ព័ត៌មានជាតិ
សេវាមន្ទីរពេទ្យបង្អែក ខេត្តមណ្ឌលគិរី ឆ្នាំ២០២៤ ប្រសើរជាងឆ្នាំមុន
ដោយទទួលបានការណែនាំពី សាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ដឹកនាំដោយ ទន្តបណ្ឌិត អឿន បូរារ័ត្នន៍ រដ្ឋលេខាធិការក្រសួងសុខាភិបាល រួមជាមួយ វេជ្ជបណ្ឌិត លី ឈួង រដ្ឋលេខាធិការ ក្រសួងសុខាភិបាល បានអញ្ជើញចុះត្រួតពិនិត្យលើវឌ្ឍនភាព និងលើកទិសដៅការងារបន្តរបស់មន្ទីរពេទ្យបង្អែកកោះញែក ខេត្តមណ្ឌលគិរី។
លទ្ធផល នៃការចុះពិនិត្យគាំទ្រសេវាមន្ទីរពេទ្យ បានឃើញមានភាពប្រសើរឡើង បើធៀបទៅនឹងលទ្ធផលការចុះត្រួតពិនិត្យគុណភាពសេវាមន្ទីរពេទ្យបង្អែកស្រុកជុំទី១ កាលពីចុងឆ្នាំ២០២៣ ហើយបញ្ហាប្រឈមនៅសេសសល់ និងសំណូមពរបន្ថែម កំពុងបានបន្តដោះស្រាយជាបន្តបន្ទាប់ ដើម្បីបម្រើសេវាជូនប្រជាជនកាន់តែប្រសើរឡើងថែមទៀត។
បេសកកម្មខាងលើចាប់ផ្ដើមពីថ្ងៃទី១៩ ដល់ ថ្ងៃទី២២ ខែមិថុនា ឆ្នាំ២០២៤ ដោយមានការចូលរួមពី ថ្នាក់ដឹកនាំការិយាល័យសុខាភិបាលស្រុកប្រតិបត្តិ អភិបាលរង នៃគណៈអភិបាលស្រុក ថ្នាក់ដឹកនាំមន្ទីរពេទ្យបង្អែក និងមន្ត្រីសុខាភិបាលក្រោមឱវាទផងដែរ។
រដ្ឋលេខាធិការ បានកោតសរសើរដល់ថ្នាក់ដឹកនាំមន្ទីរសុខាភិបាល ថ្នាក់ដឹកនាំការិយាល័យសុខាភិបាលស្រុក ប្រតិបត្តិ ថ្នាក់ដឹកនាំមន្ទីរពេទ្យបង្អែក ព្រមទាំងមន្ត្រីសុខាភិបាលក្រោមឱវាទ ព្រមទាំងផ្តល់អនុសាសន៍ជំរុញលើកទឹកចិត្ត ដល់ថ្នាក់ដឹកនាំ មន្ទីរពេទ្យផ្ទាល់បន្តការអនុវត្តពិនិត្យលើការងារមួយចំនួនដូចខាងក្រោម៖
១. រៀបចំផែនការអភិវឌ្ឍន៍មន្ទីរពេទ្យបង្អែកឱ្យបានច្បាស់លាស់ និងគ្រប់ជ្រុងជ្រោយរួមមាន: ការកែលម្អហេដ្ឋារចនាសម្ព័ន្ធ ធនធានបុគ្គលិក ការបណ្តុះបណ្តាលបន្តជំនាញបច្ចេកទេស ឱសថ សម្ភារ: បរិក្ខារពេទ្យ ដើម្បីដាក់សំណើតាមរយៈថ្នាក់ដឹកនាំការិយាល័យសុខាភិបាលស្រុកប្រតិបត្តិ ដើម្បីសុំការគាំទ្រពីថ្នាក់ដឹកនាំមន្ទីរសុខាភិបាល និងពីគណៈអភិបាលខេត្ត ដើម្បីបម្រើសេវាជូនប្រជាពលរដ្ឋឱ្យកាន់តែប្រសើរឡើង។
២. រៀបចំផែនការសកម្មភាពជាប្រចាំ ដោយពិនិត្យទៅលើវឌ្ឍនភាពការងារ ដែលបានអនុវត្តកន្លងមករួមមាន ការផ្តល់សេវាព្យាបាលជូនអ្នកជំងឺ ២៤ម៉ោង លើ២៤ម៉ោង និង៧ថ្ងៃក្នុងមួយសប្តាហ៍ ការធ្វើអនាម័យបរិស្ថាន ការទទួលស្វាគមន៍បដិសណ្ឋារកិច្ចអ្នកជំងឺ និងលើកទិសដៅការងារសម្រាប់អនុវត្តបន្ត ដើម្បីអភិវឌ្ឍន៍មន្ទីរពេទ្យ។
៣. សូមឱ្យថ្នាក់ដឹកនាំ ក៏ដូចជាមន្ត្រីបុគ្គលិកមន្ទីរពេទ្យទាំងអស់ត្រូវបំពេញការងារដោយទទួលខុសត្រូវរលើតួនាទីភារកិច្ចរបស់ខ្លួនឲ្យបានខ្ជាប់ខ្ជួន ប្រកបដោយក្រមសីលធម៌វិជ្ជាជីវៈ។
៤. ជំរុញលើកកម្ពស់លើកិច្ចសហប្រតិបត្តិការជាមួយអាជ្ញាធរមូលដ្ឋាន ដើម្បីធានាបានសន្តិសុខសុវត្ថិភាព ជូនទាំងមន្ត្រីប្រចាំការ និងប្រជាជនមកទទួលសេវា ក្នុងដែនសមត្ថកិច្ចរបស់ខ្លួន។
៥. ឈ្វេងយល់ផ្លាស់ប្តូរបទពិសោធន៍ ពីមន្ទីរពេទ្យណាមួយក្នុងខេត្ត ឬក្រៅខេត្ត ដែលមានការគ្រប់គ្រង និងផ្តល់សេវាល្អប្រកបដោយគុណភាព សុវត្ថិភាពខ្ពស់ និងទំនុកចិត្តព្រមទាំងមានការគាំទ្រខ្ពស់ពីប្រជាជន។
បន្ថែមពីនេះ រដ្ឋលេខាធិការ បានថ្លែងអំណរគុណ និងផ្តាំផ្ញើសួរសុខទុក្ខពី សាស្ត្រាចារ្យរដ្ឋមន្ត្រី ឈាង រ៉ា ដល់ថ្នាក់ដឹកនាំមន្ទីរសុខាភិបាល ថ្នាក់ដឹកនាំការិយាល័យសុខាភិបាលស្រុកប្រតិបត្តិ ថ្នាក់ដឹកនាំមន្ទីរពេទ្យបង្អែក ព្រមទាំងមន្ត្រីសុខាភិបាលក្រោមឱវាទ ដែលបានលះបង់កម្លាំង កាយចិត្តបម្រើសេវាជូនប្រជាពលរដ្ឋកន្លងមក និងបន្តការងារបម្រើសេវាជូនប្រជាពលរដ្ឋឱ្យកាន់តែប្រសើរឡើងថែមទៀត៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ