ព័ត៌មានជាតិ
សស់ជាង ១សប្តាហ៍ទៀតប៉ុណ្ណោះ សម្រាប់ការដាក់ស្នាដៃប្រកួតពានរង្វាន់ព្រះនាងឥន្ទ្រទេវី ឆ្នាំ២០២៤
គិតមកដល់ពេលនេះ ការប្រកាសបើកទទួលស្នាដៃតែងនិពន្ធ ប្រលងពានរង្វាន់ព្រះនាងឥន្ទ្រទេវី ឆ្នាំ២០២៤ របស់ ក្រសួងវប្បធម៌ និងវិចិត្រសិល្បៈ លើផ្នែកប្រលោមលោកខ្នាតខ្លី និងកំណាព្យរឿង មានរយៈច្រើនខែមកហើយ ដែលក៏នឹងត្រៀមបិទទទួលស្នាដៃបេក្ខជនចូលរួម នាថ្ងៃទី៣០ ខែមិថុនា ឆ្នាំ២០២៤ ខាងមុខនេះហើយដែរ។
គួរជម្រាបថា ជារៀងរាល់ឆ្នាំ ក្រសួងវប្បធម៌ និងវិចិត្រសិល្បៈ តែងបើកទទួលស្នាដៃតែងនិពន្ធ ដែលជាឱកាសសម្រាប់សាធារណជនទូទៅ មិនចំពោះតែអ្នកនិពន្ធអាជីពឡើយ ដោយអាចចូលរួមដាក់ស្នាដៃតែងនិពន្ធរបស់ខ្លួន ក្នុងគោលបំណងថែរក្សា លើកតម្កើង និងជំរុញអក្សរសិល្ប៍អក្សរសាស្ត្រជាតិឱ្យកាន់តែប្រសើរឡើង។

មិនខុសពីឆ្នាំកន្លង ពានរង្វាន់ព្រះនាងឥន្ទ្រទេវី ឆ្នាំនេះ គឺលើផ្នែកប្រលោមលោកខ្នាតខ្លី និងកំណាព្យរឿង ប្រធានបទសេរី ចាប់ពី ១៥-៣០ ទំព័រ A4 និងគ្រាន់តែគោរពទៅតាមលក្ខខណ្ឌដូចខាងក្រោម៖
ស្នាដៃចូលរួម ត្រូវតែមានលក្ខណវិនិច្ឆ័យ
១. អត្ថន័យ : សច្ចធម៌ សីលធម៌ និង គុណធម៌
២. អត្ថរូប : វិធីតែង រចនាបថ សិល្ប៍សោភ័ណ
៣. អត្ថរស : ការអប់រំ ការអភិវឌ្ឍន និងការរក្សាតម្លៃអត្ថសញ្ញាណ
ចំពោះបេក្ខជនម្នាក់អាចដាក់បាន ២ស្នាដៃប៉ុណ្ណោះ គឺតម្រូវឱ្យមួយជាប្រលោមលោកខ្នាតខ្លី និងមួយជាកំណាព្យរឿង។ ឯការទទួលស្នាដៃ គឺបន្តរហូតដល់ថ្ងៃទី៣០ មិថុនា ឆ្នាំ២០២៤ វេលាម៉ោង ៥ជាកំហិត។
សម្រាប់ព័ត៌មានលម្អិតទាក់ទងនឹងការដាក់ស្នាដៃ អាចទំនាក់ទំនងជាមួយ នាយកដ្ឋានសៀវភៅ និងការអាន អគារលេខ៤៤ ផ្លូវសម្តេចប៉ាន សង្កាត់បឹងរាំង ខណ្ឌដូនពេញ រាជធានីភ្នំពេញ ឬលេខទូរសព្ទ ០១២ ៨០១ ១២២ / ០៧៨ ៦៦៨ ៩៧៧ / ០១១ ៨៥០ ០៩៤ ៕

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ