ព័ត៌មានជាតិ
អ្នកនាំពាក្យរង៖ ការផ្សាយថា ថៃចាប់ខ្លួនពលករខ្មែរ ៤ពាន់នាក់ រយៈពេល១សប្ដាហ៍ ជាព័ត៌មានមិនច្បាស់លាស់
លោកស្រី ឃុន ណៃហៀក អនុរដ្ឋលេខាធិការ និងជាអ្នកនាំពាក្យរងក្រសួងការងារ បានបញ្ជាក់តាមរយៈទំព័រហ្វេសប៊ុករបស់ខ្លួន នៅថ្ងៃទី២២ ខែមិថុនា ឆ្នាំ២០២៤ ថា ការផ្សាយថា ថៃចាប់ខ្លួនពលករខ្មែរ ៤ពាន់នាក់ រយៈពេល ១សប្ដាហ៍ ជាព័ត៌មានមិនច្បាស់លាស់។
![](https://www.kampucheathmey.com/wp-content/uploads/2024/06/image-1321-1024x683.png)
លោកស្រី ចេញមកបញ្ជាក់បែបនេះ ដោយសារ មានសារព័ត៌មានមួយចំនួនធំ បានចេញផ្សាយមិនត្រឹមត្រូវនូវតួលេខ និងអង្គហេតុមួយចំនួន។ អនុរដុ្ឋលេខាធិការ និងជាអ្នកនាំពាក្យរងទី១ រូបនេះ បានឱ្យដឹងថា តាមការចេញផ្សាយលើទំព័រហ្វេសបុករបស់នាយកដ្ឋានមុខរបរនៃក្រសួងការងារថៃ ចាប់ពីថ្ងៃទី៥ ដល់ថ្ងៃទី១២ ខែមិថុនា ឆ្នាំ២០២៤ អាជ្ញាធរថៃបានចុះត្រួតពិនិត្យការប្រើប្រាស់កម្លាំងពលកម្មបរទេសនៅតាមសហគ្រាសចំនួន ១ ៧៧៤កន្លែង ដែលប្រើប្រាស់ពលករបរទេសសរុបចំនួន ២៦ ១៨៩នាក់ ក្នុងនោះពលករ កម្ពុជាចំនួន ៣ ៩៧១នាក់ មីយ៉ាន់ម៉ាចំនួន ២០ ១១១នាក់ ឡាវចំនួន ១ ៦៥៩នាក់ និងសញ្ជាតិផ្សេងៗចំនួន ៤៤៨នាក់។
ក្នុងប្រតិបត្តិការនោះ អាជ្ញាធរថៃបានឃាត់ខ្លួនពលករបរទេសមិនមានឯកសារគ្រប់គ្រាន់ចំនួន ២៤០នាក់ ដែលក្នុងនោះមានពលករកម្ពុជាចំនួន ៨នាក់ មីយ៉ាន់ម៉ាចំនួន ១៩០នាក់ ឡាវចំនួន ៣៨នាក់ និងពលករសញ្ជាតិផ្សេងៗ ចំនួន ៤នាក់។
![](https://www.kampucheathmey.com/wp-content/uploads/2024/06/image-1322-1024x812.png)
ជាមួយគ្នានោះ លោកស្រី បានលើកឡើងថា «មានលិខិតឆ្លងដែន/លិខិតធ្វើដំណើរពលករកម្ពុជាធ្វើការនៅបរទេស (TD)/ប័ណ្ណព្រំដែន ឬលិខិតឆ្លងដែនដែលមានទិដ្ឋាការទេសចរណ៍ អាចឆ្លងដែនបានមែន ប៉ុន្តែមិនអាចធ្វើការងារស្របច្បាប់នៅប្រទេសថៃបាននោះទេ»។ យ៉ាងណាមិញ ដើម្បីក្លាយជាពលករស្របច្បាប់ ត្រូវមានឯកសារ ដូចខាងក្រោម៖
– លិខិតឆ្លងដែន + ទិដ្ឋាការការងារ + ប័ណ្ណអនុញ្ញាតធ្វើការ ឬ
– លិខិតធ្វើដំណើរពលករកម្ពុជាធ្វើការនៅបរទេស (TD) + ទិដ្ឋាការការងារ + ប័ណ្ណអនុញ្ញាតធ្វើការ ឬ
– ប័ណ្ណព្រំដែន+ ទិដ្ឋាការការងារ + ប័ណ្ណអនុញ្ញាតធ្វើការ។
លោកស្រីថា ដើម្បីបង្ការនូវការឆបោករបស់ជនខិលខូច ឬឆ្លងដែនរកការងារធ្វើនៅប្រទេសថៃ ដោយប្រើប្រាស់ឯកសារ មិនរៀបរយ សូមសាធារណជនសាកសួរព័ត៌មាន អំពីឱកាសការងារនៅបរទេសតាមរយៈ Hotline លេខ១២៨៦/១២៩៧៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ