ព័ត៌មានជាតិ
សហភាពសហជីពការងារ សន្តិភាព ព្រមានប្តឹងអង្គការសង់ត្រាល់ទៅក្រសួងការងារ និងក្រសួងមហាផ្ទៃ
ជាបន្តបន្ទាប់សហជីពតំណាងកម្មករនិយោជិតមួយទៀត បានចេញមុខព្រមានប្តឹងអង្គការសង់ត្រាល់ទៅកាន់ក្រសួងមហាផ្ទៃ និងក្រសួងការងារ និងបណ្តុះបណ្តាលវិជ្ជាជីវៈ ដើម្បីឱ្យស្ថាប័នមានសមត្ថកិច្ចទាំងពីរនេះជួយរកដំណោះស្រាយជុំវិញសកម្មភាពកកូរកកាយរបស់អង្គការសង់ត្រាល់ដែលធ្វើខុសនីតិវិធីច្បាប់អនុញ្ញាតិ។
![](https://www.kampucheathmey.com/wp-content/uploads/2024/06/DSC07767-1024x683.jpg)
ថ្លែងក្នុងសន្និសីទសារព័ត៌មាននៅទីស្នាក់ការក្នុងរាជធានីភ្នំពេញលោក នួន នី អនុប្រធានសហភាពសហជីពការងារសន្តិភាព និងជាអ្នកនាំពាក្យ បានព្រមានប្តឹងអង្គការសង្គមស៊ីវិលដែលទទួលជំនួយបរទេសមួយនេះទៅកាន់ក្រសួងមហាផ្ទៃ និងក្រសួងការងារ និងបណ្តុះបណ្តាលវិជ្ជាជីវៈ ដោយភ្ជាប់ជាមួយភស្តុតាងដែលអះអាងថា ជាសកម្មភាពខុសច្បាប់។
លោក នួន នី បានលើកឡើងថា «សហភាពសហជីពការងារសន្តិភាព នឹងធ្វើពាក្យបណ្តឹងមួយភ្ជាប់ជាមួយភស្តុតាងទៅកាន់ក្រសួងមហាផ្ទៃដើម្បីស៊ើបអង្កេតលើរបាយការណ៍សកម្មភាព និងជំនួយរបស់អង្គការដែលទទួលជំនួយបរទេសរូបនេះ។ អង្គការសង់ត្រាល់សូមបញ្ឈប់ជាបន្ទាន់ចំពោះសកម្មភាពទាំងឡាយណាដែលរំលោភលើសកម្មភាពរបស់សហជីព»។
![](https://www.kampucheathmey.com/wp-content/uploads/2024/06/DSC07768-1024x625.jpg)
បន្ថែមពីនេះ លោកអនុប្រធានរូបនេះ បានបន្តព្រមានថា បើអង្គការសង់ត្រាល់មិនបញ្ឈប់សកម្មភាពរបស់ខ្លួននោះទេ សហភាពសហជីពរបស់លោក នឹងដង្ហែក្បួនដាក់ញត្តិដើម្បីស្នើសុំកិច្ចអន្តរាគមន៍ពីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ សម្រាប់កម្មភាពកកូរកកាយរបស់សង់ត្រាល់ដែលជាអង្គការសង្គមស៊ីវិលចុះបញ្ជីនៅក្រសួងមហាផ្ទៃប៉ុន្តែតែងតែធ្វើសកម្មភាពក្នុងផ្នែកសហជីពទៅវិញ។ សម្រាប់សហភាពសហជីពការងារសន្តិភាព ទង្វើរបស់អង្គការសង់ត្រាល់របៀបនេះ មិនអាចទទួលយកបានទេ ដែលតម្រូវឱ្យមានការត្រួតពិនិត្យ និងស៊ើបអង្កេតឡើងវិញពីអាជ្ញាធរពាក់ព័ន្ធ។
គួររំលឹកថា ក្រោយអង្គការសង់ត្រាល់ចេញរបាយការណ៍ស្តីពីសិទ្ធិសេរីភាពរបស់សហជីពនៅកម្ពុជាមក សហជីពជាច្រើនបានចេញមុខជាបន្តបន្ទាប់វាយប្រហាររបាយការណ៍ដោយលើកឡើងថា គ្មានតម្លាភាព គ្មានភាពជាតំណាង និងគ្មានលក្ខណៈវិទ្យាសាស្ត្រដែលទទួលយកបាន។ ក្រុមសហជីពធំៗនៅកម្ពុជាបានលើកឡើងថា របាយការណ៍សង់ត្រាល់ជារបៀបវារៈនយោបាយ និងចង់បំផ្លាញនូវឆ្នាំងបាយរបស់កម្មករកម្ពុជាដែលមិនអាចទទួលយកបាន៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២១ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ