ព័ត៌មានជាតិ
កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ
អាជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី២២ ខែមិថុនា ឆ្នាំ ២០២៤ នេះ បានរៀបចំព្រិត្តិការណ៍ប្រគំតន្ត្រីដ៏អស្ចារ្យ ដើម្បីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន» ដើម្បីជំរុញការលើកកម្ពស់អប់រំ ស្តីពីបញ្ហាគ្រឿងញៀន និងចូលរួមទប់ស្កាត់។
![](https://www.kampucheathmey.com/wp-content/uploads/2024/06/448735035_809033571333863_7955222787398297423_n-1024x768.jpg)
ព្រឹត្តិការណ៍នេះ រៀបចំដោយអាជ្ញាធរជាតិប្រយុទ្ធប្រឆាំងគ្រឿងញៀន សហការជាមួយក្រសួងប្រៃសណីយ៍និងទូរគមនាគមន៍ ក្រសួងព័ត៌មាន ក្រសួងការពារជាតិ រដ្ឋបាលរាជធានីភ្នំពេញ ស្ថាប័នពាក់ព័ន្ធ និងសមាគមសិល្បករខ្មែរ ដោយមានការចូលរួមសម្តែងពីកំពូលតារាចម្រៀងប្រុស-ស្រី ពិធីករ-ពិធីការិនី និង Dj ល្បីៗ ប្រចាំព្រះរាជាណាចក្រកម្ពុជា។
![](https://www.kampucheathmey.com/wp-content/uploads/2024/06/421195088_766489442175052_3035214199872440003_n-1024x682.jpg)
ក្រៅពីការប្រគំតន្រ្តីដ៏អស្ចារ្យ បងប្អូនអាចចូលរួមទស្សនាស្តង់ពិព័រណ៍ និងកម្មវិធីល្បងប្រាជ្ញាផ្សេងៗ ដើម្បីទទួលបានរង្វាន់អនុស្សាវរីយជាច្រើន និងអាចទាញយកកម្មវិធីទូរសព្ទApp NoDrug ដែលជាកម្មវិធីផ្តល់ព័ត៌មានពាក់ព័ន្ធគ្រឿងញៀន ហើយពលរដ្ឋអាចរាយការណ៍ទៅកាន់សមត្ថកិច្ចនៅពេលជួបប្រទះការជួញដូរគ្រឿងញឿន។ ព្រឹត្តិការណ៍នេះ នឹងរៀបចំឡើងនៅវេលាម៉ោង ៦ ល្ងាច ដល់ ៩:៣០ យប់ នៅមុខសាលមហោស្រពកោះពេជ្រ (រាជធានីភ្នំពេញ)។
ឧបនាយករដ្ឋមន្រ្តី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀនលោក នេត សាវឿន កាលពីល្ងាចថ្ងៃទី២១ បានចុះពិនិត្យទីតាំង និងលើកទឹកដល់អ្នកចូលរួមតាំងពិព័រណ៌ឱ្យប្រឹងប្រែងផ្សព្វផ្សាយបញ្ហាគ្រឿងញៀនទៅកាន់សាធារណជន។
![](https://www.kampucheathmey.com/wp-content/uploads/2024/06/448778644_809033378000549_5954651587191556813_n-1024x608.jpg)
ក្នុងឱកាសប្រារព្វ “ទិវាអន្តរជាតិប្រយុទ្ធប្រឆាំងគ្រឿងញៀន” (២៦ មិថុនា) ឆ្នាំ ២០២៤ សម្តេចនាយករដ្ឋមន្រ្តី ហ៊ុន ម៉ាណែត បានចេញសារលិខិត ដោយបានប្តេជ្ញាចិត្ត និងបង្ហាញពីឆន្ទៈដ៏មោះមុតបំផុត ដោយតម្កល់ការងារប្រយុទ្ធប្រឆាំងគ្រឿងញៀនជាអាទិភាពខ្ពស់របស់រាជរដ្ឋាភិបាលនីតិកាលទី ៧ ដើម្បីឈានទៅសម្រេចទស្សនវិស័យច្បាស់លាស់លក្នុងការកសាងកម្ពុជា ទៅជាប្រទេសមួយដែលគ្រឿងញៀនលែងជាឧបសគ្គ និងបញ្ហារបស់សង្គមជាតិ។
សូមជម្រាបថា ការរៀបចំព្រឹត្តិការណ៍នេះ ក្នុងនាមកម្ពុជាជាហត្ថលេខីនៃអនុសញ្ញា និងពិធីសារនានា នៅលើឆាកអន្តរជាតិ ព្រមទាំងការចូលរួមទប់ស្កាត់គ្រឿងញៀនផងដែរ៕
អត្ថបទ៖ ឡាយ សាមាន
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ