាម ក៏បានគូសបញ្ជាក់ពីការចូលរួមរបស់អង្គការអុកស្វាម និងអង្គការដៃគូ ដែលបានបន្តធ្វើការជាមួយរាជរដ្ឋាភិបាលកម្ពុជាយ៉ាងសកម្ម តាមរយៈក្រុមប្រឹក្សាជាតិគាំពារសង្គម និងបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ និងក្រសួងពាក់ព័ន្ធផ្សេងទៀត ដើម្បីកសាង និងពង្រឹងប្រព័ន្ធគាំពារសង្គមសម្រាប់ទាំងអស់គ្នាកម្ពុជា។ នាយិកាអង្គការរូបនេះ ថា តាមរយៈការដាក់ឱ្យអនុវត្តគំនិតផ្តួចផ្តើមកន្លងមក ភាគីពាក់ព័ន្ធ រំពឹងថា នឹងជួយកម្ពុជាឱ្យកាន់តែខិតទៅជិតការសម្រេចបាននូវគោលដៅអភិវឌ្ឍប្រកបដោយចីរភាព ដូចជា លុបបំបាត់ភាពក្រីក្រ ការមានសុខភាព និងសុខុមាលភាពល្អ សមភាពយេនឌ័រ ការងារសមរម្យ និងកំណើនសេដ្ឋកិច្ច។

លោកស្រី បន្តថា គំនិតផ្តួចផ្តើមទាំងនេះ ក៏បានដើរទន្ទឹមគ្នាជាមួយនឹងយុទ្ធសាស្ត្រអភិវឌ្ឍន៍ និងគោលនយោបាយចម្បងរបស់រដ្ឋាភិបាលឆ្នាំ២០២៣-២០២៨ ជាពិសេសយុទ្ធសាស្ត្របញ្ចកោណ ដែលបានយកចិត្តទុកដាក់យ៉ាងខ្លាំងលើការពង្រឹងប្រព័ន្ធគាំពារសង្គម និងការសម្រេចឱ្យបាននូវការគ្រប់ដណ្តប់ការថែទាំសុខភាពជាសកលនៅកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ក្រសួងការងារ និងបណ្តុះបណ្តាលវិជ្ជាជីវៈរៀបចំសិក្ខាសាលាត្រីភាគីស្តីពី “បច្ចុប្បន្នភាពនីតិវិធីនៃការដោះស្រាយវិវាទការងារ”

ព័ត៌មានជាតិ៣ ម៉ោង មុន

វិទ្យាស្ថាន NPIC, Global Together និងវិទ្យាស្ថាន KOPO ចុះMoUរួមគ្នា ដើម្បី​ពង្រឹង​ការ​អប់រំ​បណ្តុះបណ្តាល​បច្ចេកទេស និងវិជ្ជាជីវៈនៅកម្ពុជា

ព័ត៌មានជាតិ៤ ម៉ោង មុន

លោក សូ ណារ៉ូ ថាបទពិសោធន៍ហ្វីលីពីនអាចជួយដល់ការបណ្ដុះបណ្ដាលពលករជំនាញកម្ពុជា

លីម តិចម៉េង
ជីវិតកម្សាន្ដ៨ ម៉ោង មុន

ព្រោះទេពកោសល្យច្រៀង! លីម តិចម៉េង ត្រូវអ្នកគាំទ្រជំរុញបន្ថែមរសជាតិសិល្បៈមួយទៀត ជាមួយចម្រៀងរ៉េប Hip Hop

ព័ត៌មានជាតិ៩ ម៉ោង មុន

ជំនួបជាមួយសម្ដេចធិបតី, ប្រធានរដ្ឋសភាហ្វីលីពីន សរសើរពីការរីកចម្រើនយ៉ាងឆាប់រហ័សរបស់កម្ពុជា

ព័ត៌មានអន្ដរជាតិ១៧ ម៉ោង មុន

អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត 

ព័ត៌មានអន្ដរជាតិ១៤ ម៉ោង មុន

មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅ​ហ្គាតេម៉ាឡា

ព័ត៌មានអន្ដរជាតិ១១ ម៉ោង មុន

ត្រាំ ទារឲ្យអ៊ុយក្រែន សងប្រាក់ ៥០០ពាន់លានដុល្លារ មកវិញ

ព័ត៌មានអន្ដរជាតិ១៧ ម៉ោង មុន

ត្រាំ គំរាម​ហាម៉ាស​ឲ្យ​ដោះលែង​ចំណាប់ខ្មាំង​ទាំង​អស់​ត្រឹម​ថ្ងៃ​សៅរ៍ បើ​មិន​ដូច្នោះ​លុប​បទ​ឈប់បាញ់ រួច​វាយ​កម្ទេច​ក្រុម​នេះ​តែ​ម្ដង

ព័ត៌មានអន្ដរជាតិ១១ ម៉ោង មុន

ស្លាប់៤នាក់ និងបាត់ខ្លួន៣នាក់​ក្នុង​ហេតុការណ៍​ក្រឡាប់ទូក​ដោយសារខ្យល់​​​ខ្លាំង​និងរលក​ធំ​ៗ​​នៅ​​ឥណ្ឌូណេស៊ី

Sokha Hotels

ព័ត៌មានពេញនិយម