ព័ត៌មានជាតិ
កសិករនៅខេត្តព្រះវិហារ កំពុងព្រួយបារម្ភព្រោះសត្វដង្កូវកំពុងវាយប្រហារដំណាំយ៉ាងខ្លាំង
ប្រជាកសិករនៅស្រុកគូលែន ខេត្តព្រះវិហារ ដែលជាអ្នកធ្វើស្រែចម្ការ បច្ចុប្បន្នពួកគាត់ទាំងនោះកំពុងមានការព្រួយបារម្ភ ដោយសារតែសត្វដង្កូវកំពុងរាតត្បាតយ៉ាងខ្លាំង។ នេះបើតាមការឱ្យដឹងរបស់ពលរដ្ឋនៅថ្ងៃទី២៣ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/image-1307-1024x771.png)
ពលរដ្ឋបានឱ្យដឹងថា ក្រោយពីពួកគាត់ដាំដំឡូងមីកាលពីអំឡុងចុងខែ១២ ឬក៏ដើមខែ១ ឆ្នាំ២០២៤ គឺពួកគាត់ប្រឈមនឹងការខាតបង់មួយអន្លើទៅហើយ នេះដោយសារតែរដូវប្រាំង បានអូសបន្លាយយូរពេក ដែលធ្វើឱ្យដំណាំដែលពួកគាត់ដាំដុះបាន ត្រូវបានស្វិត ឬក៏ងាប់ស្ទើរអស់តែម្តង។
ពលរដ្ឋបន្តថា បើទោះករណីដំឡូងមីរបស់ពួកគាត់ត្រូវបានទទួលផលសេសសល់ពីការវាយប្រហារដោយសារកម្តៅ នៅសល់ត្រឹម២០% ទៅ៣០% ក៏ពិតមែន តែតម្លៃក្នុងការលក់ចេញគឺបាន ១គីឡូក្រាមត្រឹមតែ២០០រៀល ឬក៏២២០រៀល តែប៉ុណ្ណោះ។ នេះសម្រាប់តម្លៃដំឡូងមីស្រស់ កាលពីអំឡុងដើមខែមិថុនាឆ្នាំ២០២៤។ តម្លៃនេះ គឺវាមិនមានតុល្យភាពជាមួយនឹងកម្លាំងពលកម្មក៏ដូចជាក្នុងកាចំណាយដើមទុនរបស់ពួកគាត់ ចំណុចនេះហើយ ទើបធ្វើឱ្យពួកគាត់មួយចំនួនបង្ខំចិត្តភ្ជួរដំឡូងមីចោលដើម្បីប្រញាប់យកដីមកពង្រោះស្រូវឱ្យបានទាន់រដូវវិញម្តង។
![](https://www.kampucheathmey.com/wp-content/uploads/2024/06/image-1309-1024x771.png)
ពលរដ្ឋបន្តទៀតថា អ្វីដែលធ្វើឱ្យពួកគាត់មានការព្រួយបារម្ភនោះគឺ ដំណាំស្រូវរបស់ពួកគាត់នាពេលបច្ចុប្បន្ន ក្រោយពីពួកគាត់ពង្រោះបានអាយុចាប់ពី២០ ទៅ៣០ថ្ងៃហើយ ត្រូវបានសត្វដង្កូវសុីបំផ្លាញស្ទើរអស់ពីក្នុងស្រែឬចម្ការទៀត។
លោក ប៉ែន ជឹង អភិបាលស្រុកគូលែន បានឱ្យដឹងថា ពាក់ពន្ធ័សត្វដង្កូវសុីបំផ្លាញដំណាំស្រូវនេះ គឺមិនមែនជាការសុីទូទាំងស្រុកទេ ពោល គឺនៅក្នុងស្រុកគូលែន វាសុីនៅតាមតំបន់១ចំនួន។ ចំពោះការសុីបំផ្លាញពីសត្វដង្កូវនេះ លោក ថាគឺវាមិនប៉ះពាល់ដល់ផលស្រូវប៉ុន្មានដែរទេ ពីព្រោះអាយុស្រូវនៅមិនទាន់ធ្វើខ្លួនបង្កើតជាគួរ ឬក៏គ្រាប់នោះដែរ។ ម្យ៉ាងវិញទៀតលោកថា សត្វដង្កូវវាសុីនេះគឺវាសុីដោយសារមិនមានទឹកត្រាំដើមស្រូវ បើកាលណាមានទឹកហើយនោះ លោកអភិបាលស្រុកថាប្រាកដជាវាលែងសុីហើយ។ ជុំវិញនឹងបញ្ហានេះលោកអភិបាលស្រុកថា លោកក៏បានរាយការណ៍ទៅមន្ទីរកសិកម្មរុក្ខាប្រមាញ់ និងនេសាទខេត្តហើយដែរ។
![](https://www.kampucheathmey.com/wp-content/uploads/2024/06/image-1310-1024x768.png)
រីេ លោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ មិនអាចទាក់ទងសុំការពន្យល់បានទេនៅរសៀលថ្ងៃទី២៣ ខែមិថុនា ឆ្នាំ២០២៤។
ប្រជាកសិករស្នើសុំកិច្ចអន្តរគមន៍ដល់ថ្នាក់ដឹកនាំមន្ទីរដែលពាក់ពន្ធ័មេត្តាជួយចាត់ឱ្យមន្ត្រីជំនាញមកជួយផ្តល់ប្រឹក្សាជូនដល់ប្រជាពលរដ្ឋផង ពីព្រោះបច្ចុប្បន្នពួកគាត់ទាំងនេះកំពុងព្រួយបារម្ភយ៉ាងខ្លាំង៕
ដោយ៖ ជុន កុសល
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២២ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ