ព័ត៌មានជាតិ
តំបន់ទឹកស្ទឹង ដែលរីងហួតហែងនៅប៉ែកខាងក្រោម ចាប់ផ្ដើមមានទឹកហូរកាត់រឹមៗហើយ
គិតមកទល់នឹងថ្ងៃនេះទឹកស្ទឹងសង្កែ ដែលរីងហួតហែងនៅប៉ែកខាងក្រោម ជិតដៃទន្លេសាប គឺមានរយៈពេលជិត ១ខែ មកហើយ ដែលប្រជាពលរដ្ឋកំពុងដង្ហោយហៅរកទឹក ព្រោះបច្ចុប្បន្នពលរដ្ឋកំពុងថ្ងួចថ្ងូរយ៉ាងខ្លាំង អំពីបញ្ហានេះម្យ៉ាងទៀតទឹកភ្លៀងក៏មិនបង្អុរមកដែរ។ ប៉ុន្តែទើបតែនៅរសៀលថ្ងៃទី២១ ខែមិថុនា ម្សិលមិញនេះ គេបានឃើញទឹកស្ទឹងបានចាប់ផ្ដើមហូររឹមៗកាត់ដានកង់រទេះដែលកន្លងមកធ្លាប់តែរីងហួតហែង។
![](https://www.kampucheathmey.com/wp-content/uploads/2024/06/image-1217-1024x771.png)
ប្រជាពលរដ្ឋរស់នៅឃុំព្រែកហ្លួង និងឃុំព្រៃចាស់ ស្រុកឯកភ្នំ ខេត្តបាត់ដំបង បានរៀបរាប់ថា ការដាច់ទឹកនៅក្នុងស្ទឹងសង្កែនេះ គឺតាំងពីអំឡុងចុងខែឧសភា មកទល់នឹងពេលនេះបើគិតពីរយៈពេលប្រមាណ ១ ខែមកហើយ ដែលប្រជាពលរដ្ឋគ្មានទឹកប្រើប្រាស់។ ប្រជាពលរដ្ឋបានបន្តថា តំបន់ដែលទឹកដាច់ដោយអន្លើនេះ គឺដូចជានៅចំណុចអូរបាក់រទេះ អូតាភី បឹងខ្យង អូរតាសុខ និងក្រាំងងៀតជាដើម ដែលចំណុចទាំងនេះស្ថិតក្នុងឃុំព្រែកហ្លួង រហូតទៅដល់ភូមិបាក់ព្រា ដែលស្ថិតក្នុងឃុំព្រៃចាស់ និងនៅជាប់ដៃទន្លេសាបតែម្ដង។
ពួកគាត់បានសង្កត់ធ្ងន់ថា កន្លងមកនៅក្នុងបាតស្ទឹង គឺមានកន្លែងខ្លះដែលមានអន្លង់ជ្រៅអាចបន្សល់ទឹកបន្តិចបន្តួចសម្រាប់ប្រជាពលរដ្ឋដួសយកទៅងូត ដោយឡែកសម្រាប់ទឹកប្រើប្រាស់ដូចជាដាំស្លជាដើមត្រូវទិញទឹកសុទ្ធប៊ីដុងធំ យកមកប្រើរាល់ថ្ងៃ ដោយសារតែតំបន់ខាងលើនេះមិនទាន់មានស្ថានីយ៍ផលិតទឹកស្អាតឯកជនណាមួយបង្កើតឡើងនៅឡើយទេ ព្រោះរៀងរាល់ឆ្នាំក៏មិនដែលដាច់ទឹកយ៉ាងដូច្នេះដែរ។ នេះក៏ដោយសារតែតំបន់ខាងលើនេះទំហំដងស្ទឹងសង្កែមានការរួមតូច និងរាក់ដោយសារដីល្បាប់។
![](https://www.kampucheathmey.com/wp-content/uploads/2024/06/image-1212-1024x569.png)
ដោយឡែក កាលពីរសៀលថ្ងៃទី ២១ ខែមិថុនា ឆ្នាំ២០២៤ កន្លងទៅនេះ ប្រជាពលរដ្ឋបានសង្កេតឃើញថាទឹកស្ទឹងសង្កែចាប់ផ្ដើមមានទឹកហូររឹមៗដែលមានកម្ពស់ទឹកជាងមួយចំអាមប៉ុណ្ណោះ ដែលពួកគាត់គិតថាអាចមានការបើកទឹកពីទំនប់ស្ទាក់ទឹកសាលាតាអន ប៉ុន្តែការបើកទ្វារទឹកនេះបើមានការឆាប់បិទទៅវិញ ទឹកក៏មិនអាចហូរផ្គត់ផ្គង់ទៅដល់តំបន់ជិតដៃទន្លេបានឡើយ។ ព្រោះនៅម្សិលមិញនេះគេឃើញទឹកទើបតែមានកម្ពស់ប្រមាណពីរតឹកប៉ុណ្ណោះ ដូច្នេះទឹកមិនអាចហូរឡើងទីទួលដែលនៅចំណុចក្របីឆ្លងនោះបានឡើយ លុះត្រាតែទ្វារទឹកសាលាតាអនត្រូវបើកបន្តរហូតទើបទឹកអាចបញ្ជូនទៅដល់ប្រជាពលរដ្ឋដែលនៅឯដៃទន្លេសាបបាន។ បើទោះជាយ៉ាងនេះក្តី ក៏ប្រជាពលរដ្ឋជាច្រើនមានចិត្តសប្បាយរីករាយដែលបានដងទឹកទាំងនេះយកទៅប្រើប្រាស់ ព្រោះប្រមាណជាមួយខែមកហើយដែលពួកគាត់មានការលំបាកទៅលើកង្វះខាតទឹកនេះយ៉ាងខ្លាំង។
យ៉ាងណាមិញ បើទោះបីជាទ្វារស្ទាក់ទឹកទំនប់សាលាតាអន ត្រូវបានបង្ហើបឱ្យមានចរន្តទឹកហូរតិចៗទៅក្រោមក៏ដោយ ក្រុមការងារក៏បានព្យាយាមទាក់ទងតាមរយៈទូរសព្ទជាច្រើនដងទៅលោក ឡុង ផលគុណ ប្រធានមន្ទីរធនធានទឹក និងឧតុនិយមខេត្តបាត់ដំបង ដើម្បីចង់ដឹងអំពីចំណាត់ការ ប៉ុន្តែលោកមិនទទួលខ្សែទូរសព្ទទាល់តែសោះ៕
អត្ថបទ៖ សោ និយមរ័ត្ន
![](https://www.kampucheathmey.com/wp-content/uploads/2024/06/image-1218-1024x701.png)
![](https://www.kampucheathmey.com/wp-content/uploads/2024/06/image-1220-1024x771.png)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ