ព័ត៌មានជាតិ
សម្ដេច ស ខេង ថា រដ្ឋាភិបាលថ្មីផ្តោតអាទិភាពលើការពង្រឹងគុណភាពអប់រំ ដើម្បីកសាងធនធានមនុស្ស
ការវិនិយោគលើវិស័យអប់រំ បានចូលរួមចំណែកដ៏សំខាន់ក្នុងដំណើរការនៃការកសាងធនធានមនុស្ស។ ក្នុងស្មារតីនេះ រាជរដ្ឋាភិបាលបន្តវេន ដឹកនាំដោយសម្ដេចធិបតី ហ៊ុន ម៉ាណែត បានផ្តោតជាអាទិភាពទៅលើការពង្រឹងគុណភាពអប់រំ ដើម្បីកសាងធនធានមនុស្ស។

នេះជាការលើកឡើងរបស់សម្ដេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រនៃកម្ពុជា ក្នុងពិធីសម្ពោធដាក់ឱ្យប្រើប្រាស់នូវអគារសិក្សា ក្នុងសាលាវិទ្យាល័យ ហ៊ុន សែន ពានរោង ស្ថិតនៅភូមិព្រៃជ្រាំង ឃុំពានរោង ស្រុកស្វាយអន្ទរ ខេត្តព្រៃវែង កាលពីថ្ងៃទី២២ ខែមិថុនា ឆ្នាំ២០២៤។
សម្តេចក្រឡាហោម បានសង្កត់ធ្ងន់ពីសារៈសំខាន់នៃការវិនិយោគលើវិស័យអប់រំ ខណៈដែលវិស័យមួយនេះ បានដើរតួនាទីយ៉ាងសំខាន់ក្នុងដំណើរការនៃការកសាងធនធានមនុស្សសម្រាប់ជាមូលដ្ឋានគ្រឹះនៃការអភិវឌ្ឍសេដ្ឋកិច្ច-សង្គមលើគ្រប់វិស័យ។ សម្ដេចក្រឡាហោម បញ្ជាក់ថា ក្នុងស្មារតីនេះ រាជរដ្ឋាភិបាល នីតិកាលទី៧ បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដោយផ្តោតអាទិភាពទៅលើការពង្រឹងគុណភាពអប់រំ បន្តកែទម្រង់សាលារៀនដោយផ្តោតលើការពង្រឹងសមិទ្ធផលដែលមានស្រាប់ ពង្រឹងគុណភាពនៃការបណ្តុះបណ្តាលគ្រូបង្រៀន បន្តលើកកម្ពស់ជីវភាព និងគុណតម្លៃបុគ្គលិកសិក្សាគ្រប់កម្រិត បន្តលើកកម្ពស់ការអប់រំតាមបែបឌីជីថល ការលើកកម្ពស់សុខភាពការសិក្សា និងការបង្កើនអាហារូបករណ៍សម្រាប់សិស្សនិស្សិតក្រីក្រ និងងាយរងគ្រោះ ព្រមទាំងការលើកកម្ពស់វិស័យកីឡាភ្ជាប់នឹងការអប់រំផងដែរ។

សម្តេចក្រឡាហោម ស ខេង បានគូសបញ្ជាក់បន្ដថា ការដាក់ចេញនូវគោលនយោបាយ និងវិធានការគន្លឹះទាំងនេះ គឺមានគោលដៅធ្វើឱ្យសាលារៀនក្លាយទៅជាអង្គភាពសេវាសាធារណៈ ដែលមានប្រសិទ្ធភាពខ្ពស់ អភិបាលកិច្ចល្អ និងមានគណនេយ្យភាពជាមួយនឹងប្រជាជន និងសហគមន៍។ ដូច្នេះ សាលារៀត្រូវតែអនុវត្តតួនាទីប្រកបដោយការទទួលខុសត្រូវខ្ពស់ ពិសេសលើការបង្រៀន និងរៀន ដែលនឹងនាំទៅរកភាពវិជ្ជមាននៃលទ្ធផលសិក្សារបស់សិស្សានុសិស្ស៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ