ព័ត៌មានជាតិ
រដ្ឋបាលខេត្តកោះកុង ប្រាប់ដល់ប្រជានេសាទ បង្កើនការប្រុងប្រយ័ត្នពីឥទ្ធិពលព្យុះភ្លៀង
រដ្ឋបាលខេត្តកោះកុង បានជូនដំណឹងពីស្ថានភាពធាតុអាកាសអំឡុងរដូវវស្សានេះ ដោយប្រាប់ដល់ប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ចំពោះឥទ្ធិពលព្យុះភ្លៀងនៅពេលនេះ។
![](https://www.kampucheathmey.com/wp-content/uploads/2024/06/photo_2024-06-23_15-40-13-1024x713.jpg)
រដ្ឋបាលខេត្តកោះកុង នៅថ្ងៃទី២៣ មិថុនា តាមរយៈលិខិតជូនដំណឹងរបស់ខ្លួន បានលើកឡើងថា ដើម្បីធានាបាននូវសុវត្ថិភាពខ្ពស់ពីហានិភ័យនានាដែលបង្កឡើងដោយគ្រោះថ្នាក់ធម្មជាតិស្របពេលមានភ្លៀង ខ្យល់ រលកខ្ពស់លើផ្ទៃសមុទ្រ និងផ្គររន្ទះ អាជ្ញាធរបានក្រើនរលឹកឱ្យមានការប្រុងប្រយ័ត្នកុំចេញទៅនេសាទទាំងប្រថុយប្រថាន។
![](https://www.kampucheathmey.com/wp-content/uploads/2024/06/photo_2024-06-23_13-04-22-1024x768.jpg)
អាជ្ញាធរខេត្ត ស្នើឱ្យសាធារណជនបន្តតាមដានសេចក្តីជូនដំណឹង និងព័ត៌មាននានារបស់ក្រសួងធនធានទឹក និងឧតុនិយម និងប្រព័ន្ធផ្សព្វផ្សាយរបស់ខេត្តឱ្យបានជាប់ជាប្រចាំ ដើម្បីត្រៀមទុកជាមុននូវវិធានការក្នុងការពារ និងបង្ការទប់ស្កាត់ការពារបាតុភូតធម្មជាតិដែលកើតមានឡើងជាយថាហេតុ។ ទន្ទឹមនោះ រដ្ឋបាលក្រុងស្រុកមន្ទីរអង្គភាព និងអ្នកពាក់ព័ន្ធ ត្រូវត្រៀមលក្ខណៈឱ្យបានគ្រប់ជ្រុងជ្រោយ ដើម្បីអន្តរាគមន៍ចុះជួយសង្រ្គោះពលរដ្ឋ និងភ្ញៀវទេសចរបានទាន់ពេលវេលា។
![](https://www.kampucheathmey.com/wp-content/uploads/2024/06/photo_2024-06-23_13-26-30-1-1024x768.jpg)
ផ្អែកតាមសេចក្តីជូនដំណឹងរបស់ក្រសួងធនធានទឹក និងឧតុនិយម បង្ហាញថា ដើមរដូវវស្សានេះ ខេត្តកោះកុង មានភ្ញៀវធ្លាក់ជាបន្តបន្ទាប់លាយឡំដោយផ្គររន្ទះ ខ្យល់កន្រ្កាក់ រីឯលើផ្ទៃសមុទ្រមានខ្យល់រលកបោកបក់ខ្លាំងដែលបណ្តាលឱ្យតំបន់ខ្លះទទួលរងនូវផលប៉ះពាល់ដូចជាជំនន់ទឹកភ្លៀង លិចលង់លំនៅដ្ឋាន ផ្លូវថ្នល់ ខូចខាតផលដំណាំ សត្វពាហនៈ និងទ្រព្យសម្បត្តិផ្សេងៗ ព្រមទាំងប៉ះពាល់បញ្ហាសុខភាពផងដែរ។
![](https://www.kampucheathmey.com/wp-content/uploads/2024/06/photo_2024-06-23_13-26-24-1024x576.jpg)
ជាក់ស្តែង ២ថ្ងៃនេះ គេសង្កេតឃើញមានតំបន់ជាច្រើន នៃសង្កាត់ទាំង៣ ក្នុងក្រុងខេមរភូមិន្ទ ខេត្តកោះកុង បានរងការជន់លិចទឹកភ្លៀងបង្កឱ្យលំនៅដ្ឋាន និងផ្លូវថ្នល់ជាច្រើនខ្សែលិចលង់មិនធ្លាប់មានពីមុនមក៕
អត្តបទ៖ សិរីវឌ្ឍនៈ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក